روايه بنتي طردتني من البيت بقلم الهواري
بنتي طردتني من البيت اللي دفعته تمنه من عمري.. وبعد ساعات، الموظف بص للفيزا القديمة ووشوشني عم إسماعيل.. إنت عارف الحساب ده فيه كام؟
أصعب حاجة خبطت في قلب عم إسماعيل في ليلة شتا تقيلة ماكانتش لسعة الهوا كانت الكلمة اللي خرجت من بنت ربّاها بإيده.
يا بابا لازم تمشي النهاردة.
الكلمة دي فضلت ترن في ودنه وهو واقف قدام مدير البنك، إيده بتترعش، وقلبه ما بين وجع السنين وصدمة اللحظة. المدير بلع ريقه وقال بصوت واطي كأنه خايف من اللي هيقوله
يا حاج إسماعيل الحساب ده فيه 18 مليون جنيه.
الدنيا سكتت.
مش بس حوالينه جواه هو كمان.
18 مليون؟
رقم أكبر من عمره نفسه.
بص للمدير كأنه بيهزر كأنه بيختبره كأنه بيشوف رد فعله.
إنت متأكد يا ابني؟ ده حساب قديم أنا كنت شغال عامل بسيط
المدير هز راسه وهو بيقرب الشاشة
الحساب اتفتح سنة 1994 وكان بيتحول عليه أرباح من شركة مقاولات وبعدين اتحول لاستثمار تلقائي صناديق فوائد مركبة ومحدش سحب منه جنيه واحد من يومها.
الذاكرة بدأت ترجع
الشركة.
المدير الأجنبي.
اليوم اللي قالوله فيه إن جزء من الأرباح هيتحط في حساب باسمهم.
وقتها ضحك وقال هو أنا لاقي آكل عشان أستنى أرباح!
ونسي.
نسي تمامًا.
وهو بيجري في الحياة بيجري عشان بنت واحدة.
سارة.
المدير كمل
الفلوس كبرت لوحدها ومع الوقت بقت بالمبلغ ده.
عم إسماعيل ضحك بس ضحكة غريبة نصها وجع ونصها سخرية
سبحان الله وأنا كنت فاكر نفسي مفلس.
خرج من البنك مش نفس الراجل اللي دخله.
مش عشان الفلوس لكن عشان الحقيقة.
إن الدنيا ممكن تديك كل حاجة في نفس اليوم اللي تاخد منك أغلى حاجة.
قعد على نفس دكة الأتوبيس اللي كان قاعد عليها من شوية بس إحساسه اختلف.
قبلها كان تايه.
دلوقتي عنده اختيار.
إما يرجع ينتقم يوري سارة إنها غلطت.
أو يمشي ويبدأ حياة هو يستحقها.
طلّع صورة سارة الصغيرة من الشنطة.
بص لضحكتها ودمعة نزلت منه غصب عنه.
أنا ربيتك عشان تبقي كده؟ ولا أنا اللي غلطت؟
عدت دقايق طويلة وهو ساكت.
وبعدين أخد القرار.
مش هيكسر قلبه مرتين.
قام وروح فندق صغير وقضى الليلة.
تاني يوم راح البنك وبدأ الإجراءات.
فتح حساب جديد.
نقل الفلوس.
وسأل عن استثمار آمن.
لكن أهم حاجة عملها كانت حاجة محدش يتوقعها.
كتب وصية.
مش بس بالفلوس
بالحياة.
بعد أسبوعين كان قاعد في شقة صغيرة نضيفة في مكان هادي.
مش فخمة بس مريحة.
أول مرة من سنين بينام من غير ما يحسب مصاريف بكرة.
وبعد شهر عمل حاجة أغرب.
راح دار أيتام.
مش زيارة وخلاص.
لا بدأ يروح كل يوم.
يلعب مع الأطفال يحكي لهم يساعدهم
واحدة من المشرفات سألته
هو حضرتك قريب حد هنا؟
ابتسم وقال
كنت فاكر إن عندي بنت بس شكلي لسه بدوّر.
بقى عم إسماعيل لكل الأطفال.
والغريب
إن قلبه بدأ يخف.
مش ينسى بس يهدى.
في نفس الوقت
سارة كانت عايشة حياتها.
العفش الجديد وصل.
البيت بقى مودرن.
بس
فيه حاجة ناقصة.
الهدوء بقى تقيل.
جوزها تامر بدأ يتغير.
المصاريف كترت.
والفلوس اللي كانت فاكرة إنها كتير بدأت تخلص.
وفي يوم
وصلهم إنذار من البنك.
القرض.
الديون.
التعثر.
سارة بدأت تنهار.
افتكرت أبوها.
مش حنانه
فلوسه.
راحت تدور عليه.
لفت على معارفه محدش عارف.
لحد ما واحد قالها
سمعت إنه بقى بيقعد في دار أيتام كده
راحت.
وقفت قدام الباب.
قلبها بيدق.
دخلت
وشافته.
قاعد على الأرض بيضحك مع طفل صغير بيأكله بإيده.
نفس الإيد اللي كانت بتطبخ لها زمان.
وقفت دموعها نزلت.
بابا
عم إسماعيل بص لها.
سكت.
الطفل شده وقال
إيه يا عمو؟ دي مين؟
رد بهدوء
واحدة أعرفها.
الكلمة نزلت عليها كأنها سكينة.
أنا بنتك يا بابا
بصلها نظرة طويلة
وفيها كل حاجة.
الوجع.
الخذلان.
والحب اللي لسه ما ماتش.
بس رد بكلمة واحدة
كنتِ.
سارة وقعت على ركابها
أنا غلطت سامحني
سكت شوية
وبعدين قال
أنا سامحتك من يوم ما مشيت عشان أقدر أعيش بس مش لازم
بص للأطفال حواليه
دول محتاجينّي وأنا كمان محتاجهم.
وقام.
وسابها.
المرة دي هو اللي مشي.
وسابها واقفة.
لوحدها.
زي ما سابته.
لكن الفرق؟
إنه كان معاه قلب نضيف.
وهي لسه بتتعلم يعني إيه قلب أصلاً.
ومن يومها
عم إسماعيل ما رجعش.
اشترى راحته.
مش بفلوسه
لكن باختياره.
واكتشف إن أغلى حاجة في الدنيا
مش بيت ولا فلوس
أغلى حاجة
إنك ما تديش قلبك لحد يبيعه بسهولة.
اللي حصل بعد كده ماكانش مجرد تكملة قصة ده كان اختبار حقيقي للقلوب اللي اتكسرت، وهل ممكن تتصلّح ولا بتفضل مكسورة طول العمر.
سارة خرجت من دار الأيتام وهي مش شايفة قدامها.
الشارع زحمة العربيات بتعدي الناس بتتكلم بس كل ده كان صوت بعيد كأنها تحت المية.
كنتِ
الكلمة دي فضلت تتردد جواها زي صدى موجع.
أول مرة في حياتها تحس إنها لوحدها بجد.
مش الوحدة اللي فيها ناس حواليك وخلاص لا، الوحدة اللي مفيهاش حد يلحقك لما تقع.
رجعت البيت
البيت اللي كانت بتحلم تغيّره.
الحيطة لونها أبيض العفش شيك كل حاجة مودرن زي ما كانت عايزة.
بس أول ما قفلت الباب
الهدوء خنقها.
بصت حوالين نفسها
مفيش صوت أبوها وهو بيكح في الصالة.
مفيش ريحة أكله.
مفيش حد يقولها كلي يا بنتي قبل ما الأكل يبرد.
قعدت على الكنبة
وبدون ما تحس
عيّاط مش عادي عياط سنين.
في نفس اللحظة تامر دخل وهو متعصب
ها؟ عملتي إيه؟ لقيتيه؟
بصت له بعيون حمرا
لقيته
طب حلو! قالك إيه؟ هيساعدنا؟
سكتت
قال قال
