ندم بعد فوات الاوان
إنتى اتجننتى إنتى بتقوليلى أنا الكلام ده
حاول يزق الباب ويفتحه لكن مقدرش ولقى منصور واقف فى ضهره وبيكلمه بسخريه
إيه ده معلم حسين هنا ! خير يا معلم جاى ليه
المعرض اللى فتحته ده يتقفل يا منصور بدل ماتشوف وش تانى منى
أنا مستنى اشوف الوش التاني ده ومره تانيه ماتجيش هنا
هو أنت مش بتعرف تتكلم مع رجاله فبتلف وتتكلم مع نسوان
انت بتكلمنى كده ليه نسيت أنا مين
لا انسى ازاى انسى اللى نصب على امى وخالى واخد فلوسهم وراح ربا ولاد غير ولاده
ماتقلقش مانستش أنت مين ومش هنسى
بعدها فتح الباب بالمفتاح ودخل وقفل الباب تانى واعتبر حسين مش موجود
دخل لقى مامته فى المطبخ وبتغرف الاكل كان خايف يكون كلام حسين ساب اثر جواها لكن اتفاجئ أنها بتتعامل عادى ومافيش أى ملامح غضب او حزن على ملامحها
مساء الخير يا ست الكل
مساء الورد يا حبيبتي هتغير هدومك ولا نازل تانى
لأ هتغدى وانزل عندى شغل كتير انهارده
ربنا يستر وابوك مايعملش حاجه ينكد عليك
مايقدرش يا ست الكل ولادك رجاله انا مش عايزك
تقلقى انا مأمن نفسى كويس
ربنا يستر وبدعيلك ليل نهار أنت واخوك فاضل بس تفرحنى بعروسه
لا انسى مش دلوقتي هو انا عندى وقت اقعد معاكى لما تقوليلى اتجوز انسى ركزى مع فارس وبنت اخوكى دلوقتي
ابتسمت سميحه على ابنها وفضلت تدعيله ربنا يسترها عليه
خلص منصور غدا وراح المعرض لقى حد من من العمال بيتكلم على المعلم عبد الظاهر وبعدها راح وقف جمبهم عشان يطمن عليه
خير يا رجاله ماله الحاج ظاهر
من نص ساعه وقع في المكتب بتاعه وطلبوله الاسعاف
ومين معاه دلوقتي
معاه حد من العمال وبنته
تمام .
سابهم منصور وراح مكتبه كان فارس قاعد بيراجع الايرادات
لقى منصور داخل وهو مستعجل وبياخد فلوس من الخزنه
مالك يا منصور مستعجل ليه كده
المعلم عبد الظاهر
لا حول ولا قوه الا بالله طيب انت هتروحله دلوقتي
أكيد طبعا
والمعرض انت عارف الوضع عامل إزاى
أنت هتقدر تسد يا فارس الراجل لواحده ماينفعش نسيبه وماعندوش ولاد رجاله ومافيش حد معاه غير بنته ماينفعش نسبها لوحدها
ماشى يا منصور خد بالك من نفسك وابقى تابع معايا على التليفون
وصل منصور المستشفى وسأل عن المعلم وبلغوه إنه فى العنايه المركزه زصل قدام العنايه ولقى بنت فى اوائل العشرينات واقفه لوحدها وبتعيط
قرب منها ببطء وسالها
انتى بنت المعلم عبد الظاهر
أه انا كانت بتتكلم بشحتفه وعياط
حالته عامله ايه دلوقت
معرفش حاجه خالص عنه والدكاتره مش بتقولى حاجه
خلاص ماتقلقيش انا معاه ومش هسيبه اقعدى ارتاحى وأنا هتصرف
فى الجهه الاخرى رجع حسين تانى على المكتب وكان حاسس بغليان جواه من كلام منصور وأمه وقرر إنه ياخد حقه
مر ساعتين وبعدها دخل محمود المكتب
يا معلم
خير
أه بصراحه خايف احكيلك تزعل لأ قول
منصور اتفق مع تجار كبار وواخد البضايع بالقسط والبضاعه اللى عنده أجدد من اللى هنا والاسعار زى عندنا والبضاعه اللى عندنا هو عارضها أرخص تقريبا بسعر الجمله ولو بعناها زيه هنخسر ولو سبناه محدش هيجيلنا هنا خالص نعمل إيه
نولع فى المعرض وانهارده
أنت بتقول إيه يا معلم
اللى سمعته ولو مش ادها عرفنى
وقف محمود يفكر فى كلام حسين وبعدها رد عليه بطمع
بس الموضوع ده هيتكلف كتير منا مش هعمله لواحدى
هديك اللى أنت عايزه وكاش
تمام يا معلم عايز ميت الف جنيه
خرج حسين من الخزنه ٥٠ ٠٠٠ الف واداهم ليه
ده نص المبلغ ولما تخلص هديك الباقى أهم حاجة محدش يعرف مين عمل كده ولا اللى هيساعدوك يعرفوا إن انا اللى مبلغك
اعتبره حصل أخد محمود الفلوس وخرج
تفتكروا محمود هينفذ
وهل مشيره هتتدخل فى المشاكل ولا هتكتفى أنها تبقى متفرجه
وهل هيكون لعبد
نستنى الاحداث الجايه هتكون
