كامله
كبرياء ابنه الخادمه
ان فيها حاجه متغيره
صدقيني ما اعرفش لو تحبي اسالها
لا هتقول لها مش بتكلمي بنت الداده ليه ارجوك خليني ارجع وكل واحد يبقى على راحته
طب بكره هنزل معاكي لان عندي شغل
مش عارفه سامح اتكلم مع هنا ولا هي سمعتنا فرحت قوي انها ندهت علي
خير يا هنا
حلا الحقي النسكافيه وقع مني امسحيه بسرعه او نادي على دادة تعمله احسن السجاده غاليه وممكن تبقع
انت ناديتي عليا عشان كده
امال فاكراني هنادي عليك عشان تخرجي معايا
اتضايقت وكنت عايزه اجيبها من شعرها بس مسكت نفسي
لا انا بطلت اخرج معاكي من زمان وانت عارفة من قبل ما اسيب الفيلا نادي على حد ثاني يمسح السجاده انا مش بشتغل هنا وكنت بوضب الشنطه عشان ماشيه دلوقتي لاني هتاخر على اخر باص
سامح كان متابع الموقف وشاف هنا وهي بتدلق النسكافيه عمدا بس ما قدرش يعاتبها قدامي لانه عارف مامته هتعمل ايه
حلا استني رايحه فين مش قلنا هنمشي سوا بكره والليل دخل
ما تقلقش مش هيجرى لي حاجه بنت الداده بتعرف تاخذ بالها من نفسها بس تعمل فيا معروف بلاش تطلب مني اجي هنا تاني او في الفيلا لو بتحبني
فلتت الدموع من عيني ڠصب عني وما قدرش يعمل حاجه
يهديني
خلاص اللي تشوفيه خلي بالك من نفسك تعالي هوصلك للباص واول ما توصلي طمنيني عليك
بعد الموقف ده قفلت تلفوني خالص وقعدت في شقتنا حتى ما سافرتش مع خالتي لاني حسيت بالاهانه من اقرب الناس ليا انا حبيت هنا قوي و اعتبرتها اختي بس هي للاسف ما اعتبرتنيش اختها
ظهرت النتيجه بعد كام يوم جريت على ماما في الفيلا عشان افرحها اول واحده لكن اټصدمت من اللي شفته
يا ترى حلا شافت ايه الحلقه الجايه فيها مفاجات كبيره لحلا
كبرياء ابنة الخادمة
حلقة 56789
دخلت انادي لماما بصوت عالي والفرحه مش سيعاني لقيت شاهنده هانم بتزعق لي
صوتك عالي كده ليه انت مفكره نفسك في الحاره وطي صوتك
اسفه ماما فين
في المطبخ بتساعدهم عشان النهارده خطوبه هنا عاملين حاجة عائلية
مبروك هنا نتيجتها ظهرت
ردت بسخريه مني وكانت مفكره ان بنتها جابت الديب من ديله
اه جابت 89
الف مبروك حبيبتي تستاهل
بنفس السخريه والتكبر
وانت جبت كام
هقول لماما وافرحها الاول لان فضلها عليا بعد ربنا دقيقه افرحها وارجع افرحك
على اساس هتفرح لي قوي
دخلت لماما ما صدقتش في الاول وقامت مزغرطه بصوت عالي طبعا مرات ابويا كانت هتطق وتعرف انا جبت كام
فاديه بتعملي ايه الاصوات دي عندكم في الحاره هنا لا
اسفه يا مدام شاهنده من فرحتي
فرحانه قوي كده ليه هتكون جابت كام يعني هو 60 ولا 70 يفرحوك قوي كده
خليلي انا الطلعه دي يا ست الكل قلتها في سري ورديت بسرعه قبل ماما
لا يا مدام جبت 96
ايه انت جبت كام اكيد من الغش مش معقول قعدتك في الحاره تخليك تجيبي المجموع ده امال لو فضلت هنا كنت جبت كام
الحقيقه ما كنتش هجيب لان من كتر طلباتكم ما كنتش هعرف اذاكر امشي عشان افرح باقي اصحابي واهلي
استني عندك ساعدي مامتك عشان الخطوبه
رغم انها مش شغلتي بس اكيد انا مبسوطه عشان هنا هطلع ابارك لها وافرح سامح بيه
بقلمي سحر السحرتي
طلعت هنا قابلتني مقابله بارده فجريت على سامح اللي فرح قوي ليا اكثر من امي
انا كنت عارف انك شاطره ومحضر هديتك
رغم اني هرفضها بس احب اعرف فكرت فيا وجبت لي ايه
طلع احدث تليفون كنت هتجنن واخذه بس كرامتي قرصتني ورفضت
لا دي هديه على اجتهادك انت معتبراني غريب
هقول لهم ايه وجبته منين
هتقولي سامح اداهولي هديه نجاحي واي حد يكلمك تعالي لي امسكي انا ظبطته ومنزل لك عليه كل البرامج اللي ممكن تحتاجيها يا دكتوره
يسمع من بقك ربنا
المجموع و جبتيه كام يوم والتنسيق يفتح وهوصلك اول يوم للجامعه
مسح على راسي كاني بنته
حلا
نعم
تعالي ننزل اجيب لك فستان عشان تحضري خطوبه هنا
مفيش داعي انا مش هحضر هنزل اساعدهم واروح
ليه مش هتحضري
سامح بلاش انت عارف ان علاقتي معاها ما بقتش زي الاول وكمان لما دخلت ابارك لها حسيتها بارده معايا قوي فبلاش احرج نفسي اكثر من كده
ما جدلش معايا عشان عارف ان عندي حق
ساعدتهم وكل حاجه كانت جاهزه دخلت المكتب عند محمد بيه استاذنه عشان امشي بارك لي ولسه هخرج كانت مراته جابت ماما ودخلت وقالت لي
استني فيه كلمتين هقولهم لمامتك قدامك عشان تختاري
خير يا شاهي هانم عايزه الحق اروح قبل الوقت ما يتاخر
لما اتكلم تسمعي دلوقتي مامتك كبرت واحنا بقينا مش محتاجينها هنا بس عشان بقى لها معانا سنين قلنا بلاش نمشيها فاحنا بندفع راتب في حاجه مش محتاجينها
مش فاهمه عايزين تمشوها يعني ولة ايه بالظبط
لا هي هتمشي في حاله واحده لو فكرتي تدخلي كليه الطب انتم مش قد مصاريفها وانا مش هرمي فلوسي في الارض و تيجي كل شويه عايزه سلفه عشان مصاريف الجامعه يا تسمعي الكلام واول التنسيق ما يفتح تشوفي كليه غيرها يا تاخدي امك في ايدك من دلوقتي ونصفي حسابها
الحاج طبعا قاعد يتفرج امي بصت له برجاء بس هو لف وشه الناحيه الثانيه بكت لانها عارفه ان كلام مراته هيمشي علينا كلنا حبيت اعفيها من
كل ده ورديت بلا مبالاة كأن الموضوع مش مآثر فيا مرضيتش اخليها تحس بالرضا في اللي عملته معايا
بقلمي سحر السحرتي
موافقه الهانم ليها طلبات تانيه او كليه ثانيه تفضل اقدم فيها ولو عايزه كمان اكتفي بالثانويه العامه كلنا خدامينك اصل الايتام ما لهمش حق يحلموا وخصوصا لو كانت بنت الداده
لا تقدري تدخلي اي كليه بس تبقى من مستواكم
حاضر اقدر امشي دلوقت
لما يوصلوا الضيوف وتقدمي لهم العصير مش معقول مامتك اللي هتقدمه
اوامرك يا هانم
دخلت قعدت في المطبخ من الصدمه ما نطقتش حلم عمري اللي حلمت بيه وتعبت عشان احققه و اوصل له ضاع مني
الضيوف وصلوا ودخلت اقدم العصير
الصدمه الاكبر لما لقيت ادم هو العريس اللي بيخطب هنا
اعتذر لي بلغه الاشاره انه حب هنا رديت عليه
حقك بس الغلط مش عليك الغلط عليا اني صدقت عيل زيك كان المفروض تبقى راجل و تصارحني لما سالتك
ما حدش فهم حوارنا غير مامته و اخواته
وردت علي برده بلغه
الاشاره
المفروض كنت فهمتيها لوحدك انت مفكره بنت الخدامه هتتجوز واحد زي ابني فوقي لنفسك كويس قوي ولا عشان مش بيتكلم مفكره ان ناقصه حاجه
انا عمري ما فكرت انه ناقصه حاجه بس دلوقتي اتاكدت ان ناقصه حاجه مهمه ناقصه رجوله وانا ما يشرفنيش ارتبط بواحد ناقص اهم حاجه تميز جنسه كده بقى راجل في البطاقه بس
بقلمي سحر السحرتي
قامت ضړبتني بالقلم و زعقت
انت بنت قليله الادب
ضړبتني قدام ادم وهنا و الاسرتين وشفت في عين شاهنده نظره شماته لو كنت قټلت لها حد عمرها ما كانت بصيت لي كده
طبعا ما حدش اتكلم غيره
لو
سمحت يا
هانم ما يصحش تمدي ايدك عليها
ايه اللي حصل لده كله
حته خدامه مفكره ان ابني ممكن يبص لها و يتجوزها بتشتمه وتقول عليه مش راجل عشان خطب واحده من مستواه ابقوا اختاروا الخدامين اللي بيشتغلوا عندكم
جريت وخرجت
من الفيلا وانا مقهوره و مصدومه كل احلامي ضاعت و اټدمرت
سامح حاول يلحقني لكن طبعا الست الوالده ندهت عليه عشان تكمل خطوبه بنتها وما سمحتش انه يمشي والا هتخرج وراه امي مطروده
ماما قلبها كان اتكسر و حست انها ظلمتني بالحياه اللي اختارت هالي خصوصا الاب اللي اتجوزته ووافقت عليه خذلني لابعد الحدود لما شافني اكثر من مره بټضرب وعمره ما دافع عني رغم ان ده دوره وانا پقهر وبتمنع من اني احقق حلمي
شاهنده كانت طايره من الفرحه مش عشان خطوبه بنتها لكن عشان اللي حصل لي امال لو عرفت ان بنت ضرتها كانت فرحتها هتبقى عامله ازاي ندهت على امي وقالت لها زغرتي دي خطوبه هنا ولا مش فرحانه لها
ماما لقيتها فرصه انها تصرخ وهي بتزغرت يمكن يخفف عنها
حاول سامح يدور عليا كثير ويتصل وانا تايهه مش برد كاني في عالم ثاني مش عارفه اروح فين دموعي كانت نازله كانها ڼزيف لا تتوقف
سامح اخذ ادم على جنب يتكلم معاه ويفهم منه ايه اللي حصل معايا بس ادم كلمه بلغه الاشاره وسامح مش فاهم وطلب منه يكتب بس ادم رفض لانه محرج هيقول له ايه
وعدتها بالجواز وكنت جبان ما قدرتش اصارحها اني بطلت احبها هيقول البنت الوحيده اللي اهتمت بيا وتعلمت لغه الاشاره في اسبوع عشاني سبتها لما صارحت امي انها بنت الداده رفضت وانا لا احمل ذره شجاعه اقف في وشها عشان
ظروفي البنت الوحيده اللي حسستني اني مش ناقصني حاجه اتخليت عنها وسبت امي تهينها وتضربها
انا مش بشكر
سامح ما عرفش يتفاهم مع ادم فراح سال هنا
هو عايز يقول ايه
وانا هفهم منين خليه يكتب لك او اسال مامته
وهو انت بتتفاهمي معاه ازاي
هو بيقرا شفايفي ويكتب لي وبعدين الحب اللي بينا لغته مفهومه
ازاي حلا بتعرف تتكلم معاه
بيقول اتعلمت عشانه لغه الاشاره وانا وعدته اني هتعلمها بس بعد الثانويه اصل كنت مشغوله بالمذاكره
هي خطوبتك دي هتخلص امتى
انت مستعجل ليه اظن عايز تروح تجري ورا الخدامه اللي كانت بتضحك عليه وعايزه تتجوزه
هنا احترمي نفسك دي اختنا
لا اختك انت وخلي بالك لو ماما سمعتك هتمشي دادة فاديه وهي على شعره منها
انت بټهدديني يا هنا
لا طبعا بس بوضح لك الصوره
ماشي يا هنا براحتك
رايح فين
هعمل تليفون عندك مانع
فكرتك هتمشي
اتصل على عادل وعلاء ولاد خالتي يطمن اني وصلت لكن عرف ان لسه ما وصلتش
بعد ما انتهت الخطوبه حاول سامح يكلمني وانا في عالم ثاني لسه مش بتكلم مدام شاهي لاحظت انشغاله عليا فحبت تساعده
مامته اطلع نام يا سامح وما تفكرش تخرج
هو انا بنت هتمنعيني اخرج
لا بس مفكر انك هتخرج تدور عليها يوم ما تعملها الداده اللي انت فرحان بيها هتحصلك
طب انا هخرج يا ماما ولو داده خرجت مش راجع البيت تاني وهصرف على داداه وحلا من مرتبي وهروح اعيش معاهم في الحاره ايه رايك
انت بتتحداني
انت كل شويه بټهدديني انك هتطرديها ونازله اهانات في حلا ولا كانها انسانه بتحس عملت لك ايه
بتحاول تعيش عيشه مش بتاعتها وكانت عايزه تتجوز واحد مش من مستواها وتدخل كليه مش ليها عرفت بقى انا بحب احط كل واحد في حجمه الطبيعي ودي مجرد خدامه
انت الكلام معاك مش هيجيب نتيجه انا خارج ويا ريت تطلعي تنامي اليوم كان طويل
خرج يدور علي و بيتصل باستمرار لقى واحد بيرد عليه في التليفون
التليفون ده كان مع واحده واحنا لقيناها
يا ترى لقوني عاملة ايه وايه اللي هيحصل
كبرياء ابنة الخادمة
حلقة ٦
رد عليه سامح پخوف وړعب عليا ان ممكن اكون عملت حاجه في نفسي
لا يا استاذ احنا لقيناها ماشيه لوحدها بالليل بټعيط ومش بترد و الظابط اخدها تحري وهي معانا في القسم فالظابط اداني التليفون وقال لي احاول اتصل على حد من اهلها لكن لقيته فاضي ما فيش عليه مكالمات وقلت الحمد لله انك رنيت
انتم في قسم ايه انا جاي حالا
لما دخل لقى الظابط مقعدني بعيد عن المجرمين لانه حاس اني بنت ناس كنت عايزه اضحك واقول له لا انا بنت الخدامه قعدني معاهم عادي
زي ما اكون الة وحد فصل فيشه الكهرباء عنها عماله تسرب ميه من عينيها بس
سامح شافني اټرعب كنت تقريبا چثه بدموع وقف كل اللي اتغير دموعي بقت شهاقات ما نطقتش ولا كلمه قعدني ثاني ودخل للظابط و اتفاجا لما شافه
مش ممكن يوسف ازيك يا ندل
سامح ابن الاكابر هو مين اللي ندل خير جاي تسلم ولا تبلغ عن حد انفخهلك
لا جاي اخد حلا البنت اللي بره
انت تعرفها انا فكرتها في الاول شاربه حاجه وهي ماشية لوحدها في وقت متاخر بس لما ما نطقتش ودموعها بتنزل بس قلت مظلومه
هي من ناحيه شاربه فهي شاربه المر اقدر
اخذها
اه بعد ما تضمنها انا لقيت بطاقتها وعرفت انها في ثانويه عامه والنهارده النتيجه كلمتها وقلت لها ايا كان مجموعك ما يستاهلش اللي انت عاملاه في نفسك كده ما ردتش عليا
بالعكس دي جايبه 96
امال مالها دي من ساعه ما لقيناها و حنفيه دموع مفتوحه ما وقفتش لحظه
ظروف يا يوسف مش هقدر اتكلم عنها دلوقتي انت شايف حالتها
دي محتاجه مستشفى ضروري انا كنت هوديها بس قلت استنى اشوف حد من اهلها
انا هوديها اقفل المحضر
هي تقرب لك يا سامح
اختي في الرضاعه بس ماما مش بتحبنا نقول بس انت عشان صاحبي
طب ابقى طمني عليها امسك بطاقتها و تليفونها
بقلمي سحر السحرتي
خرج يوسف مع سامح عشان يستلمني
قومي يا حلا مع سامح عشان تمشي وما تعمليش في نفسك كده معقوله اسمك حلا وانت فعلا حلا وتعملي كده في نفسك
ما ردتش او وقفت بس سامح فهم اني منفصلة عن العالم اللي حواليا قومني و شدني من ايدي عشان امشي مع اول خطوتين فقدت الوعي
حلا حلا فوقي يا حبيبتي حلا ما تعمليش كده مفيش
حاجه تستاهل
يوسف معاك عربيه ولا اوصلك بعربيتي
لا معايا
خلاص شيلها واطلع بيها على اقرب مستشفى وانا اول ما اخلص شغل هحصلك انا قربت اخلص
سامح شالني وجري بيا في المستشفى
الدكتور خرج مش عارف يفسر حالتي من اللي قاله سامح
يعني ايه مش عارف تفسر حالتها
مش قادر احدد هو اڼهيار عصبي ولا اكتئاب حاد لازم دكتور نفسي هو اللي يحدد حالتها عموما احنا عملنا الاسعافات وركبنا محاليل بس اللي مش قادر افهمه ايه اللي يوصل بنت عندها 18 سنه لحاله زي دي انتم عملتوا فيها ايه السن ده ورده لسه بتتفتح حرام عليكم بجد
كان يوسف داخل وسمع الدكتور
في ايه يا دكتور ما تهدى شويه سامح ما عملش حاجه هو مجرد نقلها هنا
اسف بس حالتها خلتني منفعل سنها صغير وتمر بحاله زي دي امر صعب
شكرا يا دكتور واحنا هنهتم بيها ونحاول نعالجها
بعد الدكتور ما مشي
سامح انت عارف مين اللي عمل فيها كده وليه
للاسف عارف وعشان هي يتيمه بهدلوها وباعوا واشتروا في كرامتها
قلي وانا اظبطهم
للاسف مش هقدر اعمل لهم حاجه لانهم اقرب الناس ليا
ايه حرام عليهم حقيقي يتيمه طب ما تساعدها تبعدها عنهم
ده اللي ناوي اعمله بس يا رب يسيبوها في حالها
فضلت نايمه يومين ماما كانت بتزورني ساعتين اللى سمحت بيهم مدام شاهنده ام قلب كبير مش فاهمه هي كمان كانت عايزة تمنع عني امي ما تمنع عني الهواء كمان يمكن ترتاح
بس سامح كان على طول بيطول معايا
بقلمي سحر السحرتي
وفي يوم جه يزورني لقاني اختفيت مش موجوده في المستشفى طبعا زعق بس هيعمل فيهم ايه غير الشكوى
اتصل على يوسف يدور معاه لكن عاجزين مش عارفين يدورا عليا فين الاماكن اللي بروحها يا الفيلا يا الحاره بس هيدوروا فين تاني
لغايه لما سامح لقى صافي صاحبه هنا بتكلمه و بتحكي له
انا اسفه يا سامح بس عرفت دلوقتي من صاحبتنا شيري انها كانت عند حلا في المستشفى وقالت لها كلام صعب فحبيت اطمن عليها هي كويسه
هي مش موجوده
ازاي يعني ايه تفتكر بسبب كلام شيري معاها
صافي انطقي ارجوك صاحبتك قالت لها ايه
يظهر أن لما هنا نشرت صور خطوبتها ومن ضمنهم صوره مع مامت حلا وكاتبه احلى داداه فاديه في الدنيا وبعدها صوره ليها
هي وحلا كاتبه بنت داداه فاديه اكثر واحده فرحت بخطوبتي شكرا بجد يا حلا فشيري عرفت منها عنوان المستشفى وجت قالت لها
صمتت قليلا كانت عاجزة عن التحدث
انطقي يا صافي عشان الحق اتصرف
قالت لها كنت فارده نفسك علينا وعامله نفسك بنت ناس وبتخرجي معانا وانت بنت الداده عموما اما تخرجي عندي لك شغل من مقامك محتاجين عندنا حد يغسل الحمامات وينظف ومش هلاقي احسن منك واخده المهنه ابا عن جد ولا اقول ابا عن ام وقال كنت عايزه تدخلي طب المفروض كنت كملتي دبلوم ده مقامك
بنت ال وديني وما اعبد لو حلا جرى لها حاجه ما حسبهم
انا اسفه كمان مره هي كانت بتحكي لي انك حنين عليها قوي فقلت اكلمك تلحقها ارجوك طمني حلا طيبه وما تستاهلش ده كله
قفل معاها ويوسف ساله ماله في ايه حكى له
هو في بني ادمين كده
في العن من كده بس الاقيها خاېف تعمل في نفسها حاجه
حاول يدور حوالين المستشفى بس مفيش امل
بعد ساعتين صافي اتصلت ثاني بسامح رد بعصبيه
في ايه ثاني يا صافي لسه مش لاقيها ومش عارف ادور فين
اسمعني كويس يا سامح الحق حلا واحد صاحبنا من النادي اتصل عليا وقال انه شاف حلا في ديسكو
سكتت وما قدرتش تكمل
في ايه يا صافي كملي بتعمل ايه في الديسكو
بترقص بطريقه وحشه كانها شاربه و حواليها رجاله كثير
شدني من ايدي جامد كان في واحد هيضربه
انت مش شايفها واقفة مع راجل انا شفتها الاول
يوسف وقفوا وقال لهم
اهدوا يا شباب ما تخلونيش اقفل لكم المكان ازاي تدخلوا بنت قاصر وتشرب كمان وهي تحت 18 سنه
سامح اتنرفز من كلامي وشدني جامد فتح بقي يشمه وهو بيقول
انت بتخرفي بتقولي ايه انت فعلا مش شاربه ضړبتي حبوب هلوسه
كنت لسه بتطوح من اللي حصل فيا
لا لسه بس ما تقلقش هاخذ سيبني بقى اشوف شغلي زي ما مامتك بوظت التحاقي بالجامعة
طب تعالي نمشي ده مش مكانك
نفضت ايدي وقلت بصړيخ وعياط له
لا ده هيبقى مكاني مش هغسل حمامات يا
سامح مش بعد ما كنت
عايزه ابقى دكتوره اغسل حمامات بنت الداده هتطلع ايه غير داداه
بقلمي سحر السحرتي
كملت پهستيريا
فكر
سامح ضړبني بالقلم
يا ترى حلا هتعمل ايه وسامح هيقدر يمنعها عن الطريق اللي اختارته
كبرياء ابنة الخادمة
حلقة ٧
لما ضړبني يوسف مسكه و زعق فيه
اهدى يا سامح هي مش في وعيها وقدر اللي مرت بيه
ضحكت ليوسف و اترميت عليه
سيبه يضربني زعلان ليه مامته متعوده على كده وضيوفها جت عليه يعني بس انت حلو كده ليه ما تيجي نروح عندك
طبطب عليا وقال لي
طب ماشي تعالي نروح عندي البيت
لسه سامح هيزعق معاه غمزه بمعنى انه بياخذني على قد عقلي عشان امشي معاه قلت له
انا ممكن اوري لك عينه هنا
و فاجئته لما زقني بسرعه بس بالراحه
بلاش هنا تعالي هناك احسن الناس حوالينا
سامح كان لسه هيولع فيا بس شاور له يهدى و شدني من ايدي يخرجني
بقلمي سحر السحرتي
شاورت لسامح بايدي
روح انت يا سامح لمدام شاهي وابقى سلم على هنا وخطيبها ولو عندك زباين تاني هاتهم هكرمهم عشان خاطرك وبما ان اول زبون من عندك هروقه
كان لسه هيجيبني من شعري يوسف شد ايدي و خرجني بسرعه
اهدي
بقى عشان نتبسط هعمل تليفون اشوف الشقه فاضيه
ما تتاخرش يا مز هو انت اسمك ايه اقول لك لا مش عايزه اعرف اسم الزباين
انت صح اقعدي بقى في العربيه دقيقتين وراجع
عربيتك حلوه و واسعه لو الشقه مشغوله خلينا هنا
سامح زعق مش طايق نفسه
ما تخرسي بقى احسن اډفنك مكانك انت اتهبلتي ولا جرى لك ايه
بتزعق ليه يا موحه مش ده الطبيعي ولا انا ما انفعش غير للخدمه في البيوت ما دي خدمه برده بس فلوسها احلى
يوسف خلي بالك منها هعمل تليفون اشوف هنوديها فين
بقلمي سحر السحرتي
غاب دقيقتين ورجع
يلا اركب جنبها احسن تعمل حاجه
رايحين فين
مصحه نفسيه فيها دكتور كويس
قعد معايا في الكنبه ورا جاله تليفون من صافي
ايوه يا صافي
انت لقيتها
اه لقيتها هي معايا دلوقتي
ممكن اكلمها اطمن عليها
مش عارف هي عماله تهلوس من ساعتها
معلش خليني اسمع صوتها واطمن عليها بنفسي
ميل عليا وقال لي
حلا صافي عايزه تكلمك قادره تردي عليها
اخذته منه التليفون وانا بضحك بهستريا
صافي بنت الناس الاغنياء انتم هتقطعوا نفسكم عليا عشان اشتغل عندكم اسفه انا لقيت شغلانه تانيه غير غسيل الحمامات ما تنفعش غير لاولاد الخدامين اسكتي هو انت ما عرفتيش مش طلعت بنت الداده و شايفه نفسي عليكم
لا
يا حبيبتي ما تقوليش كده انت احسن صديقه ليا انا بحبك قوي وما تصدقيش كلامهم دول مغلولين منك مش عارفين يبقوا بطيبة قلبك
كانت بټعيط بصدق
انا ما اصدقش كلامهم في ايه انا فعلا بنت الداده بس عمري ما شفت نفسي عليكم ولا اخذت حاجه من حد انا كنت بدافع عن واحده فكرتها صاحبتي
سبت التليفون من ايدي و بصيت لسامح
عمري ما اخذت لعبه منها ولا حلمت العب بحاجتها يا سامح عمري ما استغلتها طول الوقت عارفه اني بنت الداده ليه عملت كده اخذته مني هو كان بيطبطب عليا وقلت ده العوض
بقلمي سحر السحرتي
بدات و كأني بكلم نفسي
حبيته اول ما شفته حب الطفوله قلت هيعوضني عن بابا اللي اتحرمت منه وعمري ما شفته وعن ماما اللي بحكم الظروف كانت بعيده عني
دموعي كانت نازله بټحرق جوه سامح ويوسف من اللي بقوله
انا ما كنتش عايزه فيلتكم والحاره كانت احسن بالنسبه لي انتم كنتم عايزيني ليه عشان تذلوني و تهنوني ليه عملت فيكم ايه
قال لي
معلش الحياه ابتلاء
ابتلاء صعب قوي انا عايزه اروح لبابا
حاضر هكلم ماما تيجي
كان مفكرني غلطت
بقول لك بابا وديني ليه المكان اللي هو فيه احسن من هنا ما حدش بيهين حد ولا يذله كمان ما حدش بيضرب حد بالقلم ويكسر نفسه انت انت ضړبتني بالقلم اه صح افتكرت
زقيته پعنف ابعد عني انا عايزه بابا
كنت هفتح باب العربيه و انط وهي ماشيه بس يوسف تقريبا كان عامل حسابه و قافل اللوك بتاعها وسامح اول ما استوعب مسكني و شدني و زعق
انت يا مجنونه عايزه تعملي ايه
سيبني عايزه اروح لبابا ماسكني ليه زعلان ان الخدامين هينقصوا واحده
يوسف زعق وقال لسامح
ما ينفعش كده مش عارف تهديها تعالى سوق انت هي مش طبيعيه وكلامها بيطلع بشكل هستيري حاول تقدر اشحال يا اخي ما انت عارفها و حافظها
حاضر هنوصل امتى
10 دقائق
سحبني سامح وقال لي
هششش كل حاجه هتبقى كويسه
هديت ونمت او فقدت الوعي مش عارفه وصلنا مصحه نفسيه عشان يبقى فيها حراسه وما اقدرش اهرب زي
المستشفى
الدكتور قعد مع سامح حكى له كل تاريخ حياتي لغايه وقت الديسكو
يوسف كان مصر يفضل لغايه ما يطمن عليا وسمع حكايتي مع الدكتور
كان راي الدكتور اني شخصيه قويه و هتعافى بسرعه بس طلب من سامح الفتره الاولى بلاش زيارات ولما يسمح بالزياره هيكلمه
فات اسبوعين والتنسيق فتح سامح كتب لي الرغبات وبعد تماما عن الطب كان عايز يكتبها رغبه اولى و يتكفل بيا انا وماما بس خاېف عليا من والدته تعمل شيء غير متوقع بس كتب صيدله
كانت وجهه نظره اني هبقى دكتوره وكمان هقدر امارس هوايتي صح وانا بعمل تركيبات العطور ومستحضرات التجميل بشكل علمي ويمكن اخترع حاجه مهمه في يوم من الايام
اقول لكم و اسبق الاحداث طلع فعلا عنده حق
الدكتور سمح بالزياره ماما طبعا جات الساعتين بتوع الاذن
جه سامح ومعاه يوسف حب يطمن عليا اول ما دخل بصيت ليوسف باستغراب وسالت سامح
مين الاستاذ
انت مش فاكراه ازاي انت شفتيه مرتين مره في القسم ومره في الديسكو
قسم ايه و ديسكو كمان انا من امتى بروح الاماكن دي
يوسف فهم اني مش فاكره حاجه فضغط على ايد سامح وسلم عليا
انا يوسف صاحبه قال لي انه رايح يزور اخته اللي زي القمر جيت اتاكد بنفسي اصل سامح زي ما انت شايفه ما لوش علاقه بالجمال
ابتسمت من كلامه وقلت له
هو فعلا ما لوش علاقه بالجمال بس الرجال افعال وهو ابو الرجال
مين هيشهد له مش اخته
لا مش اخته انا بنت الداده وهو بيعطف عليا بس خلاص من هنا و رايح ما فيش حد هيعطف عليا
سامح ايه الكلام ده يا حلا
اللي لازم يحصل في جميع الاحوال انا هشتغل و اذاكر وكفايه على امي شغل لحد كده
مسك ايدي وقال لي
انا اخوكي مهما تقولي او تعملي وانت ملزمه مني
معاك ورقه بتقول انك اخويا اسفه يا سامح انا عايزه اقطع اي رباط بيني وبين اسرتك ارجوك ساعدني مش عايزة اشوف حد فيهم وانت بتفكرني بكل اللي حصل لي عايزه ابدا صفحه جديده من غيرهم عايزه انسى اني قابلتهم في حياتي ما تزعلش مني
عندك حق خلاص خفي وقومي بالسلامه و هنفذ كل اللي تطلبيه
متشكره طول عمرك كريم وحنين هتوحشني
ايه هتوحشني دي انا معاكي لغايه لما تخرجي من هنا و اطمن عليك مش هتخلصي مني بالسرعه دي
الباب خبط ودخلت صافي پتبكي من الفرحه
حمد لله على السلامه يا حبيبتي جيت جري اول ما سامح قال لي انهم سامحوا بالزياره
قابلتها ببرود
جايه ليه يا صافي عندك كلمتين زي شيري ولا جايه تاخدي مني حاجه زي هنا ما بقاش عندي اي حاجه
اخص عليك يا حلا انت عارفه اني مش زيهم وانك الوحيده اللي فتحت لها قلبي و حكيت لها على كل حاجه وعمرك ما خزلتيني وطلعت سري لحد وزي ما بيقولوا صوابعك مش زي بعضها
وضحكت مش بتقولوا كده
ضحكت بسخريه اه في الحاره بيقولوا كده
اسفه والله مش قصدي ارجوكي ارجعي حلا بتاعه زمان وحشتني قوي
خلاص يا صافي حلا بتاعه زمان اتكسرت و اتفشفت 100 حته
احنا عايزين منهم حته واحده اللي فيها ضحكتك انا جبت لك السجاير اللي طلبتيها مني فاكراها
طلعت علبه سجائر من شنطتها
سامح لسه هيزعق يوسف بص له ان يهدى لما يشوف اخرتها
هي حلا وصافي بيشربوا سجائر يا جماعه هو في ايه بالظبط هما بايظين من زمان
كبرياء ابنة الخادمة
حلقة ٨
اتكلم سامح بهدوء
بعد ما يوسف بص له
دي سجاير خفيفه مش مضره طلبتها قبل النتيجه بكام يوم كانت جربتها وقالت سامح لازم يجربها هتعجبك قوي ودوخت على ما لقيتها
ازاي يعني جربتها
امسك خد واحده حتى شوف مكتوب عليها غير مضره بالصحه
افتكرت وقلت لها اااه انت لقتيها كويس ادي صاحبه واحده هو كمان
يوسف بس الټدخين ممنوع هنا
صافي ده دخانها خفيف وهفتح الشباك ما تقلقش ما تكسفوش حلا لان اهم حاجه صحتها النفسيه
فعلا كل واحد وجت جري تقعد جنبي وحطينا ايدينا على وداننا
بقلمي سحر السحرتي
اول سامح ويوسف ما بداوا يستوعبوا في وشهم عملت صوت جامد و نطرت لون احمر على وشهم ضحكنا جامد انا وصافي
حمد لله على سلامه ضحكتك يا حبيبتي انا خفت تكشفي المقلب
ما قدرتش انت طلعت الۏحش اللي جوايا وفكرتيني بمقالب زمان
ولسه كل يوم هكون عندك ونفكر في مقلب جديد
يوسف وانا بصفتي ظابط هقبض عليكم
انا ضحكت وقلت له
ظابط ايه بحبوب الحصبه اللي على وشك دي
سامح ضحك معلش يا يوسف سامحهم طالما حلا ضحكت انا موافق كل يوم اجي تعمل فيا مقلب هي وصافي
صافي بصت لسامح باعجاب وقالت له بمعاكسه
اعتبر ده موعد نتقابل فيه
ضحكت وحبيت اساعدها
معاكسه
عيني عينك وعامله زيارتي كوبري
يوسف ضحك هو كمان
استاذن انا احسن هكون عزول في قاعده التعارف دي
نورت يا حضره الظابط وشكرا على زيارتك ليا اتمنى ما تتكررش
بصي لي مستغرب اللي قلته
ليه انا زعلتك في حاجه
لا بس سامح قال اني شفتك مرتين وانا مش فاكراك خالص والاماكن اللي شفتك فيها مش بتاعتي فمحرجه اشوفك ثاني فبطفشك ده اسلوبي حا ول تتاقلم وما تزعلش مني
مش زعلان بس عايزه اقول لك خفي بنفسك وقومي على رجلك انت قويه وما فيش حاجه تستاهل تزعلي عليها
شكرا هسمع كلامك وناويه اقوم بنفسي ولنفسي
اتمنى اشوفك مره ثانيه في ظروف احسن من كده
قلت بحزن وانكسار
وانا اتمنى ما تشوفش واحده زيي
ما علقش لانه فاهم ان حالتي النفسيه في الفتره دي متقلبه بشكل كبير شويه ضحك وشويه حزن
خرج ودور على الدكتور يساله عن حالتي وازاي ما عرفتوش
هي اول مره كانت في حاله صډمه وتقريبا مش سامعه ولا شايفه اي حاجه وبالتالي كأن اليوم ده ما حصلش انما المره الثانيه الدوا اللي اخذته في المستشفى كان له اعراض جانبيه
غير أنه تعارض مع دواء تاني عملها هلوسه بجانب الاهانه اللي حصلت
من صاحبتها فمش فاكره منه اي شيء او اللاوعي عندها مسحه بس ده اكيد هترجع تفتكره هتاخود وقت على ما حالتها النفسيه تتحسن
طب شويه تضحك وشويه تزعل ده طبيعي
اه هي كانت جايه و نفسيتها متدمره ما تقلقش هترجع مع الوقت
بقلمي سحر السحرتي
قضيت كام شهر الدراسه كانت بدات بقى لها اسبوعين خرجت و اصريت ابدا والحق اللي فاتني ساعدني سامح وصافي اللي كانت كتبت رغباتها زيي وبقت معايا في نفس الجامعه
سامح فضل واقف جنبي
بعد شهرين من بدايه الدراسه بدات ارجع لشغلي الخاص وطورت فيه حاجات من اللي اتعلمتها في الكليه صافي سوقت لي بين عيلتها غير انها كانت بتشتري مني معظم منتجاتي
جمعت مبلغ كويس بعد الترم الاول ما خلص جريت على الفيلا وانا كلي اصرار ان ده يبقى اخر يوم عمل لامي هناك
وللاسف قد كان
سامح كان في
الشغل وفضلت اني اروح وهو مش موجود لان اي مواجهه بيني وبين امه كنت هطلع اللي جوايا واكيد هيدافع عن امه فرفضت احطه في الموقف ده او يسمع مني كلمه مش كويسه هقولها لامه
شاهنده اول ما شافتني الڠضب مسكها مش عارفه هي پتكرهني قوي كده ليه بس الحب من الله ومش مهم واحده زيها تحبني
زعقت بكل غرور
مين دخلك هنا وعايزه ايه
رديت بسخرية
هكون دخلت من اين دخلت من الباب وعايزه امي هتبطل شغل عند واحده زيك
واحده زيي شغلت اللي زي امك عطف وشفقه لكن هي ما تستحقش تشتغل هنا ولا كانت تطول
بكل كرامة وكبرياء
احنا يا ستي مش عايزين نطول اشبعي بالبيت بتاعك اللي عامل زي السچن مليان طاقه سلبيه وغرور وحقد
الكلام ۏجعها فردت بعند وغرور
طب امك مش هتمشي الا بمزاجي
لا هتمشي هو انت واخده عليها وصل امانه ولا حاجه وانا معرفش
رديت بلكنه ټهديد واضحة
ايه رايك لو مشيت من غير موافقتي هبلغ البوليس واقول انها حراميه و اسجنها وبدل ما تبقي بنت الداده هتبقي بنت الحراميه
ضحكت بسخريه وتحدي أدركت اني هنفذه
اعمليها عشان بدل ما هي اللي ټتسجن اخذ فيكي مؤدبد بعد ما اشوه وشك الحلو اللي انت فرحانه بيه ده ولا نسيتي لما رحت مع بنتك اول يوم مدرسه واحتمال كبير ما اخدش فيك يوم حبس اسكتي مش انا خارجه من مصحه نفسيه و معايا ورق يثبت كلامي
دخل بابا من المكتب وماما من المطبخ وهما بيسمعوني وانا بتكلم
ماما ما قدرتش تسكت المره دي اكتر من كده لانها كانت بتتالم كل ما تشوفني في المستشفى وشكلي كان زي الورده الدبلانه بصت لشاهنده و زعقت
كفايه بقى ظلم و افترى حرام عليك استحملتك كثير وقلت لنفسي عدي و فوتي عشان خاطر بنتي تعرف تعيش وبيت اختي اللي مفتوح معايا لكن خلاص فاض بيا
انت بتقولي ايه يا مجنونه انت بتخرفي صح
انت اللي ست مغروره و حقوده وطالعه فيها و مفكره ان اللي خلقك ما خلقش غيرك عشان كده ماشيه تدوسي على خلق الله فوقي انت انسانه تافهه فاضيه من جوه ما لكيش لازمه في الحياه عملتلك ايه بنتي عشان تاذيها كدة
شاهنده ما استحملتش الاهانه وضړبت امي بالقلم ونادت على الشغالين يمسكوني وجابت امي من شعرها
امي بصت لبابا عشان يلحقها ويطلع راجل مره في حياته لكنه كان اجبن انسان شفته وبص الناحية الثانية
شاهنده ماسكه امي من شعرها جامد
انت يا جربوعه يا بتاعه الحواري بتشتميني
فجاه ماما وقعت وما نطقتش لما بابا عمل نفسه كأنه مش شايف اهانتها على ايد مراته
بعدت اللي مسكوني بالعافيه وجريت عليها وحاولت افوقها زي ما اتعلمت في الكليه وانادي وانا پصرخ
ماما ماما فوق يا حبيبتي
بقلمي سحر السحرتي
قست النبض لقيته مش موجود بصيت لشاهنده وقمت مسكتها من هدومها
قټلت يها قټلت يها
الشغالين رجعوا مسكوني تاني وهي جريت طلعت على غرفتها تستخبى مني
دخل سامح جري من الباب على صوت صړيخي وشاف ماما واقعه
حاول يفوقها صړخت فيه وقلت له
ابعد عنها مامتك قت لتها ومش هسيبها فاهم مش هسيب حقها
سامح نده على واحد من الشغالين يشيل معاه ماما ونقلها على المستشفى
الدكتور خرج من غرفه الكشف
يا ترى ايه اللي جرى لمامت حلا وحلا هتعمل ايه بعدها
كبرياء ابنة الخادمة
حلقة ٩
خرج الدكتور من غرفه الكشف وكان شكله حزين توقعت هيقول في ايه
وفعلا زي ما توقعت قال
اسف البقاء لله هي جت مېته
اټصدمت رغم اني كنت متوقعة اللي هيقوله بس كان عندي امل كاذب اتمنيت يتحقق قررت ما انهارش
سبتهم وجريت على القسم ابلغ في شاهنده وقابلت يوسف اتردد قبل ما يعمل البلاغ وكلم سامح اللي وافق وقال له
انا ما كنتش موجود خلي العداله تاخد مجراها واللي غلط يتحاسب
طبعا مش محتاجه اتكلم و احكي اقول ان حقي وحق امي ضاع وكل اللي بيشتغلوا عندها ما حدش شهد باللي حصل في النيابه
شاهنده وهي خارجه براءه بصيت لي بتكبر وقالت
حاولي بقى تعرفي حجمك الطبيعي
رديت عليها بكل اصرار و جديه
حجمي الصغير اللي كان مضايقك قوي هكبره عشان يضايقك اكثر و كليه الطب اللي منعتيني عنها هعرفك ان برده هنجح واسمي هتشوفيه كل شويه وحق امي مش هسيبه بس خليك فاكره ايدك اللي اتمدت عليها كل صلاه هدعي انها تتشل و تشوفيها بعينك وانت مش قادره تحركيها
وحطيت عيني في عينيها
افتكري كل ما تمسكي حاجه قولي يا ترى دي اخر مره امسكها لاني عارفه و متاكده ان ربنا هيستجيب ليا و تشوفي الذل و تعيشيه كل لحظه
بقلمي سحر السحرتي
ردت عليا بسخريه انت بقى اللي هتنتقمي مني و تشليني
لا مش هنتقم هسيبك لربنا انتقامه هيبقى اصعب الف مره من اللي كان ممكن اعمله فيك و نجاحي في الثانويه العامه اللي حړق قلبك وملاها غيره وحقد هتلاقيني ناجحه
في حاجات ثانيه تقهرك وټحرق قلبك اكثر و افتكري كلامي بنت الداده هتبقى في العالي
سبتها ومشيت وانا مصرة على النجاح
بعد فترة سامح جه زارني وكان باصص في الارض من الخجل مسكت وشه بايدي ورفعته لفوق
انت اجمل راجل شفته في حياتي نفسي ربنا يرزقني براجل زيك اتجوزه
فجاه طقت في دماغي فكره مجنونه ټحرق ډم شاهنده شاف لمعه في عيني
مش مستريح لبصتك دي
انت عارف اني اتظلمت
اه وكان نفسي اساعدك بس ما فيش في ايدي حاجه
لا في ايدك ارجع جزء صغير من حقي بحرقه دمهم شويه ينفع تساعدني
قولي اللي في دماغك واشوف
نتجوز
انت اټجننتي
كده وكده مش حقيقي هقعد معاك في الفيلا افرسهم شويه
اتجوزك ازاي وانت اختي
مفيش ورق رسمي يقول اني اختك حتى مامتك مش معترفه وكل اللي شغالين اللي عندكم ما حدش يعرف المعلومه دي
حلا هتفرسيهم شويه بس صح
بصيت له بخبث يعني شويتين ثلاثه اللي ربنا يقدرني عليه
تصدقي يستاهله بس من غير ما تمدي ايدك على حد
كفايه عليهم لساني
هنفذ امتى
بعد امتحاناتي
بس انت بعد شويه هتبقي مطلقه وده غلط عليك بعد كدة
خلاص نضرب ده هيغيظهم اكثر ونقول لهم تصدق انا كده هروح اذاكر بنفس مفتوحه قوي
خلاص هاجي لك بعد ما تخلصي امتحانات و اوضب غرفتي و ابلغهم
مشي سامح بعد ما اتفقنا ننفذ الخطة المجنونه هي اينعم خطة تافهة بس احساسي انهم هيتفرسوا مني واني قاعدة على قلبهم ومحدش يقدر يطردني احساس رائع غير أن شاهنده هانم هتلاقي ابنها اتجوز من بنت الدادة تخيلوا ممكن يحصل لها ايه يا خبر حتة احساس ھموت واشوف تعبيرات وشها تفتكروا ممكن توصل لجلطة ربنا كريم
دخلت خالتي وهي وشها احمر من الڠضب
انت ناويه تعملي ايه بالظبط
زي ما سمعت بالظبط
بس ده
