كامله
كبرياء ابنه الخادمه
كبرياء ابنة الخادمة
حلقة 12
انا بنت الخدامه اللي بيدلعوا الاسم بيقولوا بنت الداده او بنت المربيه بس الحقيقيه المره اللي لما حد بيحاول يشتمني او يضايقني بيقول لي يا بنت الخدامه فوقي لنفسك
الحكايه بدات لما والدي اتجوز واحده شخصيتها قويه جدا مسيطره عليه حب يخرج الكبت اللي عنده و يطلعه على حد فدور على واحده يتجوزها تكون شخصيتها اضعف من شخصيته واحده عايزه تعيش بالمعنى الصريح اللي قالوا ليها لما تقدم لها تقول حاضر وطيب وبس وما تتناقش او تجادل غير كده هيطلقوا وعشان تنفذ كل طلباته كان لازم تكون غلبانه و فقيره عشان لما يرمي لها لقمه يبقى عمل الواجب وزياده
فعلا امي حبته و بسطته و حققت كل احلامه بالحرف لحد ما جه اليوم اللي شمسه غابت والليل سواده بقى غامق وامي حملت فيا
اتضربت حته علقھ من الللي وصى عليها في الكتاب العلقھ دي كانت كفيله انها ټموتني وتقضي على اي امل انها تحمل مره ثانيه لكن عيب كنت متبته في الدنيا من جمالها كان نفسي اعرف ايه اللي حببني في الدنيا عشان امسك فيها بالشكل ده حد يسيب فرصه من دهب انه يستريح من الدنيا هتعرفوا بعدين ليه بقول كده
بس ما تفتكروش اني بقول كده عشان طلعت لقيت امي خدامه دي مهنه شريفه وعمري ما زعلت او استعريت منها لكن اللي حصل لي كان فوق طاقتي
بقلمي سحر السحرتي
نرجع لامي اللي كانت ھتموت في ايده لما حس انه افترى عليها شويه مش بزياده ولا حاجه يظهر طمن ضميره انه حقه او ان ايده تقلت حبتين
المهم قال لها پحده و صرامه
اللي في بطنك لازم ينزل
لا يا سي محمد انا قلت حاضر في كل حاجه فاتت و هقول في اي حاجه جايه انما ده سيبني احس بالامومه اللي كل ست بتحلم بيها و بتتمناها
بس انا عندي ولد ما احبش يكون لي اولاد منك وانت فاهمه كويس ليه
فاهمه اعتبر الطفل ده مش موجود
ازاي هتنزليه
لا وقت ما تكون جاي هوديه عند اختي واهي شقتها قدامي ومش هيعرفك ولا هيشوفك ولو عايز اكتبه باسم حد ثاني موافقه
يعني مش هيبقى لي علاقه بيه او اشوفه
وكمان هشتغل و اصرف عليه
لا مصاريفه عندي بس يا ويلك يعرف عني حاجه
اللي تؤمر بيه
حنين يا حماده هتصرف عليه كريم قوي وربنا
امي ولدتني وهو شافني وقلبه حن عليا شويه فكتبني على اسمه بس ثلاثي من غير لقب العيله ولحسن حظه كان اسمه له تشابه مع مصر كلها اسمه محمد احمد مصطفى النهري بقى اسمي حلا محمد احمد مصطفى
اه ماما سمتني حلا لان بولادتي حليت ايامها
مش بقول لكم ست طيبه قوي ده انا هحليها حلاوه ما حصلتش
نسيت اقول لكم ان زوجته الاولى ولدت بنت هي كمان بعد ما اتولدت بثلاث شهور
بابا قال لماما طول ما انا لسه صغيره وما اقدرش اتكلم تخليني معاها ما فيش لزوم توديني عند خالتي
كريم ربنا يحميه لو بايدي كنت غيرت اسمه لكريم تصدقوا كان بيشيلني و يلعبني وكان مبسوط بيا قوي وماما
مراته رفضت ترضع خاېفه على جسمها بابا دور على مربيه تربي البنت و ترضعها الطيبه عرضت تروح هي عشان اكبر قدامه واخويا لو شافني ما يفكرش يتجوزني لاني هبقى اخته في الرضاعه
اقتراح هايل عجب بابا واهو هنبقى معاه
وقدام عينيه
هو هيجهز الفيلا الجديده يعمل لنا ملحق نقعد فيه و هيعمل فيه غرفه سريه يقدر يدخلها من مكتبه ما حدش يعرف عنها حاجه غيره هو وامي وهي تدخلها من الملحق عشان يتقابلوا بدل المشوار
و اتنقلت الفيلا الاولى على ما الجديده تخلص
كنت طفله هاديه بس مراته ما حبتنيش لاني كنت احلى من بنتها وبابا كان كل فتره يشلني و يلاعبني فطلبت منه يا اما يغير المربيه او ماما تشوف مكان ثاني توديني فيه
طبعا كانت مشكله وبابا كان حابب وجود ماما معاه وهي عشان طيبه طلبت منه يخليني لما اكمل ست شهور و هتوديني عند خالتي
اه ماما ما كانش عندها مانع تخدم جوزها ومراته وعياله فيها ايه يعني الست تكون مكان ما يقعد جوزها واهي حست بالامومه و هتشوفني في الاجازه الاسبوعيه وخالتي هتطلع لها بقرشين يساعدوها على المعيشه كله هيستفيد الا انا مش مهم عادي يعني
شاهنده هانم مرات بابا وافقت ان يوم الاجازه ماما تجيبني اقضيه معاها بس حذرت بابا ان يشيل بنت الخدامه و يلعبها وينزل لمستواها
بقلمي سحر السحرتي
كان بيلاعبني وهي مش موجوده شجاع قوي
ماما كانت بتناديه محمد بيه بدل سي محمد مراته مدام شاهنده اما بقى اخويا فكان سامح بيه
سامح شخصيته كانت قويه وكان بيلاعبني رغم رفض امه واعتراضها وكانت بتقوله
ما تلاعب اختك بدل بنت الخدامه
اختي بټعيط و زنانه انما حلا بتضحك على اي حاجه و بتسكت وبعدين حلا اختي هي كمان
ايه الكلام الفارغ ده مش عايزه اسمعه اختك هنا وبس انما حلا بنت الداده فاهمني يا سامح انا عارفه ان راسك ناشفه بس لو قلت ان حلا اختك هقول لمامتها تبطل تجيبها
حاضر يا ماما
ذهبت لتفرغ ڠضبها على والدي
يا استاذ محمد شفت اخره افكارك سامح بيقول على حلا اخته هتحل المصېبه دي ازاي
ما حلا فعلا اخته في الرضاعه
عايزه افهم سبب اصرارك ان فاديه ترضع هنا طبيعي ما الصناعي كان موجود
انت نسيتي ان الصناعي كان ھيموت البنت والدكتور اللي قال لازم ترضع طبيعي وحضرتك رفضتي عشان جسمك ما يبظش كان في ايدي اعمل ايه
كنت جبت واحده مش معاها اولاد
ازاي ترضعها ما هو لازم يكون معاها طفل وسنه قريب من سن بنتك عشان اللبن يكون مغذي مش ده كلام الدكتور برده ولا انا بفتي من نفسي
طب هنعمل ايه في كلام سامح ما فكرتش فيه ليه
ما عرفتش غير لما فاديه قالت قدامي حتى لو كنت اعرف كان ايه الحل اللي عند جنابك
يوه هو الواحد ما يعرفش يتكلم معاك اتفضل تطلع دلوقتي تتكلم مع ابنك ينسى خالص ان حلا اخته يا اما همشيهم واجيب غيرهم
زعق اخيرا حمش قوي وقال لها
لا مش هيمشوا
برقت له رجع خطوتين لورا ورجع لعقله أيوة كدة العقل زينة وقال بهدوء
قصدي هنجيب غيرها هيبقى له اخوات غير حلا في الرضاعه كفايه علينا واحده
فكرت كده مع نفسها وقالت له
عندك حق المره دي
عدت الايام وكنت بقعد عند خالتي طول الاسبوع ويوم الاجازه بزور امي و الرضاعه شويه امي وشويه خالتي
بقى عندي اخوات في الرضاعه من الجانبين قد ايه بحسد نفسي على الحظ الحلو ده
هنا اختي كانت ضعيفه وكانت متعلقه بماما فقرروا بعد ما اتفطمت تفضل ماما الداده بتاعتها وده كان حل هايل اسعد بابا جدا
عدت سنين وداخله المدرسه ماما قدمت ورقي بس لازم شهاده وفاه للاب او طلاق رجعت لبابا
وبعدين في المشكله اللي ما فكرناش
فيها انا مش هقدر اظهر واقدم لها ورقها في
المدرسه
يعني هسيبها من غير تعليم
وفيها ايه
يا محمد بيه انا ما قصرتش معاك بقالي 10 سنين بس دي بنتي الوحيده مش عايزاها تطلع زيي جاهلة
والحل عندك حل
معارفك كثير يا اما تزور لنا شهاده وفاه
عايزه تموتيني وانا عايش وتبقى بنتي يتيمه
المرة دى الست نطقت بس يا ويلها
هي اصلا يتيمه وانت عايش هي تعرف انك ابوها حتىاللعب معاها بتعمله لانك البيه اللي بشتغل عنده مش بصفتك ابوها
صفعها على وجهها بقوه وجذبها من شعرها مش بقولكم حمش
نبره صوتك عليت وبقيتي كمان بتردي وايه كمان ناويه تعمليه
اعمل اللي تعمله بس بلاش تحرمها من التعليم كفايه محرومه تشيل اسمك وتقول لك يا بابا
الحج الحقيقه قلبه رق وحس فعلا ان عندها حق قال لها
خلاص هشوف حد يعمل الورقه بس ما فيش طلبات ثاني
عيوني يا محمد بيه و اتسجلت في المدرسه الحكومي طبعا وكنت بقضي وقتي في الشارع بلعب مع العيال بس كنت شاطره و بنجح واطلع من الاوائل كمان خالتي
بتعمليها ازاي دي يا قرده
الله يا خالتي هتقري علي ولا ايه
ام سعيد بتشتكي منك و ناويه لما امك تيجي تقول لها
اللي يعرف ابويا يروح يقول له كل ده ليه عشان ابنها عبيط بكسب منه البلي بتاعه
انت بنت بتلعبي بلي خليتي ايه للولاد
ما عيالك اللي علموني
و بتجيبي فلوس منين تشتري بيها البيلي
لما رحت عند ماما المره اللي فاتت محمد بيه اداني 10 جنيه اشتريت شويه والباقي بكسبه وارجع ابيعه لعيال الحاره تاني
ادالك 10 جنيه حته واحده
لا حتتين
ازاي حتتين
يعني خمسه وخمسه
كده بتخمسي في وشي تعالي هنا باقي معاكي كام
اظن ما انت عايزه تاخديهم زي كل مره لا هو قال لي دي بتاعتك لما قلت له كثير وخالتي هتاخدها
انت قلتي له
اه وقال لي كمان ان ماما بتدي لك فلوس شغلها وطلب مني احافظ على فلوسي و احوشها
ماشي
انت دايما سلف سلف ما فيش سداد ابدا وبعدين هو اللي سالني لما رفضت اخدها منه عموما ما تزعليش خدي 5 جنيه كسبتها و هنزل العب بينج بونج مع عيالك
استني دي لعب صبيان
هو انا لقيت بنات تلعب معايا وقلت لا انت اللي خلفتي ولدين سلام
بقلمي سحر السحرتي
كنت بلعب مع ولاد خالتي لغايه ما صاحب الطرابيزه لقاني بلعب حلو اتفق معايا ان كل ما هكسب حد من عيال الحاره هيديني نسبه من ايجارهم للطرابيزه و بدأت اول بيزنس ليا وانا في رابعه ابتدائي وكنت بكسب العيال
وصلت للصف السادس وطلعت الثالثه على المدرسه وعملوا حفله اتكرمت فيها وماما حضرت وكانت فرحانه قوي
بس ما كانش اسعد يوم في حياتي لانها بلغتني اني هروح اعيش معاها في الفيلا على طول
يا ترى هعيش معاها ليه هي شاهنده مرات بابا رضيت عني ولا حاجه
كبرياء ابنة الخادمة
حلقة ٢
اټصدمت لما ماما قالت لي ان لازم اعيش معاها لان هنا بنت محمد بيه حالتها النفسيه وحشه لان اصحابها في المدرسه اتنمروا عليها لان جسمها ضعيف وتركيزها قليل وده من زمان الدكتور نصحهم بحد يقعد معاها يكون بيحبها وهي بتحبه فالطيبة اقترحت على بابا مين تخيلوا
يا ماما شاهنده هانم مش بتحبني وكنت بقضي معاكي يوم الاجازه بالعافيه
يا بنتي محمد بيه
هيدخلك مع بنته نفس المدرسه ونفس الفصل وهي بتحبك و بتستريح معاكي دي فرصه تدخلي مدرسه خاصه بدل الحكوميه وتاكلي و تلبسي حلو
انا بحب الحاره و القعده عند خالتي انما القعده عندكم ممله وكل
حاجه ممنوعه بامر شاهنده هانم
انت في جميع الاحوال هتبطلي تنزلي الشارع انت كبرتي خلاص انت بنت وعيب لعب في الشارع في سنك ده
برده القعده عند خالتي احسن
اسمعي لو ما وافقتيش هيمشوني هصرف عليك منين
ما تشتغلي عند اي حد ثاني
يا بنتي انا مش معايا شهاده مين هيشغلني وهم اخذوا علينا واحنا عرفناهم والراتب بتاعهم كبير بقدر اساعد خالتك في مصاريفها
حاضر يا امي امري لله بس خاېفه الست شاهنده تطول لسانها عليا وانت عارفاني
لا يا حلا عشان خاطري فوتي و طنشي
ربنا يستر انا خاېفه قطع عيشك يبقى على ايدي
بقلمي سحر السحرتي
فعلا عشت معاهم كنت بنام في الملحق اللي بابا بناه بصراحه الحاج كان صارف ومكلف ونظام حياتي اختلف تماما طول اليوم بقعد مع هنا نلعب ونتكلم وحالتها النفسيه بقت احسن مامتها لحظت ده فحسنت معاملتها معايا شويه لكن اللي خلاها تتعامل معايا بشكل افضل بكثير اول يوم مدرسه لما جالهم استدعاء ولي امر ليا انا وهنا
محمد اهدي بس يا شاهي لما نعرف ايه اللي حصل
بنت الداده اول يوم في المدرسه اللي انت اصريت تدخلها مع بنتك اللي ما كانتش تحلم تعدي من قدامها عملت مشاكل وجابت استدعاء لينا
دخلت عند المديره وهي في قمه ڠضبها بعد ما مسحت بكرامه بابا الارض
المديره احكي يا حلا عملت ايه
طبعا بكل شجاعه وطوله لسان
ما عملتش حاجه كان في بنت قليله الادب ربتها
شاهنده اخرسي المدرسه هنا كلهم بنات عائلات
امسك محمد يدها اهدي وخليها تكمل حلا احكي من غير ما تغلطي في حد
ماشية انا وهنا في الفسحه البنت شدت شعر هنا و كعبلتها وقعتها على الارض اسكت جبتها من شعرها و رميتها في الارض وقعدت عليها وخليت هنا اخذت حقها
المديره وانت بتدخلي ليه احنا كنا هنحل الموضوع ونعاقب البنت
اسكت طبعا استحاله
انا وفرت عليك تعب طول السنه تعاقبي في البنت
محمد ازاي يا حلا
هنا كانت قالتلي انها من ابتدائي كانت دائما طول السنه بټضرب من البنت دي واصحابها و المديره بتعاقبها عقاپ قاسې جدا تقعدها في الركن النوتي 10 دقائق وطبعا ده طول السنين اللي فاتت فاللي عملته هيخليها تفكر بعد كده 1000 مره قبل ما تمد ايديها على هنا ابقى وفرت على المديره مشاكل طول السنه تعاقب في البنت غلطت بقى
المديره شفت حضرتك اتحايلت عليا عشان اقبلها وهي مش من مستوى باقي البنات وده اللي حصل في اول يوم
المره دي مدام شاهنده هي اللي ردت و پغضب
بس هي عندها حق بقلنا سنين بنشتكي والبنت نفسيا اټدمرت و عقابك عمره ما منع عنها الاڈيه هنشوف المره دي هيتعرضوا لها ولا انتهينا من المشكله دي نهائيا
المديره بس المشاكل عمرها ما بتتحل بالطريقه الهمجيه دي واهل البنت اشتكوا وجايين
قعدي حلا في ركن النوتي 10 دقائق اقول لك خليه ربع ساعه احنا راضيين
بس هم زعلهم وحش قوي
واحنا بقى لنا سنين بنتنا بټضرب يربوا بنتهم وما تنسيش اننا بنتبرع لمدرستكم بمبلغ كبير واي كلمه هتتوجه لحلا تزعلها هاخذها هي وهنا من هنا على مدرسه ثانيه يلا يا محمد يلا يا حلا
لا قوية يا مرات ابويا
خرجت شاهنده وعلى وجهها ابتسامه انتصار
بدورها كانت خاېفه من رد فعلهم
ما تخافيش يا حبيبتي المديره مش هتعمل لك حاجه
في السياره كانت هنا سعيده جدا و بتحكي كانها كانت في معركه
وانتصرت
البنت شدت شعري و شنكلتني على الارض راحت حلا قومتني ونفضت هدومي وقالت لها مش تحاسبي الثانيه بصيت لها من فوق لتحت لقيت حلا اتحولت ولفت شعرها على ايديها وفي حركه سريعه البنت بقت في الارض وحلا قاعده على ظهرها و زعقت فيا وقالت تعالي خدي حقك بصراحه اتشجعت ونزلت اديتها كام قلم و شديت شعرها و خبطت راسها في الارض اصحابها جم يدافعوا عنها حلا قالت لهم اللي عايز ينزل جنبها يقرب و بدات تتني كم القميص ولسه هتقلع الشوز بعدوا و سابوا صاحبتهم لوحدها بعدين يا خساره المديره جت
شاهنده انت مبسوطه قوي كده ما ضربتيهمش من زمان ليه
بصراحه يا مامي ما حدش كان هيقف معايا بس وجود حلا شجعني وقلت حتى لو هنضرب منهم هنبقى سوا تعرف يا بابي احسن حاجه عملتها انك جبت حلا معايا في البيت و المدرسه
محمد طب يا حبيبتي بلاش في المدرسه تقولي انها بنت الداده قولي انها بنت قريبنا من بعيد احسن حد يقول لها كلمه تزعلها
بقلمي سحر السحرتي
رديت هو انا هسكت
يا محمد بيه انا ما عنديش مشكله لما يعرفوا اني بنت الداده و هعرف ارد على اي حد واخذ حقي شغل امي مش عيب وبابا لو كان عايش كان زمانها متستته وقاعده في البيت
كلامي دبحه من غير ما اقصد حس قد ايه هو ظالمنا لما شغل مراته خدامه وبنته مفكراه مېت بس ما عملش حاجه
وصلنا وهنا في اليوم ده اكلت بشهيه مفتوحه لاحظتها امها وفرحت من التقدم اللي وصلت ليه بنتها
عدت اولى اعدادي ونجحنا انا طلعت الثانيه على المدرسه وهنا الخامسه شاهي فرحت بتقدم بنتها في الدراسه بس اتضايقت ازاي انا اتفوق عليها ما انا متفوقه على المدرسه كلها مش بس بنتك ومن قبل ما ادخل بيتكم
الغيرة اكلتها قوي
امرت بابا انه يرجعني مدرسه حكومي وكفايه عليا كده عملت شغلي والمطلوب مني وممكن افضل قاعده مع ماما عشان هنا مش عشاني
الحج ما قدرش يخالف الاوامر وفعلا نقلني فاتشجعت وطلبت منه
ممكن ارجع عند خالتي
انت زعلتي اني نقلتك مدرسه ثانيه
لا ابدا بس بستريح مع خالتي واولادها وبحب الحاره واظن هنا بقت كويسه
شاهي سمعتنا و امرت وكلنا نفذنا
انت مفكره من دماغك ترجعي احنا هنا اللي نقول تقعدي او لا
بس امي هي اللي بتشتغل عندكم مش انا والسبب اللي جيت عشانه خلاص اتحل
ما تحمدي ربنا على النعمه اللي انت فيها هو انت كنت تطولي تقعدي في فيلا تاكلي و تلبسي احسن حاجه احنا بنشتري لك زي هنا رغم ان المفروض تاخدي لبسها القديم
انا لو هدومي مقطعه عمري ما هلبس لبس حد و متشكره على النعمه اللي كرمتوني بيها بس عايزه اعفيكم و اشيل من على كتافكم لانكم متكلفين مصاريف زيادة
انت يا حيوانه مش عاجبك و بتتريقي كمان على كلامي
بصيت لها بكل كبرياء وكرامة
لو سمحت انا مش حيوانه ومش هسمح لاي حد يهني انا مش شحاته ولا بطلب حسنه انا عايزه اسيب هنا انا حره
رفعت ايديها وادتني قلم خلت شفايفي نزلت ډم وكانت لسه هتضربني الثاني لقيت ايد بتمنعها
عليا و زعق
طبعا مش الحاج ابويا وادي آخرة الكبرياء والكرامة
ماما انت مش من حقك تضربيها
لا من حقي انت بتمسك ايدي و بتمنعني اضړبها دي مجرد خدامه بتشتغل عندي
حتى لو هي مش عبده وحلا مش بتشتغل عندك وما تنسيش انها اختي
انا قلت لك كام مره ما تقولش الكلام ده
مش بقوله قدام حد غريب بس حقيقه مش هنقدر ننكرها
بقلمي سحر السحرتي
بصلي ومسح دموعي
معلش يا حلا ما تزعليش
لو كان بابا عايش كان رد عليها انا ماشيه
ولو قلت لك عشان خاطري خليكي لان فنجان القهوه اللي بتعمليه لي الصبح قبل ما اروح الجامعه بيظبط يومي هتحرميني منه
وبكيت بشده
ادخلي دلوقتي و بالليل عازمك على سينما انت وهنا
ضحكت وقلت له فيلم اكشن
انت شړانيه ليه فكرتك بنوته رقيقه حتقولي فيلم رومانسي
شاهنده شافته مهتم بيا و بزعلي قامت من الجنينه طلعت وهي هتطق لانها مش بتقدر عليه لكن هتطلعه على الحاج كمان شويه
مشيت ودخلت غرفتي اكمل بكا وسامح اتكلم مع بابا وعاتب عليه ان كان المفروض هو اللي دافع عني لانه صاحب اقتراح اني عشت معاهم
كمان يا بابا ليه تسمع كلام ماما و ترجعها مدرسه حكومي
يا سامح ماما لما بتزعل زعلها وحش قوي مش بقدر عليها
خلاص فهمها ان حلا مسؤوله مني وبلاش تكلمها او تتعرض لها باي اهانه
لا يا سامح فهمها انت لا تفكر انه كلامي
ماما وهنا اتفرجوا من بعيد على اهانتي و ضړبي وما حدش اتكلم كانهم ما يعرفوش
فضلت فتره تعاملي مع هنا متغير لغايه لما قلت وهي ذنبها ايه ورجعنا عادي زي الاول
المدرسه بدات والبنات اللي كانوا بيضايقوا هنا لما لقوني مشيت حاولوا يضايقوها ثاني لكن هنا ما سكتتش وضربتهم كلهم ورجعت حكيت لمامتها قدامنا بس لسه خاېفه منهم فانا قلت لها
خلاص يا هنا مش هروح المدرسه بكره و جايه معاك المدرسه الصبح
شاهنده هتروحي باي صفه المدرسه هتمنعك تدخلي
مش هدخل هكلمهم من على الباب بتاع المدرسه واي حاجه تحصل هتبقى بعيد عن اداره المدرسه
كبرياء ابنة الخادمة
حلقة ٣
ثاني يوم قدام باب المدرسه كانوا نازلين من الباص شافوني كنت لابسه ترنج و مسيبه شعري اول ما نزلوا لمېت شعري ديل حصان و شمرت كم الترنج استعداد للخڼاقه
هم حسوا حاولوا يلموا الدور وسلموا عليا صافي البنت اللي كانت مستقصده هنا
ازيك يا حلا خساره مشيتي من هنا مفتقدينك
ما انا جيت لما حسيت اني وحشتكم
طب ايه رايك نتقابل ونخرج سوا بعيد عن المدرسه
افهم من كده ان دي معاهده سلام وانا موافقه بس عارفه اني مش هخرج لوحدي معايا هنا
اكيد يلا يا هنا ندخل الطابور هيبدا
ادخلي يا هنا وانا هروح ولو احتجتي حاجه كلميني مينت و هكون عندك خلي بالك منها يا صافي اوعي حد يزعلها
بصيت لها پحده انت عارفه زعل هنا من زعلي وانا زعلي وحش قوي سلام
ومشيت حسيت ان البادي جارد بتاع هنا احساس لطيف اني بدافع عن حد خصوصا لو كانت اختي يا خبر احسن شاهنده هانم تسمع افكاري وتقول لي انسي انها اختك
بقلمي سحر السحرتي
اتقابلنا وخرجنا بابا اداني فلوس عشان احاسب زيي زيهم وما يبانش ان هنا هي اللي بتصرف عليا رفضت لان لسه معايا فلوس من شغلي على طرابيزه البنج محوشاهم ومحافظه عليهم لكن هو اصر
الخروجه كانت حلوه مع البنات و اتصالحوا مع هنا وهي اندمجت معاهم وهم حبوني قوي لاني كنت بخليهم يعملوا حاجات مجنونه مش متعودين عليها وكل خروجنا بيكون ضحك
المدرسه عندي اعلنت عن مسابقه رياضيه
في تنس الطاوله قلت اشترك ليه لا ما انا كنت مقطعه العيال في الحاره هيحصل ايه يعني وقد كان
تفتكروا ايه كسبت ولا خسړت
اكيد كسبت ما انا قرده زي ما خالتي بتناديني او عفريته زي ولادها ما بيقولوا وطلعت الاولى على المدرسه والثانيه على الجمهوريه في تنس
الطاولة
شوشو مرات ابويا تسكت ابدا مش عارفه هي حاسه اني بنت ضرتها ولا ده طبعها
اشتركت لهنا في لعبه بنت الناس الاغنياء تنس ارضي لان تنس الطاوله بتاعه اولاد الحواري زي ما قالت لهنا
اتبسطت هنا فعلا وبقينا نواظب على مواعيد التمرين في النادي ليها
شافني كابتن تنس الطاوله و اتعرف عليا واقترح اني انضم لفريق النادي لما عرف اني محترفه ما فيش حد بيدربني
يا حظك يا مرات ابويا ده ممكن تولع فيا
رفضت طبعا لاني عارفه حجم المشاكل اللي هقع فيها لكن المدرب عمل شملول وكلم محمد بيه بما اني يتيمه وهو بيتولى رعايتي
اللي افترضته حصل ومدام شاهي خسفت بكرامتي الارض لان اكيد شجعت المدرب طبعا اللي وقف معايا هو سامح اللي كلمها بهدوء و اقنعها ان لي فضل على هنا في تحسن نفسيتها وتركيزها غير انها صحيا بقت احسن
لان نفسها اتفتحت وبقت تاكل بشهيه
وما تنسيش يا ماما ان البنات اللي كانوا بياذوا هنا بقوا اصدقاء ليها وده اللي ما قدرناش نعمله طول سنين المرحلة الابتدائية لكن حلا قدرت فمش كثير عليها تلعب مع هنا في نفس النادي لعبه مختلفه ومش هتكلفنا حاجه لانها بتروح معاها والمدرب اشركها مجانا
بس يا سامح دي بنت الداده المفروض تتعامل على ده الاساس انما بتاكل وتشرب وتلبس زيها زي اختك
يا ماما احنا كان ممكن نصرف اكتر من كده على الدكاتره النفسيين و مكانوش هيعملوا نفس النتيجه وانت متاكده من كده
خلاص يا سامح عشان خاطرك بس بلاش تدخل لها تاني لازم تحس انها مش مننا و مقامها غير مقامنا
يا ماما هي عارفه حدودها كويس وعمري ما حسيت انها طلبت حاجه كمان لما بتخرج مع هنا بتدفع ثمن طلباتها و بتطلب ارخص شيء يعني مش عايشه عيشتنا
مين قال لك
انا كنت بتكلم مع هنا ولما بتكون الخروجه هتبقى اعلى من مصاريفها بتعتذر وياما عرضت عليها فلوس انا وهنا كانت بترفض
كويس انها عارفه انها مش قد مصاريف ولاد الناس
ولاد الناس هي حاسة اني بنت الكائنات الفضائيه
بقلمي سحر السحرتي
وافقت بأعجوبة وده كان اول لقاء بيني وبين حب طفولتي ومراهقتي ادم
ادم من سني بيلعب نفس لعبتي لكن للاسف مش بيسمع لكن بيقرا حركه الشفايف
اول لقاء بينا اټصدمت فيه وانا داخله صاله التمرين وللاسف ما اعتذرش
اظن حفظتوني اسكت
مش تفتح انت يا اعمى ما تقول حاجه هي القطه اكلت لسانك
شاور لي بايده انه اسف فهمتها واعتذرت وانا زي فرده الجزمه اني شتمته و زعقت له
خلال اسبوع كنت متعلمه لغه الاشاره كان فرحان وسعيد لان زمايلنا في التمرين ما حدش كلف نفسه يتعلم كلمه واحده عشانه وكان بيضطر يكتب لهم هو عايز ايه بقينا اصحاب و بنتكلم كثير في التليفون رسائل طبعا
مامته كانت مهتمه بيه جدا اكثر من اخواته بسبب حالته فرحت جدا انه لقى حد يصاحبه
كنت بستنى يوم التمرين عشان نلعب مع بعض أو ضد بعض لاننا اوقات كنا بنلعب رباعي
مرت الايام والسنين وبقيت في تانيه ثانوي و مشاركتي في اي بطوله داخل الجمهوريه فقط لان شوشو هانم رفضت اني اشارك في اي بطوله دوليه ما هو مش معقول بنت الداده تسافر دول مش من مستواها ما زعلتش قلت عادي هو انا كنت اطول العب في نادي كبير دى انا كنت بلعب في الحارة على طرابيزة عم سيد ورضيت لكن ربنا عوضني ادم بعدين اعترف لي بحبه ووعدني ان بعد الثانويه هيتقدم رسمي ويطلب ايدي وطلب مني اجتهد واجيب مجموع كبير عشان ندخل كليه مع بعض
هو حلم حياته يبقى مهندس وانا كان حلم حياتي ابقى دكتوره او صيدلانيه لاني بقيت اعمل تركيبات من مواد طبيعيه للبشره والجسم غير العطور اللي ريحتها تجنن و ابيعها لاصحاب هنا
هما اه بقوا اصحابي انا كمان وصافي بتحب تفضفض معايا اكثر واحده بس بحس ان في فجوه بينا لانهم ما يعرفوش اني بنت الدادة ويوم ما يعرفوا هيبقى التعامل مختلف
في يوم دخلت على سامح في غرفته
سامح بيه فاضي ممكن اتكلم معاك شويه
وانا مش قلت لك اسمي سامح بس
ما ينفعش مدام شاهي ممكن تسحلني
هههههه ايه تسحلك دي
ما تدقش
طب خليها سامح بيني وبينك خير
عايزه اسافر مع خالتي المصيف و خاېفه اطلب من مدام شاهي
رايحين فين هما
راس البر
راس البر طب ما احنا بنروح الساحل و بناخدك معانا احلى و انضف
عايز الصراحه مش بتبسط
ليه ده مصيف راقي
عشان كده عشان فقرية بحب اروح معاهم بركب عجل و اتسابق مع اولاد خالتي و بنركب مركب و بندخل سينما صيفي الهوا يلفحنا واحنا قاعدين
هههههه كل ده احلى من البيتش باجي وبنانا بوت
اه احلى بالنسبه لي لانها عيشتي ممكن تجيب لي الاذن
حاضر من عيني بس كده ايه رايك اجي معاكي انا وهنا وتفسحينا زي ما حكيتي
مش هينفع لان الشقه اللي خالتي اجرتها صغيره
لا ما في هناك فنادق و نحجز احنا فيها و عازم خالتك بس مش هنقول اننا رايحين معاها هقول عندي شغل هناك و هاخذكم تغيروا جو احنا مش قد زعل مدام شاهي هههههه
بقلمي سحر السحرتي
فعلا اتبسطوا قوي معايا ومن الخروجات البسيطه و اصر سامح انه يتكفل بكل مصاريف المصيف ليا و لخالتي
هنا ما اتبسطتش قوي لانها كانت بدات
بعد ما رجعت وادم شاف الصور اټخانق معايا كله بالاشاره فما حدش في التمرين كان فاهم حاجه
ازاي تتصوري كده مع اولاد خالتك
مالها الصور
انت مش شايفه واحد منهم شايلك على ظهره
وفيها ايه يعني كنا بنلعب وخطڤ الكوره جريت عشان اخدها وطلعت على ظهره
انت مش شايفه انه عيب
لا طبعا وانت زعلان قوي كده ليه
لاني بحبك وبغير عليك
ودي كانت اول مره يعترف بحبه ليا وكنت مبسوطه قوي لكن مشي و سابني قبل ما يعرف مني انه مش بس ابن خالتي وكمان اخويا في الرضاعه
حاولت اكلمه كثير رفض يرد علي بعثت له رساله و وضحت فيها انه اخويا واعتذرت اني مش هقدر اكلمه ثاني لانه رفض يسمعني وعملت له بلوك
قرا الرساله و اټجنن انه ظلمني و استنى ميعاد التمرين لقيته جايب ورد يصالحني بيه قبلته وكنت مبسوطه قوي
هنا شافت الورد و شافت
ادم واهتمامه غيرت معاملتها معايا ما قدرتش افسر هي غيره ولا مستكتراه عليا
بدات ثانويه عامه شوشو هانم اتكلمت مع هنا بعد ما لاحظت معاملتها الجافة
حبيبتي انت لسه محتاجه حلا تبقى معاكي
ليه يا مامي
اصلك داخله على ثانويه عامه ومحتاجه تركيز فبقول ترجع تعيش عند خالتها ايه
رايك
اللي تشوفيه يا مامي انا خلاص بقى عندي اصحاب ومش محتاجه بنت الداده في شيء
نزلت دموعي لان هنا اعتبرتني بنت الداده مش صديقه او اخت
اللي زعلني أكثر ان شاهنده كانت متعمده تتكلم مع هنا جنب الملحق وتعلي صوتها
سامح عاتب والدته
انت عارفه ان حلا لما ترجع عند خالتها مش هتعرف تذاكر وتجيب مجموع كويس وانت عارفه كمان ان حلمها تدخل طب
مش مسؤوليتي اللي ناقص اولاد الخدامين يدخلوا طب و يبقوا دكاتره يكشفوا علينا هي كانت هنا لمهمه محدده وخلصت اقفل الموضوع لانك عارف لو زاد حلا مش هتمشي لوحدها
قصدك ايه هتمشي دادة فاديه وتروح فين بعد العمر ده كله
سامح انا قلت اللي عندي وانت عارف كلامي بيتنفذ
حاضر يا ماما بس خليني اكلمها انا ممكن
ماشي هدي لك الفرصه دي
يا ترى سامح هيقدر يبلغ حلا بالخبر ان هي تمشي وتسيب البيت
كبرياء ابنة الخادمة
حلقة ٤
خبط سامح عليا في الملحق شاف الدموع في عينيا و لقاني محضره الشنطه
انت رايحه فين يا حلا
من غير ما احس بعيط جامد
اسفه يا سامح بس محتاجه ده انت حنين قوي عليا كان نفسي بابا يكون عايش يمكن كان بقى حمايتي بس ربنا بعتك ليا و خلاك اخويا
فهميني بس بټعيطي ليه و محضره شنطتك ليه
بصراحه عايزه اطلب منك طلب تستاذن اروح اقعد عند خالتي لان الثانويه سنه مهمه ومش هعرف اركز من هنا واصحابها
و تفتكري هتعرفي تذاكري عند خالتك واولادها
ما شقتنا نفس دور شقه خالتي قدامها و هقدر اذاكر فيها لو عملوا ازعاج بس ما افتكرش لان ابن خالتي عنده ثانويه زيي
طب تقدري تروحي وانا هتصرف واخذ الاذن منهم ما تقلقيش مش هيقفوا قدام مصلحتك بس لو احتجتي حاجه درس فلوس اطلبي من اخوك
اكيد انت عارفني
ما انا عشان عارفك بقول لك وهبقى اجي ازورك ينفع
طبعا ينفع يا احلى اخ الحق امشي قبل ماما ما ترجع وتمسك فيا
بقلمي سحر السحرتي
بابا وقتها كان في الغرفه السريه هو وماما وسمعوا كلام هنا مع مامتها وكلامي مع سامح ما حدش نطق وكل واحد بص للثاني وخلاص
الحياه كانت حلوه عند خالتي ناس بتحبني من قلبها وتخاف عليا وانا كنت بشتغل و اساعدها لان دروس ثانوي غاليه عليها رغم انها كانت بترفض تاخد فلوسي بس لما بصر واقول لها اني هقعد في الشقه لوحدي بتوافق
كنت بذاكر انا وعلاء ابنها
ولا اقعد بقى عشان نحل الواجب الدرس كمان ساعه
حلا حبيبه قلبي حليه انت و هقابلك في الدرس
رايح فين
جمين بس و هحصلك
علاء كده مش هتجيب مجموع
يعني اللي جاب مجموع وتفوق عمل ايه قدامك عادل اخويا رفضوا يتعين في الجامعه رغم انه الاول على دفعته
بس ربنا عوضه بشركه كويسه وراتب احسن من بتاع الجامعه اسمع الكلام ربنا منع عنه حاجه كويسه لانه اداله حاجه احسن
عندك حق طب جيم واحد
نحل الواجب وروح العب ايه رايك انا كمان عايزه اقوم احضر طلبيه عطور بقول لك ما توصلها بعد الدرس و تاخد انت فلوس التوصيل وده مبلغ حلو غير انهم ممكن يزودوك
بجد اتفقنا
وبقينا نذاكر واشتغل وهو بقى عامل التوصيل بتاعي
اهملت التمرين شويه لكن هنا اهتمت بالتمرين قوي
وحاولت تتقرب من ادم لكن وضعها كان صعب لانها مش عارفه تتكلم معاه بقت تكتب له وهو بيرد عليها مش عايز يكسفها لانها صديقتي ومنها يطمن عليا
بقلمي سحر السحرتي
بقينا بنغيب كل كام يوم على ما نكلم بعض اصلها سنه مهمه وكل واحد عنده حلم عايز يحققه بس لما كان بيوحشني كنت بروح التمرين عشان اشوفه هو كان منتظم بحكمه
انه بيحب اللعبه قوي
ادم انت متغير معايا ليه في حاجه زعلتك مني
لا بس انت عارفه المذاكره مع التمرين مخليني مشغول
ادم خليك صريح معايا لو اتغيرت من ناحيتي ورجعت في كلامك احنا ممكن نرجع اصحاب بس على فكره
لا يا حلا زي ما وعدتك يوم النتيجه هاجي اتقدم لك انا كلمت اهلي
و
موافقين
مش مهم تتقدم دلوقتي بس حاول تحطني ضمن اهتماماتك
هحاول بس اعذريني الفتره دي
هصدقك يا ادم
حاولت اصدقه بس احساسي بيقولي انه متغير بطلت تفكير وركزت في المذاكره اصل الحب على راي ماما مش هناخد منه غير ۏجع القلب
كل فتره بلاقي سامح جاي يزورني
ايه يا سامح هو انت كل شويه تيجي و جايب حاجات كثير قوي
مش عايزاني ازورك
لا طبعا تنور بس الحاجات اللي بتجيبها بتحرجني
اخ وجايب حاجات لاخته انت مالك اطلعي انت منها
شكرا يا سامح
على ايه
على حنيتك رغم شغلك وحياتك فاكرني و بتسال علي و جايب حاجات بحبها
حلا انت بجد اختي
هو ينفع افضفض معك شويه
طبعا
هو انا وحشه
ليه بتقولي كده
هنا برده اختي مش بتعمل زيك رغم اني حبيتها قوي وكنت بدافع عنها بقلبي دلوقتي مش بتفكر تسال علي برساله
انت عارفه انك واخده من اسمك كثير حلا وكل حاجه فيك حلا من وانت صغيره كنت بقعد معاكي بتبسط عن البنت هنا بس اوعي تقولي لها فانا بحبك من وانت صغيره دادة فاديه لما كانت هنا بټعيط كانت بتخليني انتبه عليك من وراهم كان عندي خمس سنين بس علمتني المسؤوليه ووثقت فيا الحب مش بايدينا يا حلا وربنا بيقلب القلوب وهنا لسه صغيره اتحرمت من الاصدقاء بسبب التنمر اللي حصل لها ما صدقت قربت منهم فهمتيني
يعني هي مش بعيده عني لسبب فيا
لا يا حبيبتي انت طيبه قوي زي دادا بس عيبك لسانك الطويل هو مش عيب قوي لانك مش بتسيبي حقك وده المفروض
ريحتني بكلامك ده كنت عايزه اخذ رايك في حاجه
قولي الزياره النهارده كلام مش ناويه تعملي فنجان قهوه من ايدك الحلوه
بس كده ثواني
تعالي بس قولي اللي عندك
لا اعملها و تشربها بمزاج عشان تعرف ترد عليا
اديني شربتها
في واحد زميلي في التمرين من سني ثانويه عامه السنه دي وقال لي ان يوم النتيجه هيتقدم ويطلب ايدي
مش شايفه انه لسه بدري
هو عايز ارتباط رسمي خطوبه وبعد ما نخلص جامعه الجواز عشان يبقى من حقه يخرج معايا ونتكلم بشكل اكبر
وايه مشكلتك
بما ان محمد بيه تقريبا متكفلني تفتكر اخليه يطلبني منه ولا من جوز خالتي
وقتها اكلم بابا واشوف رايه بس انت عايزاه يطلبك من مين
مش فارق معايا الاثنين لهم فضل علي بس مش عايزه حد
فيهم يزعل مني فلو محمد بيه رفض هتبقى اتحلت المشكله
هو عارف ظروفك
اه حكيت له كل حاجه
ينفع اكلمه واقول رايي فيه
للاسف مش هينفع لاني شخصيا مش بكلمه عشان كل واحد فينا مركز في المذاكره نخليها بعد الامتحانات
خلاص نخليها بعد الامتحانات امشي بقى عشان تذاكري وعايز مجموع كبير
بقلمي سحر السحرتي
شكرا يا سامح ارجوك اسال عليا باستمرار
عيب يا حلا انا اخوك بجد حتى لو مش عاجب ماما
مرت ايام المذاكره وحانت ساعه الجد
بدات الامتحانات وخلصت كنت بكلم ادم على خفيف لانه مسافر بطوله بعد الامتحانات وسامح اصر اسافر معاهم الساحل عشان اغير جو بعد ضغط الامتحانات
هنا كانت تقريبا مش بتكلمني فاتحججت
سامح عارفه اني بتقل عليك
خير يا حلا
انا قعدت يومين بس انت عارف مش بحب الساحل عايزه ارجع وكمان خالتي هتطلع راس البر
طب بكره ننزل سوا واطلع معاكي راس البر لوحدنا من غير هنا
لا يا سامح انا معايا فلوس كويسه من شغلي هنطلع بيها
انا بحب
انت بتجاملني
وانت بتكدبي عايزه تنزلي عشان معامله هنا معاك
انت لاحظت انا طول اليوم قاعده لوحدي وهي يا اما خارجه مع اصحابها يا اما ماسكه التليفون
وانت مش بتخرجي معاهم ليه ما انت عارفاهم
هي مش بتقول لي تعالي معايا زي زمان وانا مش بفرض نفسي على حد انت عارف
يمكن مش واخده بالها
مين فينا بيكدب دلوقتي انا اعترفت من اول قلم اعترف
