اسكريبت هند وشادي بقلم رقية
بيه ما اعترفش دى حياتى الشخصيه متدخلش فيها
جبتى القسا وه دى منين
_ البركه فيك
قطع كلامنا دخول محمد يآرب يا ساتر يلا عشان نتغدا انتو كنتو بتتخانقو ولا اى
وانا اقدر على زعل هند
نغزته واتكلمت بهمس _ مش هسامحك برضو
اكلنا واضطريت اروح معاه عشان اهلى
بابا مريض سكر وضغط ف مش حابه اقوله على حاجه تضايقه يتعب ولا ادخلهم ف خلافات
____فالبيت ___
نورتى بيتك يا ست البنات
_ تسلمى يا طنط دا شويه وهطلق ان شاء الله
يا بنتى ربنا يصلح ما بينكم
_ ان شاء الله بعد اذنك هطلع اغير وارتاح شويه
اتفضلى يا حبيبتى
اخيرا الشقه بقا ليها روح
_ تصدق انك عيل صغير عامل زى اللى بيفضل يعيط على لعبه اول ما بيطولها بيركنها جنبه و لما بتضيع ولا بتتكسر بيعيط عليها
يا هند كلامك صعب ومش سهل انى استحمله
_ يا جدع وانا اللى كنت حمل انى اسمع تهزيقك وكلامك اللى زى السم
ما انتى كنتى دايما كنتى بتسمعى وتسكتى اشمعنا المره دى
_ عشان جبت اخرى اديتك فرص كتير وانت مقدرتهاش كنت بقول معلش يمكن مش قاصده ممكن يتغير بس للاسف انت باصص تحت رجليك وشايف انك ادبست فيا ف خلاص طلقنى
انا اسف بس طلاق مش هطلقة
_ متتكلمش معايا خالص ومن هنا ورايح
مفيش
طب وقدام اهلنا !!
_ محدش يعرف ان فيه بينا مشاكل بس كلو دا لحد ماتتطلقنى
انتى وخداها لعبه !! كل شويه طلقنى طلقنى انتى فكراها بالسهوله دى !
_ هعمل تنازل عن كل شيئ بس طلقنى
مش عايزه تسمعينى
_ لا ولو انت راجل وقد كلمتك طلقنى
لاحظى ان كلامك صعب على اى راجل يستحمله ومدام دى حريتك طب انتى طالق ...
يتبع
البارت التالت .... روايه جوز هند
بقلمي رقيه
هل هند عندها حق ولا شادى هيقول كلام يقلب بيه الموازين
دا اللى هنعرفه فالبارت اللى جاى انتى طالق
عيونى دمعت واتكلمت باڼهيار _ طلقتنى !! كنت مستنياك تتمسك بيا شويه كمان حتى الحاجه الوحيده اللى قولت هعلمهالك فشلت فيها
كنتى عايزه تعلمينى ايه يا هند
اتكلمت برجاء _ كنت عيزاك تبقى باقى عليا بس انت مش شايف غير نفسك انا رايحه بيت اهلى ومش عايزه حد يعرف اننا اطلقنا غير بعد فرح محمد اخويا ممكن !
ممكن ومتقلقيش انا فعلا مسافر
عدى تلت شهور ف تجهيزات فرح محمد اخويا و آيه
ايه يا بنتى رنيت على جوزك مش بيرد روحتله البيت مامته وباباه بيقولو ان من ساعه ما سافر مش بيكلمهم
_ انا هبقى ارن عليه ابلغه وانا عزمت طنط وعمى لما كنت هناك اول امبارح
طبعا كنت بروح اساعد
متنسيش تكلميه
_ بس قولى يا ولااا احلويت ليه كدا
باين انى عريس ولا ابين اكتر
_ اكتر من كدا مش هنعرف نكلمك وتتغر
رد بغرور مصطنع انتى مين اصلا
_ دا احنا لسه بنقول يا هادى
انا مهما يحصل هتفضلى ساكنه قلبى يا عيون اخوكى ومقدرش ف يوم اتغير عليكى
فعلا اللى يتعود على الحنيه يكره الجفا ويحس بيها ولو كانت بنسبه ١٪
بعت رساله ل شادى
_ متنساش تيجى فرح محمد او رن عليه بالتليفون قوله انك مشغول عشان مصمم على حضورك
شافها وماردش وانا الډم غلى ف دماغى بعدين قولت انا كدا كدا بقيت مطلقه ف احاول انساه واتعامل زى ما هو بيتعامل وافكر ف نفسى وبس
يوم الفرح فالقاعه
_ ازيك يا طنط ازيك يا عمو عاملين ايه اتفضلو
الحمدلله يابنتى وحشينا
البيت ضاق علينا انا وعمك اوى
رديت بضحك عشان اغير مجرى الكلام شويه _ وانتو اكتر والله وبعدين دا انا كنت كل يوم عندكم لحقت صحيح يا طنط هو انتى مخطبتيش هند التانيه ل شادى ليه !
هند مين يا بنتى احنا ما نعرفش حد اسمه هند غيرك دا احنا يوم ما قولناله ان هند دى بنت عمك هادى جارنا
استغربت كلامها و رديت بهمس _ دا ممثل بارع كان بيمثل انو مېت ف دباديبى !!
بتقولى حاجه يا هند
_ ابدا يا طنط
بس بجد وحشتينا اوى والله
_ ياريت اكون وحشت شادى نص وحشتكم دى
قاطعنى صوت انا حفظاه كويس
وحشينى اوى اوى اوى
_ ايه دااا
الغريبه انو فعلا شادى بس مش هو دا شادى اللى اعرفه دا اتغير ١٨٠٪
ياترى ايه اللى حصل مع شادى وايه التغيير دا
وهل هند هتصدق مشاعره وترجع ولا لا
دا اللى هنعرفه البارت اللى جاى
البارت الرابع
روايه جوز هند
بقلمي رقيه .... بقايا ونس
وحشينى اوى اوى اوى
_ ايه
دا !!!
بمجرد مع عينى جت ف عينه حسيت انها كلها نظرات عتاب وبص ناحية مامته
ما ردتيش عليا يا امى وحشتك ولا لا
ياخدك عنا كل دا وبعدين شكلك اتغير ليه كدا
مفيش بس كنت تعبان شويه
الف سلامه عليك يا حبيبي مالك
حاجه بسيطه ماتقلقيش
ايه مش هنروح نسلم على محمد !
حسيت ان جسمى تلج من الاحراج والكسوف واحساس انى حباه و كرهاه ف نفس اللحظه _ تمام يلا نروح
اتكلم بغيره احم خلى بالك انك لسه على ذمتى قدام الناس ياريت تمسحى الميكب دا هو مش فرحك هو
دا شيئ يخصك!
_ لحد ما نتطلق قدام الناس يبقى يخصنى مفهوم
بصيتله وسكت
روحنا نسلم
