اسكريبت مالك وليلي
ليلي معلشي هو تأثير البنج بيروح اكيد الدكتور هيديلك مسكنات
دخل الدكتور وهنا بدأت اټرعب
الدكتور هتبقي كويس ان شاء الله ي استاذ مالك أحمد ربنا انت حالتك كانت صعبه أوي
مالك الحمد لله ي دكتور بس أنا حاسس بۏجع جامد اوي في رجلي
الدكتور أستاذ مالك أنا بعتذر جدا ليك بس أحنا أضطرينا نعمل بتر في رجل حضرتك
مالك ااي!! هو
بيقول اي!!
ليلي مالك اهدي عشان خاطري
مالك اهدي اي وقرف اي انت بتخرف تقول اااي!!!!
ليلي بحزن أمر ربنا اصبر ي مالك
مالك بصدممه شال الغطا من عليه
مالك لا لا لا أنا محصلش فيا كدا لااااا انت عملت كدا ليه مين ادالك الحق تعمل كدا
منال بدموع استهدي بالله ي ابني الحمد لله انها جت علي قد كدا
مالك اطلعوا برا كلكوا برا يلا
عبد العزيز تعالوا برا سيبوه لوحدوا
ليلي لا مش هخرج
مالك اخرجي برااا مش عاوز حد هنا مش عاوز حد اخرجوا
الدكتور حقنه مهدأ في المحلول وخرجوا كلهم من عنده
الدكتور انا شايف أن وجودكم هنا ملهوش داعي دلوقتي هو هينام ومش هيصحي غير بكرا الصبح
ليلي مش ينفع معاه مرافق!
الدكتور أيوا ينفع بس مش عاوزين نضغط
عليه
ليلي عمي لو سمحت انا هفضل هنا ولو احتاجت لأي حد هكلم حضرتك
عبد العزيز ماشي ي بنتي خليكي مع جوزك
فضلت واقفه قدام أوضته وببصله وهو نايم كنت زعلانه عشانه اوي مكنتش عارفه هتعامل معاه ازاي بعد كدا وخصوصا أنه اكيد مش هيبقي عاوز شفقه عليه او هيستحمل
فضلت قاعده لحد الفجر روحت اتوضيت وصليت ورجعت لقيت باب الأوضة مفتوح جريت بسرعه لقيت بنت من سني قاعده جمبه وبتبصله ب شرود وكأنها بتفكر في عالم تاني وماسكه ايده
ليلي مين حضرتك!!
ندي أنا مراته
اسكريبت مالك وليلي الفصل الثالث 3 بقلم أية محمد
اسكريبت مالك وليلي الفصل الثالث 3
ندي أنا مراته
ليلي اي!!
ندي مراته مراته انتي ليلي صح! هو جراله اي!
ليلي بصدممه مش مصدقه مستحيل إنتي كدابة
ندي لا انا مش كدابة والدليل اني عرفاكي انا ومالك اتجوزنا قبل فرحكم ب أسبوع لأنه اضطر علي جوازتكم وكنا بنحب بعض وانا اصريت نتجوز والأول
ليلي بصدممه يعني مالك متجوز عليا! متجوز عليا
قعدت قصادهم وأنا مش قادرة أصدق معقول اتجوز!! عايش حياته مع اللي بيحبها ومعيشني انا في العڈاب دا
ندي هو الدكتور قالكم اي!
ليلي بجمود حصله بتر في رجله
ندي بصدممه بتر!! ي حبيبي ي مالك
ليلي خليكي مع حبيبك أنا هروح
خرجت من المستشفي كان لسه الصبح بيطلع وفضلت واقفه شوية لحد ما لقيت تاكسي ووصلت للبيت
منال اي دا انتي جيتي امتي متصلتيش ليه بحد يروح لمالك
ليلي بسخرية متقلقيش ي مرات عمي مراته معاه
منال مراته!!!
ليلي اه هو انتي متعرفيش ان ابنك متجوز عليا
منال ي بنتي والله ما أعرف أنا هاخد ابوه ونروحله
ليلي
طلعت شقتي ولمېت هدومي ونزلت لبيت ابويا كلنا عايشين في نفس العمارة
محمود انتي جيتي امتي ي ليلي!
ليلي من شوية ي بابا
محمود واي الشنطة دي!
ليلي بابا انا هطلق
محمود اي!! ادخلي ادخلي اقعدي وفهميني!!
ليلي پبكاء طلع متجوز ي بابا
محمود متجوز! مين اللي قال
الكلام دا!
ليلي مراته جات المستشفي سيبتها معاه وجيت انا مش هكمل معاه ي بابا
انا مكانش ليا ذنب في الجوازة دي ولا انا اللي أجبرته عليا انا كمان كنت مجبورة بس قولت لا خلاص بقي جوزك حبيه وحبيته ي بابا
عايشين زي الأغراب وتقريبا مبنشوفش بعض بيرجع الساعه 11 بليل وهو بيخلص شغل 4 وعمري ما ظنيت انه ممكن يكون متجوز وعايش حياته وقولت تلاقيه بيشوف اصحابه
يطلع متجوز هو انا ذنبي اي في الجوازة دي ي بابا
ليلي انا ي ماما
عزة ليه! عشان اللي حصل لمالك وهو ذنبه اي ي بنتي! دا بدل ما تبقي بنت أصول وتقفي جنب جوزك وتكوني عكازه تسيبيه!
ليلي أنا عمري ما كنت هعمل كدا بقولك متجوز غيري انا مش هقبل كدا ابدا
عزة متجوز!!
محمود بس أنا مش شايف أنه وقت ينفع تسيبي فيه جوزك
ليلي بمعني!! انا جيت هنا عشان انتوا اكتر ناس هتخاف عليا عشان انتوا اللي هتحسوا بيا
محمود ي بنتي حاسس بيكي وعارف أن كرامتك موجوعه بس مش الوقت ده اللي تاخدي فيه قرار زي دا
اسمعي خليكي في بيتك لحد ما يرجع كويس عمك كان بيقول هنتصرف ونشوف موضوع الرجل الإصطناعيه وبعدين هيرجع تاني يبقي طبيعي وقتها
ليلي هو ليه كل مره أنا اللي باجي علي نفسي!
عزة ي بنتي دا لمصلحتك أولا عشان أبوكي يبقي عنده وقت
عزة حتي لو أنتي مش عاوزة دي الأصول خليكي هنا معانا لحد ما يخرج من المستشفي وبعدين ارجعي شقتك
بصتلها وبعدين بصيت لبابا اللي فضل ساكت لأنه موافقها في كلامها وأخدت شنطتي وخرجت وطلعت شقتي تاني
دخلت أخدت شاور وغيرت هدومي وحضرت أكل وأخدته ورجعت ليه المستشفي
وصلت هناك
كان صاحي وقاعد ساكت وهي جنبه أول ما شافني مقدرش يحط عينه في عيني
ليلي الدكتور قال يخرج أمتي!
عبد العزيز يومين كدا
ليلي هتروح ي عمي ولا هتفضلوا هنا
عبد العزيز لا ي بنتي هستني شوية
ليلي طيب انا جيبتلكم حاجه خفيفه تاكلوها
مالك مش جعان
ليلي لازم تاكل حتي لو مش جعان
مالك ودي ازاي بقي
ليلي كل عشان العلاج
مالك قولتلك مش عاوز أكل
ليلي تعالي تعالي اكلي جوزك يمكن بقي يقرف مني ولا حاجه
سيبتهم وخرجت برا
مش هقدر مش هقدر اقول اني مكرهتوش لأنه حسسني قليله اووي ازاي كان بيقولي ان حالتنا صعبه وانه قد اي مستحمل واني انا كمان لازم استحمل وهو اصلا مبسوط في حياتة وعايش عادي كدا
و المطلوب مني اي دلوقتي أكله واهتم بيه وأقلق واخاڤ عليه عشان مبقاش قليلة الأصل
فضلت قاعده برا وشايفاه في الأوضة وهو شايفني وانا برا لحد ما لقيتهم خرجوا
منال ادخلي عاوز يتكلم معاكي
ليلي في حاجه!
منال
ليلي طيب
دخلت وقعدت قصاده وفضلت ساكته
