جواز بيت العيله الست نور

كان قريب ليه الحق يدخل بيننا.
عنيا حاضر.
يحضرلك كل خير يارب أجيبلك بقى الحلو يا حلو أنت.
كمان فيه حلو! ده أنا خاېف أحسدني والله.
ما يحسد المال إلا صحابه يا بيه.
عيني عليك باردة يروحقلب البيه.
لما يبقى بيت كله مشاكل صبح وليل وبيتلككوا على الواحدة ومفيش مفر للهروب وإننا نبعد عن المشاكل يبقى لازم نبقى قد المشاكل دي ونفتح صدرنا ليها ويا أهلا بالمشاكل لأن مشيك جنب الحيط ده يخلي الحيطة تقع عليك مش تحميك من المشاكل.
شايف مراتك
مالي يحماتي مانا زي القمر أهو بقولك يا سحس تاكل كيكة
لو جنبها كوباية شاي يبقى أيدك أبوسها.
يا خبر أبيض من العين دي قبل العين دي!
تسلملي عيونك يعممرري.
ما تختشي يا واد.
فيه أي يا حماتي! مراته وحلاله.
ليكم شقتكم فوق تلمكم.
وتحت هنا بيتنا برضو مفرقتش كتير مش صح يا سحس
أكيد طبعا هو أنت عمرك قولتي حاجة غلط
أموت أنا في الرجالة المشطشطة اللي لا ليها في الطين ولا في العجين وتكبر دماغها وتقول آمين دخلت جبت كيكة كانت حماتي عملاها وأخدت 2 مج شاي وحطيتهم على صينية وروحت جنب جوزي في المقعد بتاع البيت.
اتفضل يعمرري.
من يد ما نعدمها يا حبيبتي.
أنا اللي عاملة الكيكة بتشكرها هي ليه
هو بيشكرني علشان الكيكة بقت مسكرة أكتر لما أنا مسكتها يا حماتي.
لا يشيخة.
أها والله مش كده يا جوزي
تسلملي إيديك يا مراتي ويباركلي فيك يارب يا أمي ومتحرمش من عمايل إيديك.
ويباركلي فيك يا حبيبي.
خلصنا قعدتنا وهمست لجوزي ينفذ اللي قولتله عليه وهو مكدبش خبر وراح طلع على السلم ووقف في نصه وقالهم
أنا طالع أريح وطول مانا فوق محدش يطلع ينادي ولا يخبط عليا ولا على نور علشان مبحبش حد يقلق منامي أنا باجي أريح مش ببقى عايزة صداع.
محدش فيهم قدر يعترض وقالوله حاضر وأنا عملت نفسي بريئة معرفش حاجة عن كلامه ده وهو كمل وبصلي
وتعالي يا نور جهزيلي غيار علشان آخد دش.
عنيا حاضر.
استني طالعة فين ومين يغسل المواعين
هتطلعلي غيار يا أمي مانا لسة قايل وفيه غيرها يعمل.
مقصدش يحبيبي و...
أومال أي
حمام الهنا يحبيب أمك روحي يا نور ورا جوزك.
عنيا يا حماتي.
مشاكلنا قلت بس مخلصتش لأن مفيش بيت بيخلى من المشاكل بس لما نعرف نتعامل معاها ومنكبرهاش يبقى يا أهلا بالمشاكل طول مإحنا مع بعض وقلبنا على بعض مشاكلي مع أهله تحت هو ميعرفهاش ولو هو كان قاعد بتجنب المشاكل وبختصر على قد ماقدر لكن لما يبقى هو مش موجود باخد حقي تالت ومتلت.
بقولك أي
معاك.
هو إحنا ممكن نيجي في يوم ونعزل من بيت أهلك
ساب التليفون من إيده وبصلي ب اهتمام وعينيه بتحاول تستشف الكلام اللي في عيني وعلى طرف شفايفي
حد منهم ضايقك
لأ
طب حد وجهلك كلام أو اټخانق معاك في غيابي
أنا عايزة يبقالنا بيت لوحدنا.
قوليلي سبب طيب يعني هنا مإحنا مرتاحين وآكلين شاربين مش ناقصنا حاجة.
الحكاية مش حكاية أكل وشرب أنا بس محتاجة يبقى ليا بيتي لوحدي ومصحاش وأنام كل يوم على مشاكل وتدخلات أيا كان نوعها.
لو فاكرة إني مش عارف إنك السبب الفترة اللي فاتت في تصليح علاقتنا تبقي غلطانة عارف إنك جيتي على نفسك كتير وتجنبتي المشاكل علشاني وحاولتي متزعلنيش.
علشان نقعد القعدة دي وإحنا بنتكلم بدون زعيق أنا مستعدة أعمل أي حاجة.
وأنا عيني ليك بس الموضوع ده محتاج كتير.
لو عالوقت أستنى بس المهم في النهاية يبقى لينا بيتنا سوا لو عالفلوس ف شغلك ماشاء الله وبدماغك وشغلك وتدبيري نقدر نعمل حاجة.
كان بيفكر في عقلي ف مسيبتوش
لدماغه كتير وسألته بلهفة
ها قولت أي
قولت هشوف.
لأ قول إن شاء الله.
هتفرق
أيوة قدم المشيئة علشان ربنا ييسرلنا أمورنا.
إن شاء الله خير
بالفعل كام يوم وقالي إنه قرر خلاص وهيبدأ الفترة الجاية نحط القرش على القرش ونبني سوا بيت يجمعنا
أبويا قالي إنه هيديني الأرض اللي أبني عليها.
قول والله!
والله.
يا حبيبي يا حمايا.
حبك برص ما تلمي نفسي.
مقام أبويا يعم متزوقش.
ولو برضو أبويا وعلى راسي بس متقوليش عليه ولا غيره حبيبي.
أومال أقول على مين
وأنا روحت فين
يولاا يا لئيم
عدت علينا فترة من أصعب فترات حياتنا كنا بنحط القرش على القرش ونوفر ونضيق على نفسنا علشان نعمل البيت واضطرينا نستغني عن حاجات كتير لأجل نبني البيت وبالفعل خلال سنتين جه اليوم اللي ننقل فيه حاجتنا
هتوحشيني والله يا حماتي.
ارتحتي وبقى ليك بيت
ومرتاحش ليه يا حماتي! الحمدلله ربنا وسع عليا زي ما بيوسع على كل الناس مش بناتك برضو كل واحدة ليها بيت لوحدها!
بس خليك فاكرة إن ابني مش هتقدري تبعديه عني.
ابنك زي ماهو جوزي عمري ما همنعه عن أمه.
ربنا يباركلكم في البيت ويديكم خيره ويكفيكم شره.
دعوتها كانت صادقة حتى لو تبان عصبية وبتعاملني ند ب ند كأني خطفت منها ابنها بس يظهر إن البعد بيرقق القلب ف عيوني دمعت وأنا بفتكر خناقنا وصوتنا العالي ولحظاتنا سوا حتى وهي بتقولي كلمة حلوة في أوقات وأوقات تانية تطبطب عليا لما أزعل وملقاش ليا حد.
هتوحشيني يا عمتي والله.
أول مرة تقولي عمتي مش حماتي!
وداعك ودعوتك طالعة من عمتي اللي بتحبني من وأنا طفلة عكس حماتي اللي بتغير على ابنها مني.
يا عبيطة وأنا هغير على ابني من مراته!
أومال
الغلاوة بتخلينا نعمل تصرفات ميصدقهاش عقل أحيانا مابالك إنه الصغير اللي خد الدلع كله مني يعني أغلى الغاليين.
ربنا يباركلنا فيه يارب ويباركلنا فيك يا عمتي.
بالفعل النهاردة أول يوم لينا في بيتنا بعد تخطيط كتير عمرنا ما كنا نتخيل إننا نقف على عتبة البيت وإحنا بالسعادة دي كأننا عرسان جداد وتكة أول مفتاح وإحنا إيدنا في إيد بعض.
سم الله.
بسم الله الرحمن الرحيم
وقفنا على عتبة الباب وحسين كان بيدعي وأنا بأمن وراه
اللهم اجعل هذا المنزل عتبة خير علينا
آمين.
اللهم إنا نسألك خير هذا المنزل وبركته ونوره
ونعوذ بك من شړ هذا المنزل ومن شړ ما فيه وماعليه
آمين.
نسأل الله أن يبارك لنا في هذا المنزل الجديد ويجعله مأوى صلاح وخير وبركة ورزق واسع من حيث لا ندري ولا نعلم ولا نحتسب.
آمين.
اللهم املأه بالذكر والقرآن.
آمين.
اللهم اجعل كل من في البيت سعيدا واجعله منزلا مباركا فيه.
آمين.
رب اجعله مكان ل لأمن والسلام والإسلام يارب اللهم ارزقنا الخير والبركة والنور والستر والحفظ والمحبة والإخلاص.
آمي ...
نور!
محستش بنفسي غير وأنا بدوخ ومقاومتي اللي كانت من بدري بقاوم بيها تعبي ودوختي اختفت ووقعت على الأرض فدخلني حسين لجوا وهو بيجري يجيب ميه يحاول يفوقني ولما فوقت أخدني من أيدي لأقرب مستشفى يطمن عليا.
أنتوا مكنتوش تعرفوا ولا أي
نعرف أي يا دكتور
إن المدام حامل.
حامل!
قولناها في صوت واحد پصدمة وإحنا متنحين وبعدها بنبص لبعض ونستوعب ف أنا دموعي تنزل تلقائي وهو ب فرحة ومش مصدق اللي سمعه.
حكمتك يارب أكرمتني ووسعت عليا ورزقتني بالخلفة وأنا في أيسر حالاتي كنت بدعي بالبركة مكنتش أعرف إن معانا خطوة تالتة على عتبة بيتنا.
الحمدلله يارب الحمدلله.
من وقت ما اتجوزنا واستغربنا ليه مفيش خلفة برغم إن تحاليلنا كويسة ومحدش فينا عنده مشكلة ويوم ما حملت حملي مثبتش وسقطت ومن بعدها محملتش تاني والنهاردة بس عرفنا إن ترتيبات ربنا
وتدبيره