إسكريبت الخساره بقلم لؤه ابراهيم
هيكتبوا الكتاب كمان يومين!
آه والله لسة اخته مكلماني وقايلالي
ماشي تصبحي على خير ياحبيبتي
قفلت معاها ودخلت أوضتي وأنا حاسة كل مشاعري متلغبطة الماضي كلة رجع يطارد عقلي من جديد!
قدر يحب بعدي! يبتدي بداية جديدة مع ست غيري بأحلام جديدة هيحققها معاها هي!
احساسي انهاردة مختلف عن إحساسي ساعة ما جالي دعوة خطوبته الإحساس المرة دي مؤلم أكتر!
قطعت تفكيري قومت من على سريري وأنا مش حاسة برجلي حرفيا اتحركت للمطبخ عملتلي فنجان قهوة فرنساوي لذيذ أغرق فيه
زي ما ڠرقت في بحر حبك
وفي ڼار فراقنا
الساعة كانت ١٢ بليل عندي ميتينج مهم بكرة في الشركة الساعة ٩
قررت اقعد اخلص الشغل اللي على اللاب توب علشان اقدر اقطع حبل الأفكار اللي مش راضي ينتهي
نمت بعد ساعتين كاملين من الشغل والتركيز قدام اللاب توب
صحيت الصبح قبل معاد الميتنج بساعتين مش واخدة كفايتي في النوم عيوني منتفخة وحاسة بإرهاق شديد
وقفت قدام الدولاب وأنا عيني على حاجة معينة بدلة حريمي لونها نبيتي
كان شكلها يجنن كنت لسه جيباها جديد بس نسيت البسها دخلت خدت شاور وعملت الأسكين كير بتاعي نشفت شعري بالستشوار وعملتله ستايلنج شكله رقيق حطيت ميكب سيمبل عبارة عن ماسكرا وكونسيلر وبلاشر وليب جلوس
لبست هيلز لونها أبيض بكعب عالي
بعشق
خدت مفتاح العربية من على الكومود بعد ما رشيت البرفيم بتاعي ولبست الشنطة
أخيرا نزلت من البيت
الشركة مش بعيدة بينها وبين بيتي ربع ساعة وفعلا في خلال ربع ساعة كنت قدام الكافية اللي جنب الشركة فاضل ساعة إلا ربع علي الميتنج بتاعي
فقررت إني هشرب القهوة بتاعتي في الكافية كالعادة بما إني عندي وقت
دخلت على التربيزة اللي بقعد عليها دايما المكان مكنش زحمة بس نوعا ما كان في ناس قعدت وطلبت القهوة بتاعتي وقعدت اشرب فيها بأستمتاع وانا بسمع صوت فيروز اللي مالي الكافية
يا روحي يارب مكنش أتأخرت عليك
بصيتله بزهول شاب لا اعرفه ولا عمري شوفته اقتحم وقعد قدامي بمنهى الاريحية!
رديت عليه بصوت عالي نوعا ما
روحك! أنت مين يا بني آدم أنت
مسك إيدي وطبع عليها بوسة رقيقة وهو بيبص جوه عيني برجاء كأنة عايز يوصلي حاجة معينة
وشي وخدودي اتحولوا لطماطمية من الحركة الجريئة اللي هو عملها كنت ببصله ببلاها وأنا مش فاهمة!
قال بصوت واضي مسموع ليا
أنا اسف إني بعمل كدا أوي بس أنا مضطر اعمل كدا
رديت عليه بنفس الهمس
مضطر ليه
شايفة البنت اللي قاعدة في الترابيزة اللي جنبنا دي البنت اللي مركزة معانا دي أنا لازم اعمل كدا قدامها مش هعرف اقولك لي أو أي السبب دلوقتي
بصيت في الاتجاه اللي شاورلي بعيونة عليه فعلا كان في بنت قاعدة مركزة معانا جدا وعيونها بتطلع شرار وأول ما اخدت بالها إني ببصلها لفت وشها رجعت وشي ليه تاني وانا ببصله بحيرة بصلي بقلة حيلة وهو بيبتسم وبيتبت ايده في إيدي أكتر
فات حوالي خمس دقايق كان طلب من الجارسون قهوة هو كمان كنت مستنية البنت تمشي بفارغ الصبر!
البنت بدأت تلم حاجاتها وتتحرك خرجت من الكافية وأنا خدت شنطتي وسحبت إيدي من بين ايديه بسرعة وخرجت وأنا حاسة بنبضات قلبي بتتسارع!
قعدت على مكتبي وأنا ببص على اللاب توب بتأكد إني مخلصة كل الشغل اللي ورايا قاطعني صوت رنة الموبيل برقم غريب
ألو!
أزيك يا لؤه إي الاخبار
بترن عليا لي
مكنش
صعب عليا اعرف صوته زي ما مكنش صعب إن أعرف هو رانن عليا ليه
كنت رانن علشان أعزمك على كتب الكتاب
مكنش
ليها لزوم العزومة يا آدم دا إحنا صحاب من أيام الجامعة وعموما أنا أكيد جاية ومش لوحدي أنا وحبيبي
حبيبك!
ضحكت بدلع وأنا قاصدة ازيد من ڼار غيرته
آه حبيبي وقريب جدا هيكون خطيبي عموما مبروك مبسوطالك من كل قلبي سلام يا عريس
قفلت وانا حاسة إني فرحانة فيه ومبسوطة وانا حاسة پالنار الي جواه دلوقتي مش ندمانة إني خسرته إطلاقا علي قد ما أنا ندمانة على الوقت والسنين الي قديتها معاه
قد أي انا بنت غبية!
بنت متسرعة بعقل قد النملة مش بتفكر!
قولتله إني هاجي الفرح ومعايا حبيبي كنت بتكلم بكل ثقة!
الکاړثة إني معنديش حبيب!
كان وقت الميتنج خلاص فاضل عليه خمس دقايق كنت لازم أقوم أحضر العقودات ومش وقت عياط خالص لازم نشتغل وإحنا بنعيط
أنت تاني!
رفعت عيوني ليه وللأسف كان هو
نفس الشب الجريئ الي كان تحت في الكافية كنت مضطرة أرد عليه من غير عصبية لأننا خلاص هنبدأ الميتنج
مين حضرتك
ردت عليا السكرتية بتاعتي
دا مدير شركة القاضي يا فندم
مدير الشركة الي هنتعاقد معاها
أيوه يفندم
رفعت عيوني ليه كانت نظراته جريئة وعلى شفايفة إبتسامة تجنن!
إبتسامتة كانت لذيذة بس مستفزة زي شخصيته بالظبط
اتفضل يا فندم علشان نبدأ الاجتماع
قولتله كدا بعملية وانا بفتح أوراق العقود
قعد وبدأنا نتكلم في أمور الشغل كان راجل وسيم جدا وذكي جدا في شغلة ودا كان باين من كلامة ومن نجاح شركته الملحوظ
ينفع تعمليلي فنجان قهوة فرنساوي حلو زي الي بتعمليه دا
عيني يا فندم
كنت قاعدة علي مكتبي بعد ما خلصت الميتنج وانا بقول للسكرتية على فنجان القهوة
فات كام دقيقة ورجعتلي بفنجان القهوة فرنساوي وهي بتقولي
مدير
عايزني!
