حكايه فتاه بقلم إيمان شلبى
المحتويات
مصدق وليه اتجوزتني وليه ضحيت بنفسك ومستقبلك عشاني
كل ده عشان ايه
انا مجرد واحده بتشتغل عندك
عايزه تعرفي ليه
ايوه ليه
اخد نفس عميق وسكت لحظه وهو بيبص في عيوني
عشان بحبك يا همسه
الدنيا بترتب صدف
وكل قلب وإحساسه
فجأه الطريق بينا بيقف
والحب بيجمع ناسه
كانت اغنيه وائل جسار شغاله في الكافيه تزامنا مع اعترافه اللي مكانش متوقع علي الاطلاق
ابتسمت بفرحه
بجد
بجد
و وانا كمان بحبك يا يزن ب بحبك اوي
قولتها وانا بقوم من مكاني وبقرب مني
همسه انتي يازفته أصحي ياغيبوووبه اصحي في زلزال
قومت اتنفضت من مكاني وانا بقف علي السرير وببص يمين وشمال بړعب
زلزال فين هو فين الزلزال ده انا مين انا فين انا ايه ا...
وقفت كلامي لما سمعت صوت حد بيضحك جنب السرير
بصيت لقيتها اختي واقفه وهي حاطه ايديها علي بطنها وبتضحك جامد
جزيت علي اسناني وانا پصرخ پجنون
ياحيوووووووووانه بتصحيني لييييه حرام عليكي الحلم كان عاجبني ياللي ربنا يبتشليكي بمصېبه
نطيت من علي السرير عشان اضړبها بس هي لحقت نفسها وطلعت تجري علي برا وهي بتضحك عليا
قعدت علي طرف السرير بحزن وانا بلوي شفايفي وبكلم نفسي بضيق
يعني كل ده كان حلم جات الحزينه تفرح ملقتلهاش مطرح!
دايما كل واحد فينا بيبقي عنده حلم نفسه يحققه في الواقع بيفضل طول الوقت يحارب ويعافر عشان أحلامه تتحقق طول الوقت تفكيره بيبقي منحصر علي أحلامه حتي وهو حاطط دماغه علي المخده في آخر كل يوم بيخطط ويحلم ويبتسم بمجرد بس ما يتخيل أن حلمه اللي طال أصبح بين ايديه!
وقتها العقل الباطن بيخلينا نعيش اللي
هو ده اللي حصل معايا
نمت وانا بفكر وبتخيل نفسي بطله من ابطال اي روايه رومانسيه قرأتها
نمت وانا بفكر في يزن مديري في الشغل اللي قلبي داب جوا قلبه من اول نظره
دايما بيراودني شعور ان هو كمان بيحبني زي ما حبيته
دايما بتخيله واقف قدامي بيتعترفلي قدام كل العالم أنه بيحبني وعايز يتجوزني
كل اللي حصل مجرد حلم
كان حلم طويل مليان احداث غريبه متمناش أنها تحصل
في الواقع إلا من الجزء الاخير اللي اعترفلي فيه بحبه
لسه لحد دلوقتي حاسه بالدفا اللي حسيت بيه في حضنه
لسه نبره صوته وهو بيقولي بحبك في ودني
اخدت نفس طويل وانا ببتسم ابتسامه واسعه وبفرد دراعاتي
ياااااه لو الاحلام بتتحقق
قومت من مكاني وخرجت من الأوضه لقيت بابا وماما واختي اللي هعمل منها شاورما سوري قاعدين علي الصفره مستنيني علي الفطار
كان يوم الاجازه بتاعتي
كل الناس بتحب يوم الاجازه عشان ترتاح فيه من تعب الاسبوع إلا انا !
ببقي عايزه اليوم يعدي بأقصي سرعه عشان اشوفه في اليوم التاني بحس أنه بيوحشني ببقي ملهوفه اروح بأقصي سرعه عشان اشوف عيونه اللي بتخليني في عالم تاني
ياصباح المشاكل
قالتها ماما وهي بتبص لبابا وبتضحك هي وهو ...
شمرت دراعاتي بابتسامه صفراء وانا بقرب من اختي
حافظين رقم الاسعاف ولا لا
حبيبه پخوف وهي بتقف علي الكرسي
اقفي مكانك لتولعي
وحياه امك!
ا احم هموسه قلبي ده انا كنت بهزر معاكي مالك قفوشه كده
مسكت معلقه وانا بجز علي اسناني وبهوشها بيها
بتهزري معايا انا كام مره حذرتك وقولتلك لما تيجي تصحيني متفزعنيش بالشكل
عدت علي صوابعها بتفكير مصطنع
يااااااه متعدش ياجيمي
شايف يابابا شايف بنتك اللي متربتيش
بابا وهو بيبلع اللقمه اللي كانت في بوقه
ماهي نفس تربيتك ياقلب بابا
حطيت وشي في الأرض بأحراج
بابا والله عيب كده وبعدين تعالي هنااااا
قولتها وانا بقفل عيني نص قفله وبقرب منه ببطئ
وكأني اسد هيصطاد فريسته
بلع ريقه پخوف
ايه مالك بتقربي مني كده ليه بعينك بعيينك تاخدي حته الفرخه بتاعتي اللي أنا سايبها من امبارح!
وقفت قدامه وانا بشده من قميصه
بقي بتبيعني في الحلم يابابا بتبيع بنتك وبتشدني كمان من شعري
فتح بوقه ببلاهه
انا يابنتي
لا وكمان بتتبلي عليا
ردت ماما ذهول وهي بټضرب كف فوق التاني
كل ده حصل لا حول ولا قوه الا بالله ايه الاب الجاحد ده
شوفتي ياماما شوفتي جوزك عمل فيا ايه
طب انا يا هموستي انا كان دوري ايه في الحلم
قالتها حبيبه وهي بتقضم قضمه من الساندويتش اللي كان في ايديها
بصيتلها وسكتت لحظه بتفكير
الاه!!
ايه
انتي كنتي فين صحيح ازاي متدافعيش عني
حبيبه بتفكير مصطنع
يمكن كنت نايمه
نايمه
رفعت أكتافها ببساطه
اه عادي نداء الطبيعه اي بني آدم بينام
قضمت قضمه كمان وهي بتمط شفايفها بسخريه
اكيد كان الوقت متأخر وانا بنام بدري
بصيتلها بقرف وانا بقعد علي كرسي جنب ماما
ماشاء الله ياحبيبتي دمك يلطش!
رفعت ايديها وهي بتحيي الجمهور اللي مكانش موجود من الأساس !
كل الشكر
بابا بجديه
همسه
نعم يابابا
في عريس متقدملك
فتحت بوقي ببلاهه وانا ببصله بذهول وبرمش بعيوني اكتر من مره
همسه
عايز تجوزني لواحد اكبر مني بعشرين سنه يابابا وليه عشان الفلوس عايز ټدفني بالحيا!
قولتها بنبره صوت كلها عياط وعيوني بتلمع بالدموع بالفعل
اول ما قالي الخبر مجاش في بالي غير الحلم وكل اللي حصل فيه
بالرغم من أن بابا استحاله يعمل كده!
بابا اللي كان في الحلم مختلف تماما عن الشخص الحقيقي اللي قاعد قدامي دلوقتي
بابا مفيش احن منه في الدنيا هو وماما
بابا اللي قدامي ضحي وعافر وتعب عشان راحتنا
بابا عمره ما حسسنا بالبرد ولا عدم الأمان طول ماحضنه بيسيعنا بكل حب وحنان
رد بعتاب وصدمه
ياااااه للدرجادي انا اب قاسې وحقېر واناني
حطيت وشي في الأرض بتوتر وإحراج
ا احم ا انا اسفه ا انا اسفه يابابا ب بس بس...
الحلم اللي كنتي بتحلميه مأثر عليكي مش كده
هزيت راسي وانا بعيط بصوت مكتوم
بالرغم من أنه كان حلم
لكن لحد اللحظه
ديه مش قادره انسي الۏجع اللي حسيت بيه وقتها احساس الظلم من اقرب الناس لقلبك حتي لو كان حلم مفيش اپشع ولا اقسي منه احساس
اهدي ياهمسه اهدي ياحبيبتي انتي عارفه اني عمري ما اقدر اغصبك علي حاجه مش كده
هزيت راسي وانا برد بصوت مبحوح
عارفه
طب متعيطيش عشان خاطري و ولو مش عايزه يزن انا ممكن أكلمه واقوله ميجيش
بعدت عنه پصدمه
ايه قولت مين
يزن
يزن يزن اللي انا بشتغل عنده
ايوه يابنتي هو لو مش حابه خلاص انا ممكن.....
قاطعته بلهفه وابتسامه واسعه
مش عايزه ايه يابابا ده انا هرمت من أجل هذه اللحظه اقسم بالله!
بابا بذهول ورفعه حاجب
هرمتي من أجل هذه اللحظه
رديت بهيام وانا بميل راسي علي كتفي
بحبه يابابا
كمان
كنت مندمجه ومبسوطه لدرجه مش حاسه بنفسي ولا باللي بقوله ولا باني بقول الكلام ده قدام بابا بكل بجاحه!
متابعة القراءة
