رواية ليتك تعلم ما في قلبي كاملة بقلم اماني السيد
المحتويات
سمحت يا ليان اقنعيها معايا ايه المشكله يا خديجه هو انت طالعه انت طالعه باللبس بتاعك وهتكوني محجبه كمان بالعكس ده انت هتشجعي الناس ان هي تلبس حجاب ده انت هتاخدي ثواب
المهم فضلت نور وليان يقنعوا خديجه لحد ما اخيرا خديجه رضخت ليهم وقالت لها تمام وراحت معاها لاوضه اللبس
في الوقت ده سليم راح عند زين ولقاه قاعد مع سلمى واتفاجئ
سليم ازيك يا زين عامل ايه
زين بص لسليم بصه معناها هنتكلم بعدين وسلم عليه وقاعدوا منتظرين العرض
داخل البروفات ارتدت خديجه فستان دهبى اللون من اسفل فى كڼار كبير من الجوبير
لونهالنحاس والاكمام فيها جوبير لونه نحاسي والطرحه لونها نحاسى وعليها تاج كبير لونه دهبي وكان منظرها مبهر جد وخطفت كل العيون وهى داخله المسرح يتبع
بدات نور بتقديم العرض الخاص للمحجبات واغلقت الانوار ما عدا انوار خافته وابتدي الظهور خديجه بذلك الفستان الرائع الذهبي المرصع بالماظات المائله للون الذهبى من يرى تلك الفاتنه التي ظهرت يجزم انها ملاك تجسدت في صوره بشړ عند ترابيزه زين
سليم بسم الله ما شاء الله ايه الجمال ده معقول معقول دي خديجه بالجمال ده
زين انتبه على كلام سليم وبص ناحيه المسرح وسرح في جمال خديجه ما كانتش متوقع انها بالجمال ده دايما متداريه تحت لبسها الواسع الكاجوال
سلمى بصت سلمى على الفستان بنبهار وقالت ايه ده واو ده جميل جدا انا لازم اشتريه
سليم على فكره يا سلمى ما اعتقدش انه هيبقى حلو على عليك كده زي ما هو حلو على خديجه انا لو انا ست زيكم هفكر مليون مره قبل ما اجيبه لانه مش هيطلع على حد حلو كده فاللى هتجيبه هتتعقد
سلمى على فكره يا سليم انت فاهم غلط وواضح جدا ان انت ما عندكش فكره اي موديل بتلبس فستان الفستان هو اللي بيحلي الموديل عشان كده دايما المصمم هو اللي بيكون الهدف مش الفستان الناس بتروح على اسم المصمم مش على اسم الفستان اي حد هيلبس الفستان هيبقى حلو عليه خديجه او غيرها هيبقى نفس الشكل الحلو والفستان مش الجسم ولا انت ايه رايك يا زين
زين كان قاعد متابع الحوار وشاكك ان سليم ممكن يكون معجب بخديجه بس هو عمره ما باين ان هو معجب بالحديدي قبل كده فاق من سرحانه على سؤال سلمى اللي ما كانش مركز معاه
اه يا سلام انا شايف ان الفستان حلو وان اي موديل هتلبس الفستان اكيد هيبقى حلو الناس دايما بتنبهر في التصميم لكن ما بينبهروش بجسم الموديل
وبعد نقاشات كثير حجز زين الفستان لسلمى ودفع فلوسه
زين اعتقد ان كده خلاص الديفيلي انتهى وان دي كانت اخر فقره هشوف كده نور وخديجه اذا كان هيروحوا معايا
واثناء حديثهم جت لين ونور وخديجة
سليم بكره يا جماعه السفر هتسافروا ازاي
زين انا عن نفسي اسافر بالعربيه عشان هكون محتاجها في مشاوير هناك وشوف لو في حد عايز يسافر معايا انا موجود
سلمى هتتاخروا هناك
زين غالبا هيكون اسبوع على الاقل وبعدين لسه هختار مين اللي هيقعد هناك وهيباشر بشكل مباشر ومين اللي هيرجع تاني
ركب زين وسلمى مع بعض عشان زين يوصل سلمى
سلمى زينو ما تخليني اشتغل معاك في الشركه انا كده كده فاضيه مش بعمل حاجه وبابا وماما كالعاده مسافرين اي نعم ماما نزلت وقت الحاډثه لكن اول ما بقيت كويسه رجعت سافرت تاني ها ايه رايك يا زينو
زين بصي خديجه كده كده شغلها هيقتصر في الشركه كمهندسه من ضمن فريق العمل الخاص بالانشاءات فبالتالى هلغى شغلها كسكرتيره وانا هكون محتاج سكرتيره خاصه الفتره الجايه ايه رايك تمسكى مكانها وهتكونى معايا فترة اطول
سلمى بجد يا
زينو شكرا اوى اوى يا حبيبي
زين سلمى هو انتم سبتوا شقتكم القديمه ليه وعزلته منها
سلمى الشقه القديمه دي يا زين كانت شقه تيتا وانا كنت عايشه معاها بشكل مؤقت لحد ما بابا وماما يرجعوا من السفر ولما عملت الحاډثه وماما رجعت فضلت قاعده معاها في الشقه الجديده وطبعا عشان الشقه الجديده اكبر وافضل تيتا هي اللي جات بعد كده وعاشت معايا فيها
زين تمام يا قلبى ادينا وصلنا
سلمى تسلم
يا زينو
عند الباقى ليان كان السواق منتظرها وروحت معاه وسليم قام بتوصيل نور وخديجة ووصل وصل نور الاول بيتها وبعد كده وصل خديجه واثناء مكان بيوصل خديجه فتح معاها كلام بخصوص السفر
سليم صحيح يا خديجه انا بكره مسافر وهيكون معايا مكان فى العربية لو حبيبتي تيجى
خديجه انا كنت مظبطه مع ليان انى اروح معاها شكرا يا بشمهندس
سليم عموما رقمى معاكى لو ليان غيرت رايها كلمينى
على فكره العرض بتاعك كان هايل جدا وكنتى رائعه
سليم شكرا يا سليم ده من زوقك
احنا وصلنا اهو حمدالله على السلامه
اثناء دخول سليم القصر وجد زين داخل بعربيته وخديجه سابتهم ومشيت من غير ما تبص على زين او تكلمه لانها محتاجه تقعد مع نفسها تفكر الاول بعد الكلام اللي سمعته اذا كانت هتعرف تكمل وتشوف زين كل يوم وهو شايفها بالشكل اللي قاله وعليها لسلمى هي محتاجه تفكر اكثر قبل اي تصرف متهور ممكن تعمله طلعت خديجه غرفتها وغيرت هدومها وصلت فرضها وعملت نسكافيه وفضلت تفكر هى عايزه ايه
حوار خديجه مه نفسها
انا حاليا محتاجه الشغل ده اولا لانه مناسب لظروفي سواء ماديا او معنويا لانه مجال دراستي وصعب الاقي فرصه زي دي ثانيا المرتب اللي باخده كويس جدا هيساعدني بعد كده لو حبيت اكمل واعمل ماستر او دكتوراه اي نعم شفتي لزين كل يوم بعد كلامه عنى اللي سمعته هيفضل مضايقني
كل ما اشوفه انما انا مضطرة لكده لحد ما الاقي حاجه ثانيه افضل وباذن الله بعد ما اجي من السفر هيكون في نظام ثاني فى حياتي محتاجه اهتم بنفسي اكثر واشوف نفسي اكثر بشكل عقلاني اشوف هقدر اعمل ايه واقدم شغل فى اماكن تانيه او استنى لحد المشروع ده ما يخلص عشان يكون ده حاجه كويسه في بتاعي
عند زين
دخل زين اوضته واخذ شاور ونام كان محتاج يفصل كان محتاج ما يفكرش ثاني يوم الصبح
خديجه كلمت ليان عشان تسافر معاها لكن ليان كانت مجهده واعتذرت منها عشان مش هتعرف تسوق
رجعت خديجه كلمت سليم وقالتله على ليان واتصل سليم بليان
سليم صباح الخير يا انسه ليان خديجه قالتلى انك مجهده وهتاجلى السفر عشان مش قادره تسوقي ايه رايك اعدى عليكى وتسافرى معانا كده مش هتبقى محتاجه تعملى مجهود
ليان صباح النور يا بشمهندس تمام خلاص انا معنديش مشكله عدى عليا اكون جهزت وخلصت انا كده كده مجهزه شنطتى
سليم تمام ساعه كده وخكون عندك مع السلامه
عند زين كان صاحى بنشاط كبير قام لبس ونزل وقابل خديجه
زين صباح الخير يا خديجه جاهزه للسفر معايا انا وسلمى
خديجه صباح النور يا بشمهندس لا حضرتك ممكن تتحرك انا خسافر مع سليم
زين طيب ليه منا العربية فيها اماكن كتير تعالى معانا بدل ما نمشور سليم
خديجه انا اسفه يا بشمهندس بس انا اتفقت هسافر معاه هو وليان ومش هقدر ارجع فى ملامى
زين تمام
اه صحيح كنت عايز ابلغك ان شغلك بعد كده هيكون في قسم الانشاءات لان فى سكرتيره تانيه هتيجى وركزى انتى فى الانشاءات ومرتبك هتاخديه كامل على الفتره اللى اشتغلتيها فيه
خديجه بثقه شكرا يا بشمهندس انك رفعت عنى الحرج لانى مش حابه اكون سكرتيره انا كنت موافقة بشكل مؤقت لحد ما الاقى حاجه مناسبه لوضعى كمهندسه
زين بصلها باستغراب بس معلقش كان فاكرها هتزعل
زين طيب تمام سلام يا خديجه نتقابل هناك
ايه رايكم يا ترى سليم بيفكر فى ايه وهل اعجب بخديجه ولا بحد تاتى
وصل كلا من زين وسلمى الى الفندق اولا ودخلوا غرفهم للراحه من عناء السفر ثم وصل
سليم والباقي وتم حجز غرفه ليان وخديجه مشتركه وانتظروا الوقت الغداء في الغرف للراحه واتفقوا انهم هيتقابلوا في المطعم وقت الغداء
جي وقت الغداء نزلوا كلهم وتجمعوا في المطعم ليان خديجه الاول وبعد كده سليم وزين وبعد كده سلمى واتفقوا انهم هينزلوا الموقع بكره الصبح ان شاء الله والنهارده هيقضوا في الراحه بعد الغداء زين وسلمى خرجوا واتمشوا شويه وسليم قرر انه هيفضل فى الغرفة يراجع التصميمات قبل البدا فى التنفيذ وليان وخديجه خرجوا هما كمان
بعد الغداء خرجت خديجه وليان للتسوق خديجه قررت ان هي هتغير استايلها نزلت اشتريت هدوم جديده تناسب الشغل
وتناسب نزولها الموقع ولبس للشركه وميكب يناسب باشترها وليان ساعدتها بخبرتها فى الميكب واللبس وليان كمان اشتريت لنفسها لبس جديد وميك اب جديد وبعد كده هم الاثنين راحوا مركز تجميل وعملوا ماسكات لبشرتهم وخديجه اتعلمت لفت طرح جديده تليق على بشرتها وعلى اللوك الجديد اللي هي عاملاه قضوا بقيه اليوم بره وبعدين روحوا الفندق تعبانين جدا من السفر ومن الشوبينج قرروا انهم ياخدوا شاور ويدخلوا ويناموا ويظبطوا المنبه عشان يرن ثاني يوم بدري ويلحقوا ينزلوا بدرى وميتاخروش
عند زين وسلمى زين كان مرهق جدا وخرجوا متاخروش بره قعدوا في كافيه وبعد كده اتعشوا وروحوا اخر اليوم الفندق وناموا وسليم كان طول اليوم في الغرفه نايم واحيانا بيراجع التصميمات
تانى يوم الصبح
ذهبت نور الى الشركه عشان في اجتماع هيراجعه اللي بتوزع عليها الموديلات بتاعتهم
نور صباح الخير يا شاهي
شاهى صباح الورد يا نور عامله ايه
نور الحمد لله هو مازن جه جوه ولا لسه ما جاش
شاهى لا بيجو من بدري ومعاه اجتماع مع نانا
نور مين نانا
شاهى هو انت ما تعرفيش الاكس القديمه بتاعه مازن كانت خطيبته وصاحبه ستور بس سابوا بعض من فتره عشان هى بتغير وهو عينه زايغه
نور طيب ايه استنى ولا اجى وقت تانى ولا ممنوع الدخول
اثناء حديثهم خرجت نانا ووراها مازن عشان يوصلها
نور بصت على نانا وبتقيمها نانا كانت بيضه وحلوه وطويلة وبشعر اشقر شبه فاطمه فى مسلسل مين اللي مايحبش فاطمه ولابسه فستان مبين اكتر ما بيدارى قطع تقيمها صوت مازن
مازن نانا دى نور صاحبه تصميم أغلبية الموديلات اللى اختارتيها فى الاستور بتاعك
نانا اهلا يا نور ازيك ذوقك حلو قوي يا نور اهنيكي على التصميمات انا كنت فاكره ان اللي عامله التصميمات دي حد محترف لكن زهلت لما عرفت من مازن ان دي اول مره ليكي بجد شابو
نور ميرسي ده من
زوقك يا فندم
نانا لا بلاش رسميات اسمى نانا على طول من غير القاب
عموما انا اتشرف بمعرفتك هستاذن انا بقى مع السلامه يا نور مع السلامه يا مازن
مازن مع السلامه يا نانا
لف لنور صباح الخير يا فنانه التصميمات بتاعتك مسمعه زى مانتى شايفه وستورز كتير انضمت لينا
نور ونانا ستور قديم ولا جديد
مازن لا نانا معانا من زمان من ساعه ما بدانا
نور اه طيب تمام كان في تصميم عملته امبارح كنت عايزه اوريه لك واخد رايك فيه
مازن تمام تعالي يلا معايا نتكلم في المكتب جوه شاهين اي حد يسال عليا انا مشغول دلوقتي
مازن كان قاعد مع نور وبيطول معاها في الكلام حابب يسمع اقتراحاتها وحابب يسمع الحماس بتاعها جدا يفكروا بنفسه شايف نفسه فيها ومستغرب قوي من الشبه اللي بينهم عشان عشان مازن كان كده في بدايته وكان بيدي نور صلاحيات اكثر من اي حد ومن ساعه ما بدا يتعامل معاها بقى حاسس بملل في التعامل مع اي حد غيرها بيكلمه حتى نانا الوحيده اللي كانت عاجباه بجد وكان فعلا هيرتبط بيها وتحقق النهارده انه هيقابلها في شغل بمجرد ان الاجتماع طول حس بملل معاها
بقى ڠصب عنه بيعمل مقارنه باي واحده بيكلمها ونور اشمعنا نور اللي بقى يتكرم كل البنات بيها فاق من سرحانه على صوت نور
نور هاي يا مازن ايه رايك في التصميم قررت ايه
مازن حلو قوي يا نور هنضيفهم على المجموعه الجديده اللي هنزلها الجاي اللي بنجهز لها من دلوقتي
نور طب تمام كده يا مازن انا كده خلاص خلصت انا هنزل اعدي دلوقتي على المصنع واشوف الشغل ماشي ازاي هناك واتاكد ان كل حاجه ماشيه تمام والتصميمات طالعه مظبوطه
مازن صح يا نور عايز اسالك سؤال شخصي هو زين ده خطيبك
نور على حسب
مازن نعم يعني ايه على حسب
نور ليه بتسال
مازن مش عايزه اعمل مشاكل بس هو امبارح جه وكان معاه واحده وحجز الفستان باسمها اسمها اسمها سلمى تقريبا وده كان اغلى فستان اتعرض واللي كانت عرضاه صحبتك واللي اعرفه ان سلمى مش قريبتك ولو زين هيشيل الفستان ده فين باب اولى ان هو يشتري لخطيبته لكن يشترى لواحده غريبه ليه
نور اللي اعرفه انه كان مرتبط زمان بيها واختفت مره واحده وانا اتفاجئت بيهم امبارح مع بعض ولسه ما اتكلمتش مع زين ما اعرفش ايه حكايته معاها رجعوا ثاني ولا ايه بس واضح ان هم رجعوا لبعض الا ما كانش جاب لها فستان جديد
مازن معنى كده بقى انكم مش مخطوبين
نور لا احنا مخطوبين بس بشكل عشان اعرف اشتغل واعمل اللي انا عايزاه كان لازم ارضخ لبابا وكان لازم ارتبط بحد فما كانش قدامي حد الجأ ليه غير زين عشان ما اكونش ارتبطت بيه كان هيخليني ارتبط باي حد ثاني وساعتها ما
كنتش هعرف اخرج ولا هعرف انفذ اللي انا عايزاه ولا اخد الكورسات اللى عايزاها وحطيت خطوبتي من زين قدام دراستي وشغلي لان هو كان مصمم ان انا ادرس هندسه انشاءات عشان اشتغل معاهم في الشركه بس انا درستها ڠصب ولما جيت اخد كورسات التصميمات كان رافض فحطيت خطوبتي قصاد الكورسات والشغل
مازن طب دلوقتي كده برجوع زين لسلمى انت وضعك هيكون ايه تفتكري باباكي ممكن يقعدك من الشغل تاني
نور سيب كل حاجه لوقتها اكيد زين مش هيتخلى عني في وقت زي ده ومش هيفشكل قدام بابا غير لما نلاقى حل
في شرم الشيخ تاني يوم الصبح صحي زين وسليم وخديجه ولين زين روح الموقع الاول سليم وخديجه وليان بعدين خديجه كانت لابسه بنطلون جينز بلوبلاك وتيشرت اصفر ساده وتحتيش شميز ابيض وطرحه صفراء وكحلي وكونفرس جينز وشنطه بيج بيج جينز خديجه كانت مندمجه جدا بالشرح على ارض الواقع لليان وسليم
سليم صباح الخير يا وحش
زين صباح الخير يا سليم كده خلاص باذن الله الشغل هيبدا النهارده
سليم اه ان شاء الله احنا كده
ظبطنا مع المقاولين و مع المهندسين اللي يشرفوا على المشروع في غيابنا والكباب باذن الله هتوصل النهارده والنهارده هيبداوا الحفر
زين تمام كده وبكره الصبح نيجي نعين الخامات اللي هتوصل ونشيك عليها قبل ما نمشي
سليم تمام الا قولى
يا صاحبي هو انت وسلمى كده خلاص رجعتوا لبعض
زين اه يا سليم المفروض ان احنا كده خلاص رجعنا لبعض تاني عموما دلوقتي مش هقدر اتكلم معاك في حاجه بالليل نقعد مع بعض كده ونتكلم براحتنا
زين صحيح يا سليم امال فين خديجه ما جتش معاكوا ليه
سليم سلامه الشوف يا زين امال مين اللي كانت واقفه مع ليان
زين نعم هى البنت اللى لابسه اصفر مع وكانت واقفه مع ليان دي خديجه بتاعتى قصدى بتاعتنا اللى معانا في الشركه المهندسه
سليم اه هى يا زين مالك
زين تنح وبص العربيه وراح في اتجاه العربيه وفتح الباب من ناحيه خديجه
ذهب زين لباب العربيه بتاعه سليم وفتح الباب من اتجاه خديجه
زين ايه يا خديجه هو انا مش مديرك ولا ايه
خديجه اه حضرتك رئيسي وباشمهندس سليم هو كمان رئيسي وانا جيت مع الباشمهندس سليم كنت واقفه معاه هو وليان واظن وجودي معاه يا يفى بالغرض خصوصا ان طول الوقت كنت بشرح للاستاذه ليان كل حاجه على الطبيعه حضرتك ما بلغتنيش اني لازم اجى ابلغ حضرتك انى جيت كنت فاكره انك شفتنى
زين طب ليه ما جيتيش عرفتيني انك جيتي اقفلي كنت محتاجه اسجل ملاحظه ولا اكتب حاجه ولا ابلغك حاجه المفروض تعرفيني يا خديجه
خديجه اعتقد ان حضرتك بلغتني اني مش هكون سكرتيره خاصه تاني واني هكتفي بعملي كمهندسه بس واضح ان حضرتك نسيت ده
زين طيب اتفضلي انزلي
خديجه ليه
زين هتركبي معايا عايزه اتكلم معاكي في موضوع بخصوص الشغل
خديجه فصلت ليان معلش يا ليان هروح مع باشمهندس زين عشان في حاجات محتاجني اعدلها في الشغل نتقابل بقى في الفندق
ليان اوكي حبيبتي ما فيش مشكله هستناكي هناك
خديجه اتفضل يا باشمهندس انا جاهزه
زين يلا بينا ركب زين وقعد مكان السائق وخديجه والكرسي المجاور ليه
تفتكري يا خديجه ليان رايها ايه في المشروع
خديجه بصيت له باستغراب بس هو ما اخدش باله
اكيد عاجبها يا فندم ولو ما كانش عاجبها حاجه في التصميمات كانت وضحت لنا قبل ما نبدا زي ما عملت قبل كده لكن بالعكس وانا بشرح لها النهارده حسيتها متحمسه جدا جدا للمشروع
زين طيب كويس جدا ان شاء الله نلحق نخلصه قبل الوقت اللي محددينه ليها
بقول لك يا خديجه اكيد ما فطرتيش صح ايه رايك نفطر سوا
خديجه شكرا يا باشمهندس انا لما اوصل ان شاء الله هفطر انا ةوليان مع بعض
لا افطري معايا في مطعم هنا حلو قوي باجي اكل عنده كل ما اجي شرم تعالي يلا نفطر هناك ونشرب فنجان قهوه
خديجه طب وليان
زين اعتذرى منها وقوليلها انك هتتاخرى عشان تلحق تفطر هيا كمان
خديجه اتصلت بليان وبلغتها انها مش هتفطر معاها ان هي عندها شغل متعطل مع زين وانهم يتغدوا سوا مع بعض وفي نفس الوقت اللي خديجه اتكلمت في مه ليان ليان كانت راكبه جنب سليم
سليم طالما خديجه اعتذرت كويس تعالي بقى نفطر انا وانت سوا في مكان حلو قوي بيعمل اكل حلو تعالي نروح انا وانتي نشرب لنا كوبايتين نسكافيه ونفطر هناك بيعمل مخبوزات طازه تجنن وريحتها تجنن
راح سليم وليان المطعم وفطروا هما الاتنين مع بعض وقعدوا في المطعم فتره طويله شربوا نسكافيه والكلام اخذهم عن طموحاتهم
وعن اللي سليم عايز يوصلوا وعن المشاريع اللي ليان عايزه تخش فيها تاني وتبداها ثاني واتكلموا عن طفولتهم وعن مامتهم وباباهم وقربوا من بعض
عند زين وخديجة
زين ايه رايك يا ديجا الفطار حلو
خديجه ما ركزتش خديجه مع كلمه ديجا اللي قالها لها زين وردت عليه قصدك الغداء هو في حد يفطر كبده وسجق لما نفطر كبده يا ترى الغداء هيبقى ايه فيشه وكرشه ولا كوارع وبمبار
زين يا سلام نفسي طبعا بس للاسف مش هنلاقي حد يعمله حلو هنا انا فاكر مره عملت لنا الاكله دي وكانت تحفه تعرفي اني من ساعتها مااكلتش الاكله دي ثاني خالص
ديجا ينفع لما نرجع القصر تعمل لنا الاكله دي تاني نفسي فيها قوي
خديجه حاضر اول لما نرجع هعملها لك تحب تاكل معاها حاجه تاني
زين والله انت ذوقك بقى يا ديجا
خديجه نعم
زين هههههههه اصل ديكي اسهل بكثير من خديجه في النطق بعد كده هقول لك يا ديجا على طول
خديجه بصيت له بطرفه عينها بس انا لسه ما وافقتش على فكره على الاسم ده
زين مش لازم توافقي المهم اني قررت تعرفي يا ديجا الفندق اللي احنا قاعدين فيه دلوقتي ده انا اللي مصممه وانا الاشرفت عليه بالكامل ساعتها كان بدايتي كان بدايه شغلي كان من اوائل الفنادق اللي انا صممتها وصاحب الفندق برده كان لسه شاب جديد وكان الفندق ده بدايه ليه برده زي فانا وهو كان عندنا طاقه غريبه للنجاح وكنا شغالين فيه بايدينا واسننا ما كناش بننام كنت انا وسليم ويوسف كنا شغالين طول الوقت كنا واخدينها تحدي لنجاحنا كنا عايزين نثبت نفسنا على واديك زي ما انت شايفه دلوقتي الفندق عامل ازاي يعتبر من افضل فنادق شرم
على فكره انا اتصلت بيوسف وعرفت ان احنا نازلين في الفندق بتاعه وهو قال لي انه جاي النهارده عشان نتقابل انا بقالى كتير ما شفتوش واهى فرصة
نتقابل
خديجه بجد بس الفندق جميل جدا وتصميمه جديد تحسوا انه مزيج كده من التصميمات القديمه الكلاسيكية على التصميمات المودرن يعني فعلا مبهر
اديني وصلنا الفندق اهو نتقابل بقى على الغداء ان شاء الله وهم داخلين الفندق قبل قدامهم يوسف
يوسف المنشاوى صاحب الفندق وصاحب زين
ازيك يا جو عامل ايه عاش من شافك اخيرا
يوسف بخير الحمد لله انت عامل ايه يا وحش ليك وحشه
زين بخير الحمد لله اقدم لك خديجه مهندسه معانا في الشركه شغليني هنا في قريه بنبنيها وهي المشرفه معايا انا وسليم على المشروع
يوسف اهلا يا بشمهندسه خديجه عامله ايه تشرفت بمعرفتك اتمنى المكان يكون عاجبك
خديجه الفندق رائع جدا شكرا لذوقك
يوسف صح يا زين انا بفكر افتح قريه سياحيه في الغردقه عندي ارض هناك على البحر بقى لها فتره شريها وراكنها بفكر دلوقتي ابنيها قريه سياحيه
زين وماله يا صاحبي مصمم لك احلى قريه في الغردقه اتعملت وهتتعمل هناك بس كده ده انت تؤمر
خديجه طيب استاذنكم انا هطلع ارتاح شويه بعد اذنكم
زين بقول لك ايه يا جو انا كمان هطلع ارتاح شويه ونتقابل على الغداء وسليم كان موجود يكون وصل ونتغدى كلنا مع بعض سلام يا باشا
يوسف تمام يا زين نتقابل على الغداء
ليان ايه يا خديجه اتاخرتى اوى خلصتي شغل
خديجه اه يا ستي خلصت كده
ليان تمام حلو قوي على خير ان شاء الله
خديجه صحيح يا ليان فطرتي ولا لسه معلش لقيت نفسي هتاخر كلمتك خفت تستنيني وما تفطريش
ليان اه فطرت انا وسليم قال لي
مش هنلحق نفطر في الفندق ففطرنا في الطريق واحنا جايين
خديجه بالف هنا
ليان وانت فطرتي ولا ما لحقتيش تفطري
خديجه اه فطرت انا والمشمهندسين كنا في الطريق وقال لي نفس الكلام مش هنلحق افطار الفندق وافطرنا بره
وقت الغداء جه ونزلوا كلهم سليم وزين ويوسف وخديجه وليان وسلمى خديجه كانت لابسه فستان ابيض عليه جاكيت جينز والطرحه زرقاء وسليبر ازرق كان مبين بياضها ولون بشرتها الحليبيه ليان كانت لابسه زيها بس الفستان لونه روز ومن غير طرحه سلمى كانت لابسه فستان ربع كوم ووصل لحد الركبه نزلوا كلهم المطعم ونظرات يوسف كانت محافظه خديجه لانها كانت مختلفه وجميله وسليم وزين اخذوا بالهم من محاولات فتح يوسف كلام مع خديجه والتقرب منها
يوسف اتمنى يا باشمهندسه خديجه انك تشتفي بنفسك على التصميم بتاع القريه بتاعتي بتاعه الغردقه مع زين
خديجه ما عنديش مشكله لو باشمهندس زين وافق ممكن امسكها معاه وحضرتك تقول لي ايه الشكل اللي حبه او عايز تعملوه او اللي في دماغك وانفذه لك على ارض الواقع
زين ايه رايك يا جو نخرج
احنا منها ونخلي خديجه هي تعمله لوحدها ونفتح لها شركه خاصه بتطلباتك انت بس
يوسف يا سيدي موافق وانا طول ههه هههههه
خديجه شكرا يا باشمهندس ده من ذوق حضرتك
يوسف يوسف اسم يوسف او جو ما عنديش مشكله لو شيلتى الألقاب يا باشمهندسه
طبعا طول وقت الكلام داير ما بين ليان ويوسف وخديجه وزين وسليم وسلمى ما كانتش لاقيه كلام تقوله في القعده
سلمى بس انا مستغربه يا زين ازاي هتمسك واحده زي اللي اسمها خديجه مشاريع مهمه وكبيره زي دي زي القريه اللي بتاعه ليان وزي القريه بتاعه يوسف
زين اولا هتيجي قالت افكار حلوه وجديده فيها روح شباب وعجبت ليان وعجبتني انا شخصيا واثبتت من شغلها انها تستحق الثقه دي
خديجه
اولا يا استاذه سلمى ما اسمهاش زي اللي اسمها دي انا اسمي باشمهندسه خديجه واللقب ده انا حصلت عليه بعد دراسه طويله ومشاريع تخرج عملتها وكنت ناجحه فيها بامتياز فاسمي هو باشمهندسه خديجه اللي تعبت عليه واتمنى ان احنا نحتفظ بالالقاب
سلمى انت فاكره نفسك ايه ازاي تكلميني كده اللي انت فيه ده بمساعده زين واهله لولاهم ما كنتيش وصلتى اللي انت فيه ده هما ادولك فرصه عمرك عمرك ما كنت تحلمي بيها لولو عطفهم وشفاعتهم عليك كان زمانك في حته تانيه خديجه
انا مش قليله اصل عشان انكر وقفه حد معايا بس ما كنش ببلاش وقفيتهم معايا ما كانتش ببلاش لو حد مفهمك انهم عملوا كده ببلاش يبقوا ضحكوا عليك انا دفعت ثمن كل حاجه الباشمهندس زين قدمها وما حدش ليه عاطفه عليا او شفقه عليا كل حاجه انا وصلت لها بمجهودي حتى الباشمهندسين اللي قاعد جنبك ما يقدرش ينكر كلامي ده انا كنت موجوده القصر بتاعهم كنت بشتغل طباخه وكنت باخد مرتب على شغلي عندهم مرتبي ده اللي كملت بيه تعليمي ودراستي مش ماشيه انا على قفا حد او بخلي حد يصرف عليا
سلمى قصدك
ايه
زين بس انت وهي في ايه انت نسيتوا نفسكم ولا ايه انتوا مش عاملين حساب لحد خالص
كده
سلمى انت مش شايف يا زين بتتكلم معايا ازاي
خديجه هو ده اللي ربنا قدرك عليه
زين خلاص انتوا الاثنين اسكتوا ما اسمعش صوت حد فيكم دلوقتي
سلمى لا طبعا دي لازم تعتذر لي
زين سلمى انا قلت ايه وبص لها بصه كتمتها
خديجه لا والله كثر خيرك بعد كل اللي قالته ده والموضوع هيخلص كده
زين انت عايزاني اعملك ايه اضړبها يعني عشان ترضي
خديجه لا ما تعملش حاجه انت عارف انا مش ندمانه على حاجه في حياتي قد ندمى دلوقتي لما سمعت كلام مامتك وجيت قعدت معاكم في البيت واشتغلت عندكم في القصر وبعدين اشتغلت معاك في الشركه بس ملحوقه تتصلح
سليم حاول يتدخل عشان يهدي خديجه خديجه ايه ده شغلك ما لوش دعوه زين مش لوحده في الشركه
زين قصدك ايه يا خديجه
ليان اهدى يا خديجه وتعالي نطلع فوق واللي انت عايزاه هيحصل
يوسف كان واقف متابع ومخڼوق قوي من اللي سلمى قالته وعملته مع خديجه ما كانش متخيل ان حقدها هيوصل لكده هو ارتبط بيها وسابها لما عرف حكايتها مع زين وهو كان شاكك فيها وفي اخلاقها ولما اختفت قال يمكن عقله وربنا هداها ما كانش متخيل الغيره تخليها تعمل كده مع خديجه وفي نفس الوقت كيف يتكلم يجرح صاحبه الصح دلوقتي انه يلتزم الصمت ويعرف زين من بعيد بشكل غير مباشر
زين اطلعي اوضتك دلوقتي حالا يا سلمى وما سمعش نفس ليكي تاني وبص لخديجه وخديجه سابته ومشيت وليان مشيت وراها
خديجه طلعت غرفتها ولمت الهدوم في شنطتها عشان تمشي وليان راحت داخله وراها الاوضه بتحاول تهديها
ليان اهدي يا خديجه اصبري بس نتكلم بالعقل
خديجه عقل ايه يا ليان الكرامه ما فيهاش عقل وانا استحملت منه كتير جدا على كرامتي انا لو حكيت لك هتستغربي ايه اللي مسكتني
ليان طيب بس المره دي هو ما عملش حاجه هي اللي غلطت
خديجه لا يا ليان انت مش فاهمه هو اللي مفهمها كده انا سمعته قبل كده قال لها الكلام ده وحكتلها اللى حصل في الديفيليه هي كده بتتكلم بلسانه
ليان طيب انت هتعملي ايه دلوقتي ناويه على ايه
خديجه هروح من هنا على القصر هاخد كل حاجتى ما هروح شقتي افتحها واقعد فيها وهدور على شغل في اي مكان تاني اكيد هلاقي شغل مش مهم نوعه ايه الشغل لكن اي شغل وخلاص
ليان طيب اقعدي بكره وهننزل سوا انا وانت وما تروحيش تاني للموقع ولا الشغل وانا هبلغ سليم انك سبتى الشغل والمشروع تمام كده ثانيا هتيجي تقعدي معايا في الفيلا انا اصلا قاعده لوحدي وبابا طول الوقت في الامارات ماسك الفرع اللي هناك
خديجه شكرا يا ليان بس انا عندي شقتي انا كنت قاعده عندهم عشان خاطر دي
كانت رغبه ماما ورده وانا بصراحه بحبها وما شفتش منها غير كل خير
ليان عارفه بس اكيد شقتك محتاجه تنظيف لان من الواضح انك ما روحتيش فيها بقىالك فتره تعالي اقعدي معايا الفتره دي وبعدين نشوف هنعمل ايه فيها
خديجه ماشي يا ليان هستنى لحد بكره ونمشي سوا انا وانت بس هطلع على القصر الاول اخد حاجتى اللى هناك
ليان خلاص اتفقنا
واثناء كلامهم الباب خبط وكان يوسف معاه اتنين من عاملات الفندق لانه كان فاكر ان خديجه لوحدها ولما لقى ليليان قاعده معاها خلى العمال تمشي
يوسف ممكن اتكلم مع خديجه
ليان اه اتفضل
يوسف بصي يا خديجه انا مش عايزك تزعلي
سلمى انسانه حقوده مش عايز كلامها يتضايقك او يقصر فيك في حاجه كل اللي قالته ده قالته من باب الغيره منك
خديجه منى انا ازاى
يوسف هي ما بتحبش حد يبقى احسن منها وهي شايفاك احسن منها واخده اهتمام الجميع بعقلك
تفضلي شغلك مع زين وسليم بالعكس انا حبيت اوضح لك حقيقتها عشان ما تضايقيش
خديجه شكرا جدا لكلامك يا استاذ يوسف
يوسف خديجه انا مش بقول لك كده عشان تشكريني انا بقول لك الحقيقه
متابعة القراءة
