رواية ليتك تعلم ما في قلبي كاملة بقلم اماني السيد
فى قصر يبدو عليه الفخامه تجلس سيده فى نهايه العقد الرابع ترتشف فنجان قهوه ويجلس بجوارها بنها يتابع بعض الاعمال من خلال الايميل وفجاءه تدخل خديجه بفرح تتجه الى تلك السيده وتخبرها ب
خديجه مدام ورده مدام ورده انا نجت جبت امياز مع مرتبه الشرف
ورده مبروك مبروك يا خديجه الف الف مبروك يا حبيبتى انتى تعبتى الايام اللى فاتت اوى مكنتيش بتنامي تستحقى النجاح انا فرحانه بيكى اوى وفخوره بيكى امال الله يرحمها لو كانت معانا كانت فرحت اوى زمنها دلوقتى حاسه بينا ومبسوطه
خديجه الله يرحمها
فجأه دخلت نور بصياح
نور يا اهل القصر يا اهل القصر يا ديجا يا ديجا يا ماما ورده باركولى باركولى انا نجحت نجحت اخير جبت جيد الحمد لله اخيرا خلصنا البركه فيكى يا ديجا انتى ساعدتينى كتير ربنا يخليكى ليا
خديجه الف مبروووووك يا نور اخيرا خلصنا الحمد لله حاسه انى خلاص شلت حاجه تقيله من علبا
واثناء حديثهم لم يلاحظوا من كان يتابعهم بصمت وفجأة توقف زين فى مكانه وعلامات الڠضب تعتلى وجهه نعم هو زين السالمى
فجاءه نظر لنور پغضب
زين خديجه ماتنسيش نفسك انتى قلتليها ايه نور ايه نور دى اسمها نور هانم ودى ورده هانم ياريت تاخد بالك بعد كده مش معنى انك اخدتى الشهاده يبقى تنسى نفسك وتنسى انتى هنا ايه حياتك الخاصه بره القصر ياريت ماتتعديش حدودك تانى وبص لنور
نور ماتنسيش نفسك انتى ايه وبنت مين وهى ايه هى هنا مش اكتر من طباخه وبعدين ايه جيد دى اللى انتى فرحانه بيها كان ناقصك ايه عشان متجبيش امتياز بقى ه تجيب امتياز وانتى جيد
سقف بايده وقال
برافو بجد برافو انا فخور بيكى صراحه
خديجه تجمدت العيون فى عيونها وتحولت من دموع الفرح الى دموع الحزن واخرجت الكلام بصوت مبحوح
انا أسفه الظاهر فعلا نسيت نفسى عن اذنكم هدخل اجهز الغدا وتركتهم وذهبت الى المطبخ
ورده تنظر الى زين پغضب ممكن اعرف ايه الل انت عملته ده
زين انت عارف انى بعتبر خديجه زين بنتى اللى مخلفتهاش ولو عندى ولد تانى مكنتش اترددت لحظه وجوزتهالو ايه اللى خلاك تعمل كده وتقولها كلام ذى ده ايه متضايق من الصوت كان ممكن تقوم وتدخل تقفل على نفسك المكتب زى كل يوم مانت طول اليوم قاعد فى المكتب اشمعنى دلوقتى كان ممكن تطلع الاوضه انا بجد مش لاقيه مبرر للى انت عملته ده ابدا انت المفروض تروح تراضيها بكلمتين وده امر من خديجه ل سابت القصر انت همشى مهاها سمعنى يا زين
تدخلت نور قائله
نور زين انت ليه عملت كده خديجه انسانه محترمه وحساسه فى الكليه عندنا بالرغم من انها لسه طالبه الا ان ليها كلمه والكل بيحترمها وبيقدرها وسمعتها طيبه ومعروفه بين الطلبه واى حد بيحتاج حاجه بتساعدو انا لولا انا كانت بتساعدنى وتراجع ليا مكنتش نجت اصلا وغير كده انت عارف كويس انى دخلت هندسه عشان رغبه بابا وانى مش متهميه بيها وانى انجح فيها واجيب تقدير انا كل اللى كنت عايزاه انى انجح واتهرج منها وخلاص مكنلوش داعى نهائي اللى انت عملته ده
سكت زين فتره ثم قال لوالدته
زين ماما انا مش هراضى حد ولو عايزه تراضيها راضيها انتى براحتك ممكن تجبلهة هديه او تزوديها فى المرتب بدل الاعتذار انا شايف ان الموضوع اخد اكبر من حجمه ف الكلام انا وقتى مش هقضيه كلام على واحده زى دى عن اذنكم
سابهم ومشى دخل الجناح الخاص به فى المنزل تسطح الفراش واخذ يراجع كلام والدته ونور ويتذكر كيف دخلت خديجه للقصر ومدى تعلق والدته بها وانها تعتبرها ابنتها وتحبها من يوم وفاه امها ومدى اخلاص والده خديجه فى العمل لوالدته ظل يتزكر تلك الاحداث الى ان غلبه النوم
استيقظ زين صباحا بعد تفكير طويل فى خديجه الليله الماضية وقرر ان يجعل خديجه تعمل معه حتى يستطيع اخراجها من ذهنه فهو يعتقد انه يفكر بها كثيرا بسس كلام والدته وخطيبته الدائم عنها وعن نجاحها وتميزها وعندما تعمل معه سوف يرى عيوبها مما يجعل تفكيره بها اقل فبهذه الطريقه سوف يتعامل معها بشكل اقرب ووقت اطول ولكنه ما يزال يفكر ماهو العمل الذى يعطيه لها وتظل تحت اعينه
واثناء شروده دخلت والدته
ورده صباح الخي يا زين
زين صباح الخير يا ماما
والدته الفطار جاهز يا زين مش هتنزل تفطر
زين حالا يا ماما هخلص لبس وانزل على طول
ورده زين قبل ماتنزل عايزه اكلمك فى موضوع
زين اتفضلى يا ماما انا تحت أمرك
ورده
ياريت يا زين تراضى خديجه البنت طيبه وبنت ناس و محترمه متستاهلش ابدا اللى انت قلتله انا امبارح دخلت عليها الاوضه اطمن زى كل يوم لكن لقتها
بټعيط مردتش اكلمها او احرجهة ملقتش مبرر للى انت عملته فسبتها ومشيت من غير ماتحس مايرضيش ربنا كده وغير كده عايزاك تشفلها شغل عندك فى الشركه هى ناويه تعمل ماجيستير واكيد هتحتاج فلوس كتير وهى بترفض اى مساعده حاول تشوفلها وظيفه بمرتب كويس
زين بينه وبين نفسه هو انتى بتقرى افكارى ولا ايه وبصوت عالى حاضر ياماما ان شاء الله هشوفلها شغل عندى فى الشركه بس حاليا معنديش اماكن فاضيه محتاجه تخصصعا استنينى تحت وانا هكمل فطار وانزل واحول ادورلها على حاجه فى تخصصها
فى الجهه الاخرى خديجه تجهز الفطار وهى تشعر بالحزن من كلام زين وطريقه تعامله معها فهى تحاول ان تتجنبه على قدر المستطاع حتى لا ېجرحها ولكنها دائما ما تجده يوبخها فهى تستحمل كل هذا بسبب حبها المخفى تجاهه تتمنى ان تراه وان يعاملها جيدا فهذا يكفى لها فهى ليست من حقها ان تحبه او تفكر فيه فهى تشعر بالذنب دائما وتستغفر من هذا التفكير ولكن دائما لقلبها رأى اخر
قطع شرودها صوت ورده
ورده صباح الخير يا خديجه عامله ايه انهارده
خديجه صباح الخير يا يا ورده هانم الفطار جاهز
ورده باستنكار ايه ورده هانم دى يا خديجه اخص عليكى انا استاهل كده برضو انتى هتسمعى كلام ابو رجل مسلوخه اللى فوق ده ده بيخوفوا بيه العيال اللى مبتشربش اللبن اقولك على حاجه عندا فيه بقى قوليلى يا ماما ورد ولا انتى مش معتبرانى زى ماما الله يرحمها
خديجه لا ابدا بس اااا
ورده مافيش بس اللى اقوله يتسمع
خديجه حاضر يا ماما ورده
ورده كانت تحمل عليه قطيفه باللون النبيتى ونادت على خديجه لكى تعطيها لها
ورده خديجه خدى دى يا حبيبتى
خديجه ايه ده يا ماما
ورده افتحى وشوفى
خديجه فتحت العلبه وكانت عباره عن سلسله طويله بها قلب بحرف ال مزين بالالماظ
خديجه ايه ده يا ماما دى حلوه اوى وشكلها غالى اوى
ورده دى هديه نجاحك يا حبيبتى مبروك عليكى
خديجه بس دى شكلها غالى اوى مش هقدر اقبلها
ورده بلاش الخجل ده يا خديجه انتى عارفه انتى بالنسبالى ايه ومافيش بنت بترفض تاخد هديه امها لو انتى فعلا معتبرانى كده مش بس كلام
ان ربنا عوضها بأم ز ورده وفى هذه الاثناء نزل زين وهو يتحدث بالتليفون
خرجت كلا من خديجه ونها من المكتب
فى مكتب السكرتاريه
نها تقوم بشغلها وتنظر لخديجه بتعالى ولا تهم بوجودها ولا تريد ان تعلمها الشغل
خديجه ممكن اعرف هتبدائى امته تعرفينى الشغل انا ممكن اساعدك على فكره
نهى پحده انتى مش شيفانى مشغوله دلوقتى استنى شويه
خديجه طيب انتى ممكن تدينى ملف من دول اراجه معاكى او ارقمه او اظبطت جدول الاعمال بتاع انهارده
نها نظرت لها پحده لا مقدرش اغامر واديكى حاجه تعمليها لوحدك ساعتها شغلى انا اللى هيبوظ وانا مش واثقه فى شغلط صراحه وبالنسبه لجدول الاعمال ده تخصصى حتى لو اشتغلتى مع زين بيه
خديجه بس بشمهندس زين طلب منك تعلمينى وانى اساعدك وانى أبدأ معاكى من انهارده اكيد سمعتيه وهو بيتكلم لانه قالك كده
نهى وانا قلتلك هخلص واديكى حاجه تعمليها يبقى تصبرى بقى
خديجه طيب ادينى قاعده مستنيه انا فاضيه عموما مش ورايا حاجه
خديجه جالسه بجانب نهى تنظر اليها وهى بتشتغل عشان تتعلم او تلقط منها حاجه من غير ما نهى تحس
ولاحظه ترتيب نها لشغلها وسرعتها ف استخدام الحاسوب فه لا تنكر ان نهى شاطره وسريعه فى شغلها ودقيقه وده خلى خديجه تحسن النيه اتجاه نهى قالت ممكن تكون بتعمل معايا كده عشان خاېفه انى ااثر عليها فى شغلها
بينما نها فى سرها بابتسامه جانبيه ابقى ورينى بقى شطارتك وهتتعلمى ازاى هبله انا اعلمك كل التفاصيل عشان اتركن وانتى تاخدى مكانى
واثناء انشغالهم دخل سليم واول ما شاف خديجه
سليم ايه ده معقول انسه خديجه ازيك عامله ايه وبتعملى ايه هنا
خديجه بشمهندس سليم ازى حضرتك انا الحمد لله انا هنا بتدرب على الشغل من نهى عشان هبدا اشتغل مع بشمهندس زين من القصر انت عارف انه كان بيدور على سكرتيره تشتغل من القصر فماما ورده رشحتنى ليه وهو وافق
سليم معقول عموما الف مبروك دى خطوه كويسه انتى كده هتاخدى خبره هتساعدك بعد كده
على كده بقى هنشوفك كتير الفتره الجايه هنا وفى القصر
خديجه ان شاء الله لو اتعلمت طبعا
نظر سليم لنها
سليم
نها علمى خديجه الشغل كويس عشان دى واسطه من ورده هانم شخصيا خدى بالك منها يا نهى
دخل سليم غرفه زين
صباح الخير يا زين بس ايه السرعه دى انا قلت هتعد كام يوم وايه اللى طلعها فى دماغك كده
زين صباح النور يا سليم عيب عليك يابنى انت بتتكلم مع زين السالمى برضو
سليم طيب ليه عايزها تشتغل معاك يعنى
زين حاجه فى مداغ كده متشغلش بالك
بيها انت ساعدتن الصبح وتشكر على كده
سليم طيب حبيت اعرفك ان واضح كده من شكل نهى انها مش طايقاها ومش عايزه تعلمها الشغل
زين سيبهم لما نشوف اخرتهم ايه ونشوف العبقريه اللى سابقه سنها هتتعلم ازاى
سليم بقولك ايه صحيح شفت ورق المشروع بتاع حازم الخديو التصميمات جاهزه انا ظبطتها امبارح وخلصتها عايزين نعد معاهم بقى و نشوف الدنيا فيخا ايه انا سامع ان دلوقتى بنته هى اللى مسكه الشغل كله
زين انا بفكر أعمل عزومه عندى الجمعه الجايه واع مهم وبالمروع اعزم طنت الفت وعمو
محمد عشان سليم تعزم بابا وماما ليه هتدخلهم فى المشروع هما كمام
زين لا بقالى فتره مشفتهمش وماما وحشتها امك او اهم يتسلو مع بعض واحنا نتكلم فى الشغل
سليم طيب خلاص هجهز الورق والتصميمات وابعتهملم عشان لما تعزمهم يبقى كل حاجه جاهزه
زين طول عمرك جاهز يا صاحبى
فى مكتب السكرتاريه
نهى انتى تعرفى زين بيه ومامته من امته انتوا قرايب او معرفه من زمان
خديجه باقتضاب ممكن تساليه خليه هو يجاوبك
نهى صمتت بغيظ وهى تفكر كيف يمكن ان تتخلص من خديجه فى الشغل
م
ر اليوم دون حدوث اشياء جديده سوى ان خديجه تعلمت كثير من الاشياء من نهى دون ملاحظه نها ممن تراقبها فى صمت لدرجه ان نهى شكت ان خديجه فقدت الامل فى انها هتتعلم منها ولا تعلم نها ان خديجه كانت تتعلم منها كل حركه فى صمت وفى نهايه اليوم خرج زين من المكتب وذهب لخديجه التى تجلس تراقب نها
زين خديجه وقت الانصراف جه يلا بينا
خديجه تمام انا جاهزه يلا بينا
رفضت انها تشتكيله من نها وتقوله انها رافضه تعلمها الشغل او بتتعامل معها بتعالى عشان ميظنش انها نت اول يوم بتشتكيله
بمجرد خروج زين وخديجه اتصلت نها بشخصا ما
نها اه فى جديد فى واحده انهارده جت مع زين ومشيت معاه برضوا جم وروحوا مع بعض
الشخص طيب متعرفيش مين دى او تقربلوا ايه
نها لا حاولت اعرف منها اى حاجه ومعرفتش وبرضو شكلها تعرف سليم كويس
الشخص طيب عينك عليها ولو فى اى جديد تبلغينى وحاولى تعرف علاقتها ايه بيهم فتحى عينك كويس
نها طيب حاضر مع السلامه
دخل زين وخديجه القصر وكانت ورده تجلس فى الردهه فى استقبالهم
ورده بابتسامه اهلا اهلا عاملين ايه ويومك كان عامل ايه فى الشغل انهارده يا خديجه
خديجه الحمد لله يا ماما كله تمام هخلص الغدا واحكيلك كل حاجه
ورده هو انا هستناكى الغدا الشغالين حضروه من زمان روحوا غيروا هستناكم تنزلوا ونتغدى على طول
خديجه بزعل مصطنع ليه كده يا ماما مستنتنيش ليه اجى احضره انا الظاهر كده انك مبقتيش تحبى اكلى
ورده لا ابدا يا حبيبتى انا استجرا برضوا بس لما تخلصى تدريب ابقى اعملى فى المطبخ اللى يعجبك
خديجه حاضر يا حبيبتى تسلميلى يارب
كلا من زين وخديجه زهبوا لغرفهم وانتهو من اللبس واجتمعوا على السفره
زين ماما صحيح يوم الجمعه الجايه فى عزومه غدا ان شاء الله
ورده عازم مين يا حبيبى
زين فى عميل جديد وبنته عازمهم هنا وسليم وباباه ومامته وعمى وبنته ونظر لخديجه وقال وانتى برضو يا خديجه اعملى حسابك انتى هتبقى معزومه معانا عشان هنتكلم فى الشغل وتاخدى بالك كويس من اى ملاحظات هيقولوها تسجليها مويس وتكتبيها على الاب وتطبعيها وتحطيها فى الملف مع ورق المشروع
خديجه خلاص تمام انا هاخد بالى كويس وهيجل كل حاجه
زين انا هطلع اريح شويه فى اوضتى ساعه كده واستنينى فى المكتب عشان نبدا شغل
ورده احكيلى بقى يا خديجه يومك كان عامل ازاى فى الشغل انهارده
خديجه مافيش حاجات كتير حصلت بس السكرتيره بتاعت زين دى ايه بومه بالرغم انها شاطره فى شغلها الا انها بتتكلم بتعالى وتكبر كده مش فاهمه ليه ولبسها ده كوم تانى هى لابسه ومش لابسه ومكنتش عايزه تعلمنى اى حاجه فى الشغل ومخلتنيش اعمل حاجع
ورده طيب انتى ناويه تعملى معاها ليه وهتتعلمى الشغل ازاى
خديجه انا حسستها انى خلاص فقدت الامل فى انها تعلمنى حاجه فى الشغل وهى صدقتنى بس انا اتعلمت كل خطواتها فى الشغل وتقريبا اتعلمت نص الشغل يعنى يومين كده وهبقى كانى
مولوده سكرتيره
ودره شاطره يا خديجه مايتخفش عليكى
اما عند نور وباباها صالح
نور تجلس على اللاب توب وبتبعت تصميمتها والسى فى بتاعها لاكتر من شركه ازياء عشان تشتغل معاهم ودخل عليها باباها
صالح نور زين كلمنى وعزمنا على الغدا يوم الجمعه
نور حاضر يا بابا انا فاضيه وهاجى مع حضرتك
صالح هو انتى وزين محددتوش معاد الفرح ليه لحد دلوقتي
نور زين دايما مشغول وانا مش هروح اعرض نفسى عليه واقوله والنبى يا زين تعالى اتجوزنى
صالح وماله لما تكلميه او تلمحيله ده ابن عمك برضو مش غريب وغير كده انتوا مستنين ايه الاول كنتى مستنيه تتخرجى واديكى اتخرجتى مستنيين ايه بقى لما يكون نفسه ولا لما يجه شقته انا مش
اهمه لازمته ايه التاخير
نور
صالح مستعجل ايه لا انتو اللى طولتوا اوى المفروض انكم كنتوا اتجوزتوا من زمان عموما ملحوقه ان شاء الله انا ليا معاه كلام
انتى قاعده مركزه اوى بتعملى ايه على البتغع ده
نور مافيش يا بابا انا كنت ببعو ال c v بتاعى والتصميمات لشركات ازياء ومستنيه الرد
صالح نعم ليه ان شاء الله من قله الشركات عندنا انتى عايزه التاس تقول علينا ايه مش لاقيين مكان عندنا نشغلها فيه كلمى زين وانزلى أبدأى اتدربى معاه ف الشركه بلاش لعب عيال
نور بعصبيه يابابا لو سمحت سبنى مع لعب العيال بتاعى ده للاخر خلينى اعمل حاجه بحبها من نفسى لو عايزنى اتجوز زين وأكمل معاه سبنى براحتى كفايه انى دخلت هندسه عشان دى كانت رغبتك رغم انى مش بحبها سبنى لو سمحت اهمل اللى مقتنعه بيه من غير ضغطت
صالح ماشى يا نور هسيبك مع انى مش مقتنع بس عشان مترجعيش تقولى بجبرك
نور ماشى يابابا شكر انا هنام دلوقتى تصبح على خير
صالح واناى من اهل الخير
فى مكتب سليم يتحدث فى الهاتف مع ليان
سليم سلام عليكم
ليان وعليكم السلام
سليم انا سليم الهوارى شريك زين السالمى من شرمه كنت بكلمك عشان نحدد معاد نناقش فيه تفاصيل القريه وتشوفى التصميم
ليان اهلا وسهلا استاذ سليم اتشرفت بمعرفتك
سليم الشرف ليا عموما زين كان عامل عزومه الجمعه الجايه لو فاضيين زين هيكلم والد حضرتك ياكد معاه ويعزمه بنفسه
ليان خلاص يوم الجمعه فاضيين وانا هكلم بابا وهنيجى ان شاء الله
مر اسبوع على الابطال دون حدوث اى جديد نها تتعامل مع خديجه بتكبر وترفض ان تعلمها الشغل وخديجه تتعلم الشغل دون ان تلاحظ نها وتعمل في القصر مع زين فى المساء وتراجع مع تعلمتهةمن نها
يوم الجمعه استعد الجميع للعزومه فى القصر
فى منزل سليم
سليم بابا خد ماما معاك في العربيه عشان عندى مشوار بعد ما امشى من عند زين
والد سليم ماشى يا ابنى هننزل انا وامك دلوقتى
سليم تمام اسبقونى وانا هجيب الورق واجى وراكم على طول مش هتاخر
واثناء ذهاب سليم بعربيته بالقرب من القصر اصتدم فى سياره أخرى ونزل غاضب جدا
سليم انا مش فاهم مبتفهموش فى الاشاره ومابتعرفوش تسوقوا بتتنيلو ليه تسوقوا
ليان ممكن تتكلم براحه ولو فى مشكله او خبطه هدفعلك تمنها بس تتكلم بادب
سليم نعم ياختى انتى هتعلمينى اتكلم ازاى انا اتكلم براحتى مش واحده زيك هى اللى هتقولى اتكلم ازاى اتعلمى السواقه الاول وبعدين قوليلى اتكلم ازاى ومتكلمش ازاى حطالى اشاره يمين وداخله شمال
ليان تصدق انك انسان مش محترم وانا بتناقش مع واحد زيك ليه انا همشى واعلى ما فخيلك اركبه
سليم انتى ازاى تتكلمى معايا كده انتى مش عارفه انتى بتتكلمى مع مين
ليان انت اللى مش عارف بتتكلم مع مين انا ماشيه
سليم صور ارقام العربيه عشان يعرف يوصلها بعد كده وركب عربيته وراح عند زين ومن داخله مستحلف ليان
سليم بينه وبين نفسه انا هوريكى تتكلمى معايا ازاى بعد كده
فى القصر زين وخديجه بيجهزوا الورق وبيراجعوا على التصميمات وخديجه شافت التصميمات وكان عندها بعض الملاحظات وخاڤت تقولهم لزين ليحرجها
زين خديجه مش عايز اى غلط انهارده وعايز تركيزك عالى واى حاجه او ملاحظه يقولوها تسجليها على طول مش محتاج افكرك تانى
خديجه انا جاهزه يا باشمهندش بس انا كان عندى شويه ملاحظات على التصميم بتاع حضرتك
زين بصلها وضحك بسخريه وقال تعديلات ازاى يعنى انتى عارفه ان تصميم القريه ده انا وسليم اللى مصممينه بنفسنا
خديجه التصميم حلو بس مافيش اختلاف فيه عن باقى القرى السياحيه غير الشكل بس
المفروض انه يكون فى حاجه مميزه عن غيره تخلى الناس تروح للقريه دى مخصوص عن غيرها انما الشكل كل واحده وليه زوقه وانا
منكرش ان التصميم مرسوم باحترافيه المفروض تخلى فيه حاجه انت تنفرد بيها فى التصميم
نظر لها زين مطولا ولسه هيتكلم دخلت عليه الشغاله
الخادمه زين بيه الضيوف كلهم وصلوا ومنتظرين حضرتك بره
زين اطلعى دلوقتى وانا خارج وراكى ونظر لخديجه ممكن تحتفظى برأيك لنفسك متنسيش انك سكرتيره بس
خديجه حاضر يا باشمهندس عموما انت الخسران كان ممكن تعمل حاجه مختلفه
زين خليكى فى حالك واتفضلى يلا
خرج زين وخلفه خديجه واستقبل زين الضيوف بترحاب
زين اهلا اهلا حازم بيه نورت القصر
حازم اهلا بيك يا باشمهندس زين القصر منور بناسه
زين انت شرفتنا يا حازم بيه امال انسه ليان فين
حازم زمنها على وصول هى عملت حاډثه بسيطه وزمانها جايه
زين الف سلامه عليها طيب انا ممكن ابعتلها حد هى بس تقولنا مكانها فين
حازم لا مافيش داعى اهى وصلت اهى
ليان اهلا اهلا باشمهندس زين شكرا لاهتمامك انا بخير الحمد لله وشكرا على العزومه
زين لا شكر ايه بقى ده اقل واجب اتفضلوا اتفضلوا
نظر زين اتجاه عمه
اهلا اهلا
عمى مصالح منور القصر
صالح ازيك يا ابن اخويا عامل ايه مبتسالش ولا بتزورنا مبقناش نشوفك غير فى المناسبات زى الغرب
زين ازاى بقى يا عمى تقول كده لانت محتاج عزومه ولا انا محتاج عزومه انت عارف مقامك عندى ايه من مقام والدى الله يرحمه بس انت عارف الشركه واخده كل وقتى ومشغول اد ايه
صالح ربنا يعينك يازين بس انت ابنى وبتوحشنى لما بتغيب
زين حاضر يا عمى مش هتاخر تانى
نظر زين لنور
ازيك يا نور عامله ايه هتفضلى مريحه فى البيت لحد امته مش هتنزلى تبدائى تدريب فى الشركه ولا ايه ماتنسيش انك شريكه فيها
ليان بس يا زين لبابا يسمعك انا مصدقت اقنعه انا قدمت في شركه ازياء وهما ردوا عليا وهروح بكره اعمل انترفيو وممكن اشتغل هناك
زين ليه يا نور تشتغلى بره وتدى فرصه لحد يتحكم فيكى وانتى ممكن تشتغلى فى شركتك
نور على فكره يا
زين انت بقيت تتكلم زى بابا ياريت نقفل على الموضوع ده وسيبونى براحتى
المهم انا عايزاك فى موضوع مهم جدا ياريت اكلمك بعد الغدا
زين خير يا نور عندك مشكله ولا حد مزعلك
نور بعدين يا زين لما نبقى لوحدينا بس عايزه اقعد معاك قبل بابا
زين حاضر يا نور يلا عشان نتغدى
واثناء حديث زين ونور دخل عليهم سليم
زين لسلسم
ايه يابنى اتاخرت ليهة
سليم عملت حاډثه مع انسانه مستفزه غلطانه وبتقاوح وبترد عليا
زين وانت عملت ايه
سليم سابتنى ومشيت وانا اخدت رقم العربيه وهجبها واربيها
زين طيب ادخل ونتكلم يعدين كلهم جوه وحازم وبنته جم كمان
دخل زين وسليم واڼصدم سليم عندما شاهد ليان وليان استغربت وجوده ولسه هتتكلم لقت زين اتكلم وعرف زين على حازم وليان
وقالهم يلا الغدا جاهز عشان نتغدى
جلس الجميع على السفره يتناولون الطعام واثناء تناول الطعام كان ينظر حازم نظرات اعجاب لورده والده زين لم يلاحظها غير صالح وكان فى قمه غضبه وحاول اخفاء غضبه
صالح منور يا حازم بيه صحيح ايه اخبار القريه اتفقت مع زين وشفت التصميمات ولا لسه
حازم لسه يا صالح بيه مشفتش حاجه بس عندى ثقه كبيره فى شغل زين باشمهندس زين شغله ڼار على علم
زين شكرا على ثقتك يا
حازم تمام يا زين بعد الغدا نشوف التصميمات
اثناء حديثهم لم يتكلم سليم او ليان مانوا ينظرون لبعضهم نظرات ناريه لم يلاحظها غير والده سليم
صالح صحيح يا ليان عملتى ايه انهارده حليتى المشكله مع الراجل اللى عملتى معاه الحاډثه ولا انتهيتوا على ايه
ليان وهى تنظر لسليم متفكرنيش يابابا ده انسان مستفز لما نشوف هيعمل ايه
والده سليم موجهه حديثها ليان
معلش يا حبيبتى حصل خير محدش يقدر يعملك حاجه مين يقدر يزعل القمر ده بس
ليان شكرا يا طنط ده من زوقك
والده زين وانى يا حبيبتى دارسه ايه
ليان اداره اعمال
والده زين بس انتى ما شاء الله عليكى شاطره فى الشغل انتى شبه ماما ولا بابا
ليان فى الشكل شبه ماما لكن واخده فى الطبع من بابا بحب الشغل زيه وبحب اعتمد على نفسى
والده سليم برافو عليكى دى حاجه كويسه انا برضو سليم ابنى بيحب يعتمد على نفسه هو اللى بنى نفسه بنفسه
امال مامتك فين مجتش معاكوا
ليان بحزن الله يرحمها ماټت وانا عندى ١٥ سنه
والده زين حبيبتى تعيشى وتفتكرى الله يرحمها ياريت تعتبرينى زى ماما انا كان
نفسى فى بنت بس ربنا ماردش بعد سليم تعبت جامد وشلت الرحم وانا حبيتك وهعتبرك زى بنتى
ليان احست بالخب اتجاه والده زين وابتسمت وقالت انا يكونلى الشرف طبعا
وتحدثوا كثيرا وكانت ليان سعيده بالكلام مع والده زين وانشغلت نور بالكلام مع ورده و خديجه مركزه مع زين وحازم وبتسجل كل كلامهم فى دماغها
وبعد فتره انتهوا من الغدا ودخل المكتب كلا من حازم وليان وسليم وخديجه وزين
بدؤا فى الحديث عن القريه وخديجه بدات فى كتابه الملاحظات ولم تترك شئ
زين ها يا استاذ حازم ايه رايك
حازم تمام انا معنديش اى ملاحظات لو ليان معندهاش يبقى ابداؤا التنفيذ
ليان معلش يا بابا عند عندى ملاحظات
زين اتفضلى يا انسه ليان
ليان انا شايفه ان التصميم كشكل مختلف لكن فى الاخر زيه زى غيره مافيش حاجه جديده تميز القريه بتاعتنا الساونا والجاكوزى والجيم والملاهى المائيه كل دول موجودين فى جميع القرى والفنادق عايزه حاجه جديده
نظر زين لخديجه وقالى لليان طيب انتى عندك فكره حابهة تضيفيها
ليان حاليا لا بس انا بفكر معاكوا بصوت عالى
خديجه انا عندى فكره جديده لو باشمهندس زين يسمح
زين نظر لها پغضب حاول السيطره عليه
اتفضلى يا انسه خديجه قولى فكرتك
فى هنا مساحه فاضيه مابين الجاردن والمطعم ليه منستغلهاش ونعمل كيدز إريا للاطفال احنا اه عاملين هنا مكان للعب الاطفال وحمام سباحه صغير مع حمامات السباحه
الكبيره بس الاهالى عمرهم ماهيسييوا ولادهم لوحدهم هيبقوا عايزين مرافق معاهم انا رايى نعمل كيدز اريا نحط فيها مشرفين للاطفال بحيث ان ممكن اهاليهم يسيبوهم ويخرجوا وهما مطمنين عليهم ونحط كاميرات فيها زياده اطمئنان للاهل مش كل الاطفال بتحب تنزل حمام السباحه وتبقى مبسوطه خصوصا الاطفال اصغر من ٤ سنين
ليان عجبتنى الفكره انا صحابى مابيعرفوش يستمتعوا بالمصايف بسبب ولادهم بيبقى نفسهم فعلا فى مكان زى ده حلوه اوى الفكره دى يا انسه خديجه
حازم عجبتنى برضه الفكره ياريت تعدلها يا باشمهندس زين
خديجه لسه فى فكره كمان
ليان باعجاب اتفضلى يا انسه خديجه سمعاكى
خديجةاحنا عاملين ٤ حمامات سباحه ليه منعملش واحد للمحجبات فى بنات كتير بتجمع بعض ويأجروا فيلا باسعار خياليه لمده يوم عشان يبقوا براحتهم فى حمام السباحه احنا لو عملنا حمام مغلق للمححابين هنضمن الرحلات دى لينا وغير كده فى ازواج بتغير على مراتتهم وبترفض تنزلهم الميه حتى بالمايو الشرعى عشان الميه بتخلى المايو يجسم جسمهم فبيطروا يا اما مايسافروش يا اما ماينزلوش لو احنا وفرنالهم المكان ده هنضمن مجى عدد كبير كمان
ليان واو حلوه اوى عجبتنى
سليم برافو عليكى يا خديجه افكارك هايله
نظر الجميع لخديجه نظرات اعجاب بما فيهم زين
حازم تمام على خيره الله يا باشمهندس زين ابدأ فى التنفيذ
زين تمام خلاص هنبدأ الاسبوع الجاى وشكرا يا خديجه على الافكار
حازم طيب نستاذن احنا بقى عشان عندى مشوار
انتهى الاجتماع و
انصرف كلا من حازم وينته وخرج معاهم سليم لايصالهم
زين استنى يا خديجه عايزك
زين استنى يا خديجه عايزك
خديجه فى سرها ربنا يستر
خديجه حاضر يا بشمهندس زيين
زين خديجه مش انا قلتلك تحتفظى بارائك لنفسك
خديجه بصراحه حاولت كتير لكن بعد ماسمعت راى استاده ليان مقدرتش امسك نفسى واظن ان الفكره عجبتكم
زين بص لخديجه فتره وقالها
بصى يا خديجه منكرش ان الفكره حلوه بس بعد كده متتكلميش غير لما تعرفينى الاول مش بحب المفاجات ومن بكره هتنزلى معايا الشركه هتشتغلى فى قسم التصميمات الهندسيه وهتكونى مسئوله معايا انا وسليم عن المشروع ده والمفروض اننا هنسافر الاسبوع الجاى وطبعا لازم تستعدى للسفر عشان هنعاين الارض هناك ونبدء فى التنفيد ومتنسيش انى حظرتك متتكلميش من دماغك تانى ساعتها هتشوفى وش تانى مش هيعجبك يا خديجه
خديجه خلاص حاضر بس ابقى اسمع رأيى مش هتندم متنساش انى مهندسه برضه صحيح بالنسبه لشغلى هنا كسكرتيره هسيبه ولا هكمل عادى
زين لا طبعا هنفضل زى محڼا اللى هيزيد شغلك بتاع الصبح وافتكر ان دى فرصه حلوه ليكى تثبتى انك مهندسه شاطره فعلا وقولا لسه هتبتسم فريده قالها ومتقلقيش مرتبك ده هيبقى غير ده يعنى هتقبضى مرتين
خديجه على فكره انا مش بسال حضرتك عشان كده انا سالت عشان ابقى عارفه حدود شغلى ايه وماثرش فى اى حاجه
زين ده حقك ولازم تكونى عارفاه
واثناء حديثهم الباب خبط ودخلت نور
نور ها يا زين لسه كتير انا محتاجه اتكلم معاك ضرورى وبصت لخديجه معلش ياديجا انا عايزه زين ضرورى فى موضوع مهم
زين خلاص يا خديجه روحى انتى احنا كده خلصنا شغل انهارده
خديجه سابتهم ومشيت
زين ها يا نور خير ايه الموضوع المهم اللى انتى عايزانى فيه
نور بابا يا زين عايزنا نحدد معاد فرحنا ونتجوز فى اقرب وقت
زين
طيب فين المشكله دلوقتى ولا انتى مش عايزه تتجوزى دلوقتى ولا بتفكرى ازاى
نور بص يا زين عشان ابقى صريحه معاك فى كدا سبب مش سبب واحد
زين اتفضلى انا سامعك
نور اول سبب اننا يا زين لسه مخدناش على بعض بالشكل الكافى اللى يخلينا ناخد خطوه زى د ى
ثانيا انا عايزه اشتغل واعمل حاجه لتفسى عايزه اثبت نفسى لنفسى الاول بعيدا عن بابا والشركه عايزه ابقى انا مش امتداد لحد ومش عايزه حاجه تعطلنى عن ده والجواز يعنى مسئوليه
ثالثا انا مش مستعده حاليا لانى اتحمل مسئوليه بيت واسره انا شايله مسئوليه نفسى بالعافيه هشيل مسئوليه غيرى ازاى
زين طيب ايه المطلوب منى
نور تتحجج لبابا بان انت حاليا مشغول ومش فاضى تحاول تاجل معاه باى شكل بس متقلوش اننا اتكلمنا مع بعض عشان مايجيش ويضغط عليا
زين خلاص يا نور انا هتصرف اطمنى وانا هظبط كا حتجه
نور بجد يا زين شكرا اوى
خديجه دخلت المكتب عشان تدى زين الملاحظات بعد ما كتابتها word وطباعتهم
زين استنى يا خديجه فى حاجه رجعتى تانى ليه
خديجه بتوتر حاولت اخفاؤه انا اسفه بس انا خبطت ومحدش سمعنى فدخلت عشان اسيبلك الملاحظات دى اللى حضرتك كنت طالبها منى وماكد عليا اكتب اى حاجه هيقولوها
