الأم العاقر بقلم ريناد يوسف
المحتويات
اتوحشتك قوي ياقناوي.. حاساك مسافر بعيد عني بقالك شهور ومستنياك تعاودلي.. عاود ياقناوي سمره قلبها داب من الشوق.
سمع حديتي ولف عليا ورد عليا من غير اي احساس
انتي عتقولي ايه ياسوسو ماني جارك اهه لا سافرت ولا اتغربت بقيتي تخربطي في الحديت ليه وتخلقي النكد من قلب الصفا
اني لا عخلق نكد ولا عحب النكد وانت خابر وعلي حس الخربطه ياقناوي اني اسمي سمره ودلعي طول عمره سمسم سوسو داي جات منين
عادي يعني.
انت تشوفها عادي.
وانتي بقيتي خميرة عكننه ولما اقولك إكده تزعلي.. اني قايم رايح انام حدا امي علي الاقل هتسيبني اتخمد ومش هتفضل ترط فوق دماغي.
له خليك.. مفيش داعي تسيل موطرح وفرشتك.. اني اللي قايمه ومهملهالك واصل.
رايحه وين
هعاود الغيط واكمل شغل فيه واروقلك الجو عشان تعرف تنام زين وتاخد راحتك وارحمك من رطي ونكدي.
قمت واني حابسه الدمعه بالزول
بالعافيه وطلعت من البيت قعدت عالمصطبه براه شويه واني حلسه الدنيا داقت فعيني وبقت كيف خرم الابره.. حتى اللي اكتفيت بيه من الدنيا وطلعت بيه من الايام وكنت عتصبر بيه علي بلوتي اتغير.. مبقاش هو وقلبه كل مادا يملاه الجفا من ناحيتي.. اني خابره انه ڠصب عنه واكيد شايل في نفسه بخصوص حكاية الخلفه.. اصلها صعيبه عالراجل برضك.. عذرته ودعيتله بالصبر والهدايه وابتديت اصبر روحي واهون على نفسي لغاية ماروقت وحسيت باني بقيت احسن وفجأه جه فبالي الخلخال بصراحه حاجه جوايه قالتلي متهمليش الموضوع اصل مرت عمي متعرفش وداد وبتها المعرفه اللي تخليها تشحتهم خلخال دهب يلبسوه وكمان لا ممكن تديهم الخلخال يعملوا واحد زيه وعشان إكده قررت اني استغل نومة قناوي واروح لبيت وداد وبتها واستقصى علي موضوع الخلخال ديه بنفسي اصل مرت عمي مهتريحنيش واني لو مفهمتش تجرالي حاجه.
رحت علي بيتهم ودقيته وطلعتلي سعاد والنوبادي هبت فيا اول مافتحت الباب وقالتلي
فيه ايه تاني ياسمره مقالتلك امي بطلت تبيع زبده وقالتلك كمان انها هتبعتلك خالتي بالزبده ولا هو انتي الموطرح اللي رجلك تاخد عليه تكرهي صحابه فعيشتهم
معرفتش ارد عليها بايه ولا ايه سبب الھجوم ديه كله عليا بس كل اللي فهمته إن فيه حاجه مزعله سعاد قوي وخصوصي لما امها طلعتلي وهي دخلت البيت تبرطم من الغيظ.
بس رغم ديه بصيت فيهم وكانت رجلها الشمال فبها چرح بسيط كيف مايكون حد شد الخلخال منها بالعافيه.
بصتلي وداد وقالتلي بهدوء
معلهش يابنيتي اعذريها جوزها لما سمع الخبط عالباب سمعها كلمتين واعرين واني قايلالك الصبحيه انه غريب ومعيحبش الناس
واللمه
سمره
معلهش ياخاله حقك عليا اعذريني اني جايه اسأل عن حاجه بس وامشي طوالي ومعدتش ههوب إهنه مره تانيه.
اسألي يابتي خير
. الدي كانت لابساه بتك سعاد الصبح.. جايباه من وين
تعالي بعدين شوفيه.
ضحكت واني سايفه الكدب فصوتها وعيونها وقولتلها
له مفيش داعي اصلا حدا صاحبته مش معاكم.. اني كنت جايه اعرف إيه اللي وصله ليكم والظاهر ان فيه طبخه كبيره قوي عتتطبخ بينكم وبين مرت عمي وموصلحه عتتاقل بالدهب.. علي كل
حسيت كلامي ليها خۏفها اكتر ومعرفتش ترد ولسه هلف وامشي لكني شفت حاجه غريبه خلتني اتسمرت موطرحي.
الحاجه داي كانت جزمه.. ايوه جزمه.. جزمه حريمي شفتها كانت في أوضة واني عنضفها من كام اسبوع ولما سألتها عليها قالتلي انها جزكتها جابهالها عمي من البندر بس مجتش على مقاسها وهتعاودها.. كانت جزمه حمره انجليزي ولونها عجبني وقستها جات على مقاسي بالمظبوط فقولتلها اني هاخدها منها هشتريها بدال ماتعاودها واديها
تمنها تجيب بيه وحده غيرها.. لكنها رفضت وخطفت من يدي
الجزمه ودستها في الدولاب وكان تصرفها عجيب مفهمتهوش وكتها بس قولت انه من كرهها ليا وغيظها مني.
لكن النهارده الجزمه والتنيين فبيت وداد ملهمش غير تفسير واحد ودعيت واني عرفع يدي احطها على قلبي إن اللي جه فبالي يكون غلط واكون موهومه..
لقتها اتنترت وقامت وقالتلي
عايزه ايه ياسمره مالك عماله تحرجمي وتلفي وتدوري حواليا من الصبح متقولي انك عرفتي وخلاص وفضينا من شغل المخبرين ديه قولي اللي حداكي وخلصي ويكون فمعلومك لو طولتي لسانك ملكيش حداي غير طولة لسان وقلة قيمه وضړب لو لزم الامر اني مغلطتش.. انتي عاقر وقناوي من حقه يتجوزها...
جريت عليها وقبل ماتكمل. عرفت سبب تغييره في الايام اللي فاتت وسبب تصرفاته معاي وبعده عني..
ضحكت بمراره واني عفتكر كلمتها.. انتي عاقر وقناوي من حقه... حقه..
وياترى مين اللي اداه الحق ديه.. هو صدق الكدبه اللي كدبناها سوا ولا ايه معقوله من كل عقله يتجوز تاني وبكل بجاحه يقول للناس اني عاقر!
توبقيش انانيه ياسمره وتحبيش روحك وبس حبيله الخير حرام عليكي تخليه يعيش وېموت بلا ذريه وتحرميه يشيل ضناه ويفرح بيه.
رديت عليها وقولتلها
ايوه صوح ياسعاد معاكي حق.. اني مينفعشي اكون انانيه.. اني لازمن احبله الخير ديه مهما كان واد عمي ولحمي ودمي.
خلاص يختي ربنا يسعدكم ويكتبله الخير معاكي وتجيبيله العيل اللي اني مجبتهوشي بس ليا حداكي طلب انتي وامك.. متعرفوش قناوي اني عرفت حاجه واصل.. مش عايزاه يزعل لزعلي ولا يراضيني ببعده عنك.. واني من اليوم وطالع هفرطله واخليه يجيلك اكتر من لاول بس لغاية ماتحبلي وبعدها تهمليهولي لحد ماتولدي عاد.. سامحيني مش هقدر اقولك نقعدوا فبيت واحذ مهتحملهاشي.. بس جايز مع الايام تهون وتوبقى سهله والقلب يتحملها يكونلهم امين ونربوهم سوا.
خلصت كلامي وختمته بضحكه صفره من ورا قلبي ولقيتها شالت يدها من وسطها وهديت وامها ابتسمت وردت عليا
عين العقل ياست البنات وصاحبة الاصول.. خلاص ياسمره ليكي علينا قناوي ميعرفشي وانتي وسعاد من اهنه . اباااي لو تعرفي كد ايه كنا خايفين من اليوم ديه اني وبتي وخصوصي وصت ونبهت الف مره انك متعرفيش وانك لو عرفتي هتخربي الدنيا وتخليه يطلق بتي.. بس طلعتي طيبه وغير ماكان قناوي وامه مفهمينا.
معلهش ياخاله هما عارفين اني عحب واد عمي ومتحملش حد يشاركني فيه بس ديه امر ربنا عاد وهو لا اتجوز عنطزه ولا فراغة عين.. ودلوك بالإزن منكم وسامحوني على مضايقتي ليكم النهارده.
لفيت عشان امشي لكن وقفتني سعاد وهي عتقولي
سمره.. سامحيني ومتزعليش مني.. عليم الله اني حاسه بيكي وبكوية قلبك بس كيف ماقولتي ديه امر ربنا.. ولو اللي هقوله ليكي هيبرد نارك هبابه... قناوي عيحبك ومفيش غيرك فقلبه سمره معجونه جوا قناوي.
ضحكت بحسره واني عرد عليها
متقلقيش..سمره خلاص عتطلع من جوا قناوي والنهارده ناداني بإسم دلعك انتي.. اطمني ياسعاد سمره وقناوي خلاص هيطلعوا من جوا بعض.
خلصت وجريت لبره واني كاتمه دموعي اللي بمجرد مابعدت اتفجروا كيف مي السواقي.. جريت عالارض وقعدت فيها ونمت واني حاضنه ترابها ودموعي عترويه.. حسيت انها هي الوحيده اللي هتحس بحالي.. وعلى قدر ماشربت من عرقي وتعب يدي هتفهمني وتفهم ۏجعي.. فضلت اراجع كل اللي كان بيني وبين قناوي ولقيت اني اديته كل حاجه وهو مقدرش ولا حاجه.
كان طول الوكت عامل كيف الارض البور لا عيطلع منه زرع ولا يتمر فيه تعب ولا يعترف بشقى.. بس اني كنت عميه مشايفاشي.
قمت بعد ماتعبت من البكا ومسحت دموعي وقعدت افكر فالخطوه الجايه هتكون ايه.. دلوك اي كلام مني هيتقال اني مكيوده وعهلفط من غيظي وقهرتي.. اني لازمن اتصرف بحكمه.. والحكمه عتقول القهر بالقهر والۏجع بالۏجع وقررت اعمل حاجه مع اني خابره ان ممكن يكون فيها مۏتي.
عاودت عالدار وغسلت وشي ملقتش قناوي وقولت فداهيه تاخده يغور موطرح مايغور ورحت طوالي على خالتي واللي كانت برضك فنفس بيتنا كانت في الموطبخ مع الحريم كلهم بما فيهم امي ومرت عمي بصيتلها وقولتلها
خالتي جهزي روحك عشان الليله هتاخديني انام تحت القطر وتلزيني من فوق التله.
الكل بصلي وامي قالتلي
وليه ياسمره مش خلاص يابنيتي الحكيم قال كلمته عاد وقولتي مهترمحيش تاني
له يمه هحاول وهحاول وربنا قال اسعى ياعبد واني اسعى معاك.. ومفيش حاجه بعيده على ربنا واللي عطى سيدنا زكريا وخلى مرته العاقر تحبل وتجيب سيدنا يحيي قادر يديني زيها.
طلبت منهم محدش يقول لقناوي غير بعد مانعاود عشان ميمنعنيش.. وجه الليل وخدتني خالتي ورحنا.. ونمت تحت وبقد الخۏف اللي حسيت بيه والخۏف اللي شفته طول سنيني من غير ذنب ولا سبب حلفت إنه يخلص من قناوي قهر وۏجع.. ورجعت عالبيت بعد مالزتني خالتي من فوق التله واتحملت واني عقول لحالي اخر مره ومفيش بعدها اوجاع.
وكد ايه كان ۏجع الجسم هين قصاد ۏجع القلب.
وعاودت عالبيت ولقيت قناوي مستنيني ووشه متلون بالڠضب وبمجرد ماشافني جه عليا جري ومسكني من دراعي وقالي
ليه ياسمره ليه فهميني
رديت عليه واني عيني فعينه
عحاول يمكن ربنا يريد ياقناوي.. اصل ربك لما يريد مفيش حاجه تستعصى عليه.
اسألها على حاجه بالكدب.. وبعد ماراحت نمت جار قناوي اللي كان هيتجنن وطول الليل يسألني عميلت إكده ليه واني لا راضيه اريحه ولا ارد عليه.
وعدى عاللي جرا ديه شهر بالتمام والكمال.. ٣٠ يوم.. وقفت بعدهم فنص الدار وبعلوا حسي رنيت زغروته ولما الكل اتجمع قولتلهم بفرحه
باركولي وقبل ماتباركوا صلوا عالحبيب.. بطني شالت عيل واخيرا هجيب الواد.. والعاقر اتفكت عقدتها
وبي عاود قناوي من على أول الشارع الناس بقت تباركله وهو مش فاهم حاجه لغاية مادخل الدار واتلقته امه بزغروته ومن بعدها قالتله
. مبروووك ياضي
عيني مبروك ياحشيشة قلبي.. اخيرا ربك اراد ومرتك حبلت وهتجيبلك الواد.
فتح قناوي خشمه واتلفت
حواليه وپصدمه سأل
مرت مين اللي حبلت
مرتك انت ياولدي.
قناوي
مرتي انهي
امي ردت عليه بضحكه
مالك ياقناوي
هي الفرحه لحست نافوخك ولا ايه كيف مرتك انهي طب وهو انت حداك غيرها مره وحده.. مرتك سمره.
ايه اللي عيقولوه ديه ياسمره
اللي سمعته ياواد عمي.. العاقر حبلت وربنا نصفها.
رجع مسك دراعي بقوه اكبر وقال
انتي عارفه ديه معناته ايه ياسمره
معناته اني حبله ياقناوي.
انتي كدابه.
اني مش كدابه ولو عايز تتأكد هاتلي الدايه.. ومش دايه وحده هات عشره هات ألف.. ولما الكل يإكدلك ويبصملك بالعشره اني حبله صوح ابقا صدق وكتها.. شديت يدي منه ومشيت من قدامه واني عقوله
عاذراك ياواد عمي وليك حق متصدقشي.. اني عن نفسي مكنتش مصدقه اني هحبل وبطني تشيل فيوم من ليام.. بس ربك الحق القطر جاب مفعول مفيش حاجه جابته قبله..
يتبع
الأم العاقر ٣
هملت قناوي ودخلت الاوضه وهو ساب الناس والهيصه والزغاريت وجه ورايا وكانت عيونه حمر شبه عيون الغول قولي اي حاجه بس الا انك حبله ياسمره.
هاه ياخاله مش حبله.. صوح
ردت عليه وهي عتطبطب عليا بحنيه
له ياولدي مولادها عمران وبطنها خمرانه وربنا عوض صبركم خير.. مرتك حبله ياقناوي افرح واحمد ربك واسجدله شكر وعرفان.
بصلي قناوي وتوازنه اختل وقعد على الدكه وهو عيهمس بۏجع
افرح
طلعت الدايه وبعد ماطلعت زادت الزغاريت في الدار وكل ماصوت الزغاريت يعلا هو يصم ودانه بأديه وفي النهايه وقف على حيله وجه عليا اتكلمي ياسمره بدال ماروحك تطلع فيدي.
حسيت ان الهوا خلاص ثواني ويتسحب من جواي وتتقطع انفاسي فصړخت صرخه عيقولي اني مش مصدق انك حبله واني عكدب عليه.
اسم الله عليكي يابتي اسم الله.. العين بسرعه دخلت وسطكم وعكرت فرحتكم.
ردت عليها امي
له وانتي الصادقه يام بدوي دا من كتر الفرحه مش مصدق حاله. معلهش ياسمره اعذريه ماهي فرحه تطبر العقل والله.
الكل بقا يتكلم ويقوله كلمتين ويخلقله اعذار وهو قاعد ساكت خالص هما عاملين الفرحه لجمته بس اني وهو بس عارفين سبب سكوته وان اللي جواه دلوك ميتوصفش.. كنت ابصله واضحك واحط يدي على بطني واعمل روحي فرحانه بحبلي.. لكن في الحقيقه اني كنت عضحك شماته فقناوي.. ايوه شمت فيه وفرحت لما دوقته من نفس الكاس وهليته يحس باللي حسيت بيه لما عرفت إنه متجوز عليا.. وكيف ماظلمني دوقته احساس الظلم والقهر وربطت اديه كيف ماربط اديا.. همستله واني شايفه عيونه هيطلعوا من محاجرهم
ولسه ياقناوي لسه ياواد عمي انت مشفتش حاجه ديه حاجه بسيطه من كيد الحريم وهوريك إن كيدنا عظيم ولو المره حطت راجل في دماغها عتوريه الويل.
ولدي كييبف واني معخلفش ومستحيل ولا يمكن اخلف ولدي كيييف واني عقيم معجيبش عيال.. انتي عايزه تجننيني ياسمره
وإهنه زحت يده بكل قوتي ورديت عليه بكل القهر اللي جوايا
ولما عارف حالك عقيم ومعتجيبش عيال
متابعة القراءة
