بيت العيله بقلم الكاتبة الست نور
اسكت متتكلمش تاني.
ليه هتمشي عليا كلامك كمان!
كنت مڼهارة وبحط إيدي على وداني مش عايزة أسمع كلمة كمان هو كان محتاج يتكلم وأنا كنت محتاجة أخليه يسمعني بس لا أنا قدرت أسمعه ولا هو قدر يكمل كلامه فوصلنا لحيطة سد!
أنا عايزة أطلق مبقتش قادرة أستحمل!
كنت مستنية تيجي تشكيلي من بدري.
ليه بتقولي كده
علشان كل البيوت بيحصل فيها مشاكل وأي اتنين متجوزين حياتهم بتبقى صعبة في الأول ومش فاهمين بعض وبيتخانقوا أكتر مما بيتصالحوا.
هو مش فاهمني وأنا مش قادرة أفهم تصرفات أهله وتدخلاتهم.
هو مش فاهم سبب خناقك وعصبيتك دايما لأنه مش قاعد مع أهله وشايفهم بيعاملوك إزاي.
دول أول ما ييجي من شغله بيكتموا ومش بيتخانقوا معايا ويعاملوني كويس.
شوفتي! وصلك كلامي ومستغربة هو ليه پيتخانق معاك لأنه شايف أهله بيعاملوك كويس وأنت بس اللي بتفتري عليهم.
شوري عليا بالله عليك أنا ملقتش أقرب منك أختي وسري قولت هتنصحيني لأنك اتجوزتي في بيت عيلة زيي.
اشتغليلهم في الأزرق.
أزرق!
يعني استقوي يبت كده ونشفي عضمك.
يعني أي مش فاهماك
ياحبيبتي بيوت العيلة كلها مشاكل إلا من رحم ربي يبقى يا تفتحي صدرك للمشاكل وتتعاملي يا تشيلي الهم والطين طول عمرك.
يعني أعمل أي
هقولك ...
يابنت اللعيبة ده حماتي كده برج من نفوخها هيطير.
البادي أظلم.
قفلت مع أختي وجوزي كان مشي بعد ما اتخانقنا طلع برا فلبست ونزلت لحماتي وأنا صوت كعبي على السلم كل خطوة والتانية يرن بيعلن عن إنذار بحرب جاية!
نكدتي عليه وارتحتي! كانت جوازة الندامة يوم ما جبتك بأيدي وجوزتك ابني.
أنا وجوزي وحرين مع بعض يا حماتي.
يعني أي! عايزاني أسمع خناقكم كل يوم وأسكت! إن حتى ما شاف يوم عدل معاك.
بسبب تدخلكم في
بتحسبني عليا في وشي!
أنا حسبنت في اللي عايز لينا الخړاب أنت أخدتي الكلام عليك ليه يا حماتي
أنت بتلفي وتدوري وقاصدة كل كلمة وراسك دي أنا هكسرها و...
لا عاش ولا كان اللي يكسرلي دماغي وقسما عظما اللي هيتدخل بيني وبين جوزي تاني لهكون متصلة ب أهلي وهتبقى أول وآخر رنة لأنهم مش هيرضوا ليا الذل ومعاملتك لأن أنا من البداية مرضتش أدخلهم بس موضوعكم مبقاش يتسكت عليه.
أنا اللي هتصل بيهم وهقولهم بنفسي ييجوا يشوفوا بنتهم وعمايل بنتهم.
وماله اتصلي! بس هتتصلي ب مين فيهم بابا اللي هو أخوكي ولا عمي ولا أخوالي ولا ولاد عمي ولا مين ولا مين يا حماتي عايزة تقطعي معاهم اتصلي.
كمان بټهدديني
أنا بنورك.
جبتي قسۏة قلبك دي منين وبقيتي شديدة كده أمتى
عمايلك وعمايل سلايفي السبب بس من النهاردة مش هخسر جوزي علشان أي حد واللي هيفكر مجرد تفكير ياخدني لبانة أنا وجوزي في بوقه ويمسكوا في سيرتنا يبقى فتح على نفسه ويستحمل.
مشيت من قدامها وهي لسة بتحاول تستوعب أنا أمتى بقيت شديدة كده وأمتى بقى كلامي كله قسۏة وعصبية وأنا جاية غلبانة وقطة مغمضة على حد كلامها بس يظهر إن البيوت وخصوصا المشاكل بتعلم فكان لازمهم وقفة على رأي أختي.
أمي أنت فين
أنا هنا يا قلب أمك.
ھموت من الجوع حطيلي غدا.
وقفت في نص السلم وأنا على سنجة عشرة ولابسة عباية من عباياتي اللي ملحقتش أتهنى وألبسهم وكنت حاطة ميكب خفيف ولفيت الطرحة أي كلام وأنا شعري مفرود على ضهري وحطيت إيدي في وسطي وناديته بكل دلع
غداك
في انتظارك.
ده أي الرضا ده كله
صفر ليا ك إعجاب وهو بيغمزلي وأنا بدوري اتكسفت
بس كده عيني يا أمي.
حسين جوزي ما صدق ولسة هيجري حماتي مسكته من دراعه
خد هنا رايح فين أنت ما صدقت!
لأ أنا مجهزالك الغداء هنا.
تسلم إيديك يا حماتي بس أنا النهاردة مجهزاله غدوة حلوة ترم عضمه مش أي أكل والسلام فتتعوض مرة تانية.
أها وربنا أنا هفتان.
لسة كانت هتمنعه بصيتلها بتحذير وهي سكتت أما هو أخد السلم في خطوتين وجه وقف قصادي فمسكت في دراعه وهو حاوطني وطلعنا لفوق سوا.
جهزتلك الحمام تاخد دش سريع لوقتها أكون حطيت الغداء لينا.
فوريرة ده أنا أمي داعيالي النهاردة.
أمك! طب يلا يا روحقلب أمك متتأخرش.
مسكني من طرف العباية من ورا بهزار
مالها أمي يولية
أمك! ده أمك أكيد نحلة علشان جابت العسل ده كله.
وأنا بعشق أمك.
أي ده! هو اللي حصل ده بجد المش محترم المنحط القمر اللي مفيش من أمه اتنين وهو مزقطط وفرحان والفرحة مش سايعاه طب والخلاف اللي بيننا طب والمشاكل كل ده بح بمجرد محاولة مني لتحسين الوضع.
ابني فين
بياخد دش.
طب ناديهولي عايزاه.
في الحمام مانا قولتلك يا حماتي بياخد دش.
هتمنعيني عن ابني يعني
لأ بحاول أدلعه مش قولتي إني منكدة عليه جاية ليه بقى
أنت بنت متربتيش و...
ششش لو طلع هصوت وأقوله أمك بتهزقني وتشتمني علشان جهزتلك غدا وبحاول أبسطك.
أنا معملتش كده.
بس بتحاولي.
يعني أي
يعني أجيبلك غدا من عندي تدوقي طبخي
لفت ومشيت وهي متعصبة وأنا قفلت وراها الباب وكان جوزي طلع من الحمام وهو ماسك الفوطة فسألني مين
لأ ده أمك كانت بتقول إنها هتتغدى هي وأخواتك وباقي البيت وأنت خليك معايا نتغدى سوا ولو عوزنا حاجة نبقى نبعتلها.
فيها الخير
أيوة طبعا أمك الخير كله.
طب أي فين الغداء أنا ھموت من الجوع
بعد الشړ عليك متقولش كده.
خاېفة عليا يوزة
ولو مخوفتش عليك أخاف على مين
ربنا يباركلي فيك يارب وحقك عليا لو زعلتك واتعصبت عليك إمبارح.
على فكرة أنا زعلت منك بس قولت ميهونش عليا نتخاصم وصحيت بدري أجهزلك الغداء.
وأنا ميهونش عليا زعلك وآدي راسك أبوسها.
باس جبيني وأخدني من إيدي وقعدني جنبه ناكل سوا فبدأت ءأكله بإيدي وهو لما لاحظ إني مأكلتش بدأ يأكلني هو وسط ضحكنا وهزارنا لأول مرة تجمعنا ترابيزة أكل بدون مشاكل وخناق وحد يدخل يقتحم خصوصيتنا وينكد علينا عيشتنا.
اتفضل الشاي.
اااه كنت محتاج أحبس والله بعد الأكل العظمة ده.
عجبك الأكل
إلا عجبني ربنا يدومها نعمة يارب ويباركلي فيك.
ويباركلي فيك يارب يحبيبي.
عينيك فيها كلام.
لأول مرة يقرأ عيوني والكلام اللي فيها يظهر إن لما البال يبقى صافي والبيت خالي من المشاكل القلب بيهدأ ويقدر يشوف عيون حبيبه بل ويقرأها كمان.
ممكن نبقى نسكت
نسكت
لما تتعصب اسكت متتكلمش وأنا لما أتعصب هحاول أعمل كده لما تسكت مش هعاتبك على سكوتك بالعكس هحترمه لكن لما تبقى متعصب وتتكلم فأوقات بتوصل للغلط والغلط بېقتل أي
محبة وعشرة مهما كانت قوتها.
يعني مشكلتك مع كلامي
مشكلتي مع نوع الكلام وقت الڠضب.
حاضر.
بجد
أها والله عنيا حاضر لو ده هيريحك هحاول أعمل كده ولو أنا كل يوم هرجع البيت ألاقي الوش الحلو ده وهو مبسوط وراضي فأنا أعمل أي حاجة علشانك.
حاجة كمان!
هي أي
متتدخلش بيني وبين أمك في أي مشاكل عايزاك تتدخل في إنهم ميتدخلوش بيننا بس مش عايزة حد ېخرب علينا ويرجعوا أوضتهم يقفلوا بابهم عليهم وأنا وأنت بيننا وبين بعض ألف حيطة سد.
بس
وإحنا مستغنيين أنا وأنت نحل سوا ليه دخل حد بيننا لا أهلي ولا أهلك ولا أي حد
