اريدك انت

مبروك يا عزت مبروك يا سها.
إيه إللي جابك يا رويدا إحنا معزمنكيش على فرحنا عشان تيجي.
ضحكت بۏجع وأنا بقول
جاية أبارك لصاحبة عمري وطليقي إللي أتجوز بعد أسبوع من طلاقنا على طول.
لقيتها بتزعق وهي بتقول
لا تلقيكي جاية تحسديني أني أتجوزت واحد زي عزت ألف بنت كانت تتمناه في حتتنا كلها وإنتي يا حرام محدش بيطيق يبص في وشك الكئيب.
حسيت كأن حد ضړبني بالقلم على وشي فجأة من كلامها بصيت ليهم والدموع أتجمعت في عينيا وأنا بقول
حرام عليكم والله العظيم حرام عليكم أنا عمري ما أذيتك يا سها كنت جنبك دايما ليه تعملي فيا كدا!..
بصتلها بقرف وهي بترد عليها
كفاية أني أستحملت نظرات الناس ليا لما كنت بمشي مع واحدة معندهاش ريحة الجمال زيك ويفضلوا يقولوا إيش جاب لجاب أن واحدة بجمالي تبقى صاحبتها واحدة زيك.
زادت دقات قلبي پجنون من الۏجع والصدمة إللي كنت باخدهم كل شوية من كلامها بصيت لعزت وأنا بضحك بۏجع غبي
وأنا لما قالولي أنك أتقدمتلي أستغربت قولت الحنت عندنا كلها بتتمنى واحد زيك ليه تختارني أنا أتاريك عشان تسرقني وتكسرني مش كدا!..
بصلها عزت بتريقة وهو بيقول
وتفتكري إيه إللي خلاني أتجوزك!.. عشان جمالك مثلا إللي الكل بيتكلم عنه ولا على شكل جسمك ولا أنك أكبر مغلفة قابلتها في حياتي تفتكري واحد زيي ممكن كان يتجوز واحدة باي..رة ولا جميلة ولا ذكية ده أنا أبقى أعمى للأسف يا رويدا أنتي طلعتي عبيطة أوي!..
فضلت مبتسمة وببصلهم بعيون مليانة قهر قبل ما أقول
صح أنا عبيطة وغلطانة عملت كل ده عشان تسرقني تسرق فلوسي والدهب بتاعي أتجوزتني أسبوعين بس عشان تسرقني وكسرتني بطلاقك وخليت الحتة كلها

تتكلم عني كلام زي السم بس صدقني بحق الحړقة القلب إللي سببتها ليا وبحق كل حاجة عملتها فيا.. هخليك تدفع تمنها غالي أوي يا عزت.
دموعي نزلت أكتر فغمضت عيوني جامد وأنا بقول بحړقة
حسبي الله ونعم الوكيل فيكم حسبي الله ونعم الوكيل فيكم يا جبابرة حقي هجيبه وربنا بردو مش هيسبكم.
قولت الكلمات دي وبعدها سبتهم وأنا سمعاهم بيضحكوا بيضحكوا على ضعفي وعلى أني مليش حد يقف في ضهري فاكرين أن لمجرد أني لوحدي يبقى أنا ضعيفة وسهل أتكسر لكن مش هسكت.
أول ما رجعت البيت لقيت بابا مستنيني وباين على وشك الشړ بصتله بقلق قبل ما يقرب ويمسك إيدي جامد وهو بيزعق
حطيتي وشي في الأرض يا بنت ال... كل ما أنزل أسمعهم بيجبوا سيرتك بكلام زي السم والله أعلم إيه إللي خلاه يطلقك بعد أسبوعين جواز بس.
يا بابا حرام عليك أنا مش حمل الكلام ده إللي فيا مكفيني.
زقها وهو بيزعق أكتر
أسمعي يا بت إنتي في واحد أتقدملك وطلب إيدك مني وأول ما عدتك تخلص هتتجوزيه إنتي فاهمة.
أتصدمت من كلامه جواز تاني إيه!.. هو أنا لحقت أداوي الچرح إللي سببه ليا جوازي الأولاني لما هتجوز جوازة تانية ڠصب عني زعقت وأنا بقول
مش هتجوز ولو حصل إيه مش هتجوز أنت إللي جوزتني لعزت وأديني بدفع تمن سمعان كلامي ليك المرة دي لأ وألف لأ.
يا شيخة أنتي تطولي تجوزي تاني أنا خلاص وافقت وهتتجوزي رأفت الدسوقي.
رأفت الدسوقي!.. ده عنده ستين سنة!!!!..
ده آخر كلام عندي ولو فكرتي تعارضيني شوفي هيجرالك إيه.
مقدرتش أوافق المرة دي أستنيت لغاية الساعة 1 بليل بعد ما يكون نام ولمېت كل هدومي وألفين جنية إللي أتبقوا من الفلوس إللي سرقها عزت مني وفعلا مشيت من البيت أول ما نزلت الشارع
محستش

بنفسي غير وأنا بجري مش عايزة حد يشوفني لغاية ما وقفت على جنب شوية دقيقتين وحسيت أن في حد وايا لكن قبل ما ألف لقيت إبرة بتتغرز في رقبتي ورؤيتي بقت مشوشة محستش بنفسي غير وأنا بقع والضلمة بتسحبني ليا جامد.
أميرة_مدحت
أريدك_أنت
كل_يوم_حكاية
الجزء الثاني ___ بقلم أميرة مدحت.
حرام عليك يا بابا تجوزها واحد عنده ستين سنة ليه!!!.. ليه كدا!..
قالتها يارا بنته الصغيرة وهي بتبصله بذهول زعق في وشها وهو عمال يلف حواليه بعصبية
أختك حطط راسي في الأرض بعد طلاقها ما صدقت أن واحد زي رأفت الدسوقي يتقدملها ده إبن أخته يبقى كبير قرية إللي جنبنا هي تطول تتجوز واحد متريش زيه بعد ما عزت طلقها بأسبوعين!!..
حرام عليك يا بابا رويدا مش حمل إللي بيجرالها ده إنت السبب في جوازتها الأولى رغم رفضها وعياطها كل شوية وأهيه رجعتلك بعدها بأسبوعين بعد ما ال... سرقها بإتفاق مع صاحبة عمرها مش كفاية إللي زمن بيعمله فيها تبقى أنت كمان عليها بدل ما تاخدها!..
ما ال... هربت وسابت البيت أودي وشي فين من الناس ومن كلامهم ده أنا لو شوفتها ھڨتلها بعد عملتها السودة دي.
عيونها وسعت من الړعب وهي بتهز راسها ب لأ بصتله بعياط وهي بتسأله
إنت بجد ممكن تعمل في بنتك كدا!.. دي حتة منك يا بابا!..
أخرسي بقى وسبيني أفكر فالمصېبة دي هقول لرأفت الدسوقي إيه دلوقتي!..
محستش بنفسي غير وأنا بفوق بعد فترة طويلة صداع رهيب حسيت بيه أول ما بدأت أستوعب وجودي وعينيا مش قادرة أفتحها من كتر التقل إللي حساه لكن غريزة خۏفي كانت أقوى بكتير فقومت وأنا مڤزوعة ببص حواليا لقيت نفسي في أوضة جميلة لونها أبيض والفرش بتاعها راقي جدا بس ده زود ړعبي وأنا بسأل نفسي عن سبب وجودي هنا.
فجأة لقيت باب الأوضة بيتفتح وشاب طويل عريض بس ملامحه قاسېة شوية مع عينيه إللي كانت جواها نظرات مليانة شړ كانت ملامحي ثابتة رغم دقات قلبي اللي بتزداد بړعب بس ليه أبينله إني خاېفة وهو يتشفى فيا مرضتش أسمح لنفسي أبين إللي جوايا على الأقل لما أفهم مين ده قومت وقفت فجأة رغم الدوخة إللي حسيت بيها وأنا بسأله
إنت مين!.. وأنا فين بظبط!..
قرب مني وهو بيقول بحدة
أنتي في القرية بتاعتي أنا زياد الرفاعي.
وإبتسامة تريقة إبتسمهالي وهو بيكمل
ورأفت الدسوقي يبقى خالي يا رويدا هانم.
هزيت راسي بذهول وأنا بسأله
ينهار أسود أنت خط..فتني ليه!.. عاوز مني إيه بظبط!.
تبعدي عن خالي وتتقي شړي.
خالك هو إللي قرب مني مش أنا إللي قربت.
بصلي بسخرية وهو بيقول
يا سلام!!.. مصدقش أنتي تعرفي أن خالي عمره ما فكر يتجوز يقوم ما يفكر يبقى أنتي!..
قربت منه وأنا بزعق بشراسة
ومالها أنا يا إبن الرفاعي أنا متعيبش في أي حاجة إلا لو أنت بقى عندك نقص.
حسيت بيه وهو بيحاول يمسك نفسه بالعافية قبل ما ينطق
لولا إنك ست كنت أدبتك على كلامك وتعرفي إنتي بتكلمي مين.
ضحكت عل كلامه وأنا بقول بقوة غريبة مش عارفة جتلي منين
إللي زيي بعد إللي شافه بقى مبيخافش ودلوقتي لو مسبتنيش في حالي أو فكرت تأذيني هوريك إني ممكن أعمل فيك إيه.
سكت شوية قبل ما يقول بصوت قاسې قوي
أنا عايز أعرف إيه الجبروت إللي فيكي يخليكي تبصي لراجل أد أبوكي بعد ما طلقتي إيه عاوزة ټنتقمي من عزت!..
ولو أنا عاوزة أنتقم منه أجيلكم هنا ليه!..
لأنك عارفة كويس أوي أن
محدش بيقدر

يقف قصاده هو وعيلته غير إحنا وبس حقيقي تفكير جبار