ازاي جبت شلل لحماتي
ازاي جبت شلل لحماتي؟؟؟
تقول صاحبة القصة:
عندي حساسية من المكسرات شديدة جدًا.. حماتشي باتريشا عارفة المعلومة دي كويس أوي.. بس دايمًا بتقولي إني بكبر الموضوع عشان اخلي نفسي مميزة وسط الناس.. وإن على أيامها محدش كان بيجي له حساسية..
قبل أول عزومة في بيتها قولت لها على الحساسية واديتها قائمة كاملة بالحاجات اللي مينفعش أكلها والا أشربها بس برده هي قدمت براونيز بالمكسرات كحلويات بعد العشا.. ولما حسيت برد فعل الحساسية حقنت نفسي بسرعة قبل ما الموضوع يتطور.. ف حماتشي قعدت ټعيط..
كان المفروض أهرب وقتها.. بس أنا للأسف معملتش كده.. واتجوزت ابنها مارك.. الأمور بقت تتطور للأسوء.. في الفرح بتاعي باتريشا كلمت منظم الفرح عشان تطلب منه يغير الكيك ويحط فيها حشو كريمة بندق.. لو أنا ماكنتش براجع مع المنظمين ومع الخباز.. كانت هتخرب يوم الفرح تمامًا باللي ممكن يحصل لي..
لما واجهتها قالت لي إنها بس كانت عايزه تعمل حاجة مميزة ليوم فرحي.. وإني ناكره للجميل.. مارك ماكنش عنده اعتراض على كلامها وقالي متزعليش الأخطاء بتحصل واحنا عيلة ونينينييي..
الكريسمس اللي فات حماتشي عملت بسكوت سكر.. وقتها كنت متجوزه بقالي سنتين.. وطبعًا أي حد عارفني هيتخيل إن البسكوت ده آمن.. لكن في الواقع هي استخدمت في الحشو والتزيين اللوز.. وخبزته بدقيق اللوز وطبعًا نسيت تقول.. بمجرد ما أكلت واحده جسمي دخل في حالة صدمة.. وقضيت ليلة راس السنة في العناية المركزة..
أول ما المستشفى بلغت الشرطة ووصلوا.. بدأت ټعيط دموع التماسيح.
لما كنت حامل في الشهر السابع باتريشا أصرت إنها هي اللي تعملي حفلة استقبال البيبي- البيبي شاور- ودي الحفلة اللي بنستقبل فيها هدايا من الأهل والأصحاب قبل الولاده.. كانت عايزة تقنعني إنها اتغيرت.. وبعتت صور من على تلاجتها وهي لازقه عليها قائمة الممنوعات عشان الحساسية بتاعتها.. عشان "متنساش"
مارك كمان كان بيقنعني أثق في أمه وحلف إنها عمرها ما هتأذي حفيدها.. وافقت إنها تعمل البيبي شاور.. كان حلو أوي.. وفي ورد لونه بمبي في كل مكان.. بعدها باتريشا بدأت تقدم سناكس للضيوف.. عبوات فيها كب كيك.. بصت لي في عيني وقالت "أحلى حاجة لمرات ابني"
ابتسمت لها وأخدت قطمه.. أول ما بلعتها باتريشا قالت لي "أتمنى إنها تعجبك.. البندق ده كان غالي أوي.. وتعبت أوي على ما لقيته"
اتجمدت في مكاني.. بندق!! قولت لها "ادتيني بندق؟" عملت نفسها من بنها وقالت "اه.. اديتك بندق".. وكملت كلامها "أنا متأكده إن الحساسية السخيفة بتاعتك مش هتمنعك إنك تاكلي بندق صح؟"
بدأت أحس إن حلقي بيتقفل وبسرعة جريت على حقنة الحساسية في شنطتي.. أخدت بالي إن
باتريشا مشيت وراحت تكلم مارك ومش شايفني أصلا.. وواحدة من أصحابي هي اللي طلبت لي الإسعاف..
المسعفين قالوا إني محظوظة وإن الجنين رغم إن ضربات قلبه قلت بس رجعت طبيعية بسرعة.. فضلت 3 أيام في المستشفى ومارك مزارنيش
طلعت من المستشفى لوحدي ومن غير ما أقوله وروحت على البيت.. كنت بدور على الشاحن بتاعي في مكتبه لما لقيت ملف في واحد من الأدراج شكله غريب.. اكتشفت إن الباشا عامل بوليصة تأمين بأسمي بقيمة مليون دولار وتخيلوا مين المستفيد من البوليصة دي؟؟؟ أيووووااااان حماتشييييي...
ساعتها بس أدركت إن كل اللي فات كان محاولات من باتريشا إنها ټموتني.. وجوزي كان متفق معاها.. محدش فيهم كان فارق معاه حياتي..
رجعت الملف مكانه ورجعت أوضتي.. مددت على السرير وحطيت ايدي على بطني.. وفضلت أفكر بهدوء.. لو باتريشا عايزه تلعب بالحوادث.. ف أنا هدوقها اللعب يبقى عامل ازاي..
من اليوم ده بدأت أراقب باتريشا في كل خطوة.. بقيت أدرس روتين يومها.. كل يوم حد كانت بتعمل شاي الورد المخصوص.. اللي كان عامل بالنسبة لها زي طقس مقدس..
كانت زارعه الورد اللي بتعمل فيه الشاي في الجنينه.. بس أنا لاحظت حاجة مهمة أوي إن جنب الورد في نبات تاني باتريشا زرعاه.. نبات أسمه Foxglove أو القمعية.. وساعتها جت لي الفكرة..
هي اللي زرعته بنفسها وعارفه إنه نبات سام وخطړ.. ف هيبقى خطأها لو جه بالغلط في الشاي بتاعها..
وفي يوم من أيام الحد لما كانت قاعده بتلقح عليا بالكلام مع مارك إني أوفر ومزوداها استأذنت عشان أروح الحمام.. بس دخلت المطبخ كنت محضرة القمعية معايا.. وحطيتها مطحونة وسط الورد اللي بتعمل منه الشاي..
ورجعت قعدت مكاني أتفرج عليها
شوفتها بتحاول تقف بس رجلها مقدرتش تشيلها ووقعت على الكرسي.. وشها لونه بقى أصفر باهت.. مسكت صدرها وبدأت تعمل أصوات عاليه مش مفهومة..
ساعتها بس ندهت على مارك وقولت له يكلم 911 وقولت له إني شاكه إن عندها أزمة قلبية.. الإسعاف جه وأخدوها فورًا.. فعلًا قلبها وقف.. بس قدروا يعملوا لها إنعاش وقلبها اشتغل تاني..
بس للأسف الضرر بسبب القمعية كان كبير لدرجة إن الدكتور لما قالنا إن الشاي كان ملوث بسم واحدة من الورد اللي هي زرعاه اتفاجئنا.. مكناش عارفين هي ازاي اتلخبطت بين الاتنين!!
مارك كان بيعيط وانا فضلت واقفه جنبه..وبمسح دموعه زي أي زوجة مخلصة..
باتريشا ربنا نجاها الحمد لله وطلعت من المستشفى... بس طلعت بضرر في المخ كبير أوي.. لا بتتحرك والا بتتكلم والا بتعمل أي حاجة غير إنها تراقب بعنيها اللي حواليها ويادوب تحرك ايديها.. ده غير إنها محتاجة رعاية 24/ 7..
قررت أطلق مارك.. وأخدت الحضانة كاملة على بنتي بموافقة مارك.. لأنه كان مسؤول بشكل كامل عن رعاية أمه..
قبل ما نخلص أوراق الطلاق بشكل رسمي زورت باتريشا.. جبت لها شاي ورد هدية وأصريت أعمله بنفسي..
بصيت لها وأنا بقدمه وقولت لها "أحلى حاجة لحماتي"
بالرغم إنها ماكنتش قادرة تتحرك بس أخدت مني الكوباية وعلى وشها نظرة فزع.. على الأغلب ساعتها بس فهمت اللي
