الشرع محلل اربعة
مها أنا عايز اتجوز عليكي أفتكر الشرع مديني الحق اتجوز ارب
متكملش يا حبيبي دا حقك يا سامح انت بتبرر إيه بس
يعني انتي مش متضايقة
بالعكس أنا فخورة بيك عشان طلعت رجل ومعملتش دا من ورايا
يا حبيبتي يا مها مش غيرانة بجد
يا واد اغير من إيه يا عبيط دا شرع ربنا هتفضل طول عمرك محدود الذكاء كدا مش هتطور
هو انا حاسس انك بتهزأيني بس قشطة يعني
أهزأك ايه بس انا بوصفك هو انت لما بتشوف كل ب في الشارع بتقوله إيه بتقوله يا باشمهندس
لا بقوله
بيقفش أو بيحس بإهنة
لأ خالص
طيب مع إن الكلب عنده وفاء
ما انا كمان عندي وفاء العروسة الجديدة اسمها وفاء شوفتي التويست
ياغتي هتتجوز واحدة اسمها وفاء صحيح كل واحد بيدور على اللي ناقصه يالا ربنا يسعدكم
انتي طلعتي طيبة أوي يا مها بجد انا مكنتش متوقع كدا منك خالص
من يومي يا واد بس انت اللي بس حبيبي برضو المهم قول لوفاء متسميش الأكونت بتاعها
لا هي الأكونت بتاعها اسمه
رحيق البنفسج
إيه دا انتي عرفتي منين
هو انا بتاعة بطاطا يا سامح انا عارفة كل حاجة يا حبيبي ربنا يهنيكم يا رب شيلها في عينك بقى دي بنت ناس برضو
أكيد
واعدل يا سامح اتقي الله يا حبيبي انت مش ناقص ذنوب انت كدا كدا صحيفتك مليانة
أكيد يا حبيبتي طبعا هعدل يعني
خد بقى البوكس دا انت رجعت لورا ليه مش هضربك دا بوكس فيه هدية جوازكم
لا بقى انا مش مصدق نفسي لسه فيه ستات عاقلة كدا
يا حبيبي من يومي بقولك انت اللي قليل الأصل بس فمش فاكر طب اقولك احنا متجوزين بقالنا كام سنة
عشر سنين
اتخنقنا فيهم كام خنقة
كتير جدا
عمري
رديت عليك كلمة وللا طلعلي صوت في خناقة
الشهادة لله لا يا حبيبتي طول عمرك ساكتة
شوفت ومع ذلك رايح تجيبلي ضرة وطي يا روح قلبي بقولك يالا بارك الله لكما وبارك عليكما وجمع بينكما في خير
حبيبتي
يا مها والله
البوكس
لضرتي حبيبة قلبي اللي خطفت جوزي حبيبي
من عياله ومراته
بجد
طبعا إفتح بقى عشان تعرف محتويات الهدية
إيه دي يا مها
اه الفلاشاية السدا
دي هقولك أصل انا كنت مسجلة كل خناقاتنا من يوم ما اتجوزتني لحد النهارده كل ما اشم ريحة خناقة في البيت افتح موبايلي واشغل الريكوردر واسيبك بقى تطلع أحلى ما فيك وما اردش عليك خالص
انتي بتهزري صح
لا يا حبيبي والله بتكلم جد دا فيه ريكوردات هنا اللي هيسمعها هيقلع اللي في رجله ويقطه على قفاك عربجي بيتخنق مع الفرسة بتاعته مش زوج محترم مع مراته
كل دا على الفلاشة
كله هنا حتى فيه مكالمة ظريفة كدا مع أيمن صاحبك وانت بتقوله وحشتني يا عمري انا قصيت منها الجملة دي
والفلاشاية الزرقا دي بتاعة ايه
لا دي معليهاش حاجات مهمة دي عليها حقيقتك اللي جوا البيت بقى يعني ڤيديوهات ليك وانت بتاكل بطريقة مقرفة وبتعمل صوت زي الجمل تسجيلات
فيه فلاشة لونها بنفسجي كمان
اه دي بتاعة خنقات المصاريف والمصايف والهدوم الشتوي والحاجات دي
دا بوكس فضيح يا مها
دا الصندوق الاس
ود بتاعك يا روح قلبي انا عايشة معاك بقالي عشر سنين لو مكانتش كل الفضيح دي تبقى معايه انا تبقى مع مين يعني
انا حاسس اني متجوز مرتضى منصور
آديك هتتجوز وفاء عامر اهو زعلان ليه بقى ايه رأيك يا حبيبي تفتكر لما عروسة الغفلة تشوف البلاوي دي هتتجوزك على نيلة إيه
انتي بجد ناوية تبعتيلها البوكس دا
لا طبعا هو انا ناقصة زيك
انا
برضو بقول دي مش أخلاقك
أنا بفكر اعمل صفحة ممولة على الفيس بوك أرفع عليها الماتيريال دي عشان نخلص بقى من حكاية الجواز دي للأبد
مها يا حبيبتي طبعا انتي عارفة ان حكاية التعدد دي رخصة ربنا ادهالنا بس مش لازم
حاسب تخبط حاجة بس وانت راجع بضهرك
