اسكريبت لطيف بقلم نانسي اشرف
_ من فضلك !
التفتلي بهدوء
قلع النضارة وقفل باب العربية وبصلي
_ شقة البشمهندس عزيز فين !
_ ليه !
_ أصل انا.. ايه دا !! .. وانت مالك !
_ عاوزة البشمهندس عزيز في ايه
_ وانت مالك يا جدع انت دا انت غريب جدا
_ تمام
عدا من جمبي ومشي ناحية الاسانسير
بصيت حواليا ملقتش حد بلعت ريقي ولقيته واقف يبتسم بغرور قبل ما يتحرك ناحيتي
_ مش هتلاقي حد تسأليه العمارة كلها نايمة حاليا
بصيلي من تحت لفوق وللشنط الي جمبي
مد ايده وجرجر الشنطة
_ ايه دا ايه دا رايح فين! يا حضرة .. يا أستاذ
فتح الاسانسير ودخل بالشنط
_ هتركبي ولا نطلع انا والشنط
ركبت معاه
_ تمام .. ممكن بقا تقولي فين شقة البشمهندس عزيز
_ اسمك ايه
_ وانت مالك
_ منين يا انت مالك
_ وانت مالك
_ بردو!
_ اه
_ دي منطقة عجيبة جدا
_اوماله
_ انتي سمجة ليه
_ انت الي غلس ومتطفل وفضولي
_ التلاتة!! .. خدي بالك انا خلقي هنا هنا في مناخيري
_ لا بجد! هتتعصب عليا بقا وبتاع
_ اتعصب عليكي! انتي مين يا طفلة يالي جاية من خمسة رابع انتي فين ولي أمرك يا بت
_ جاك بتة!
_ يا بت ابعدي عني .. ابعدي عني انا غبي
_ لا وريني .. وريني الغباوة دي وريني
_ يا بت انا ماسك نفسي وربنا اكسرلك صف سنانك الي مش باينين دول
_ انت بتتنمر
_ يا بت انا عارف اني مختلف ودي حاجة مش بايديا اني احلها يا بت
_ انت بايخ ليه !
وصلنا للدور وكان هيعدي
عديت ڠصب عنه ولمحته وهو بيعض على شفايفه من الغيظ
ابتسمت بمكر.
_ ايه دا ! .. شقة البشمهندس عز...
لمحته وهو بيطلع المفتاح وبيفتح الشقة وبيدخل
_ ايه ! اجبلك الاكل عالسلم مع القطط ولا ايه!
بلعت ريقي .. لا اكيد مش هو .. ممكن يكون عزيز دا ابوها او لا دي اسمها سارة السيد!
طلع بعد ما حط الشنط جوا
_ مش كنتي قارفة الي جابونا شقة البشمهندس شقة البشمهندس .. تعالي يا سارة شوفي البلوة ال١٦٥ سم دي
ودخل وطلعت سارة
_ دا عزيز! .. أخوكي!
اما على الجانب الاخر كان صوته بيجلجل المطبخ
_ دي ليلى ! .. دي الي جبتيني من اخر الدنيا وجرجتيني من شغلي عشان اشوفها
وفي الخلفية كان صوتنا بيطلع في جملة واحدة
_ دي العروسة! _ دا العريس!
على السفر بيتوسطها سارة المبتسمة بترحيب لينا احنا الاتنين
كنا بنتبادل نظرات تحدي مريبة لأي حد يركز معانا وياخد باله مننا.
ليلى بقا يا عزيز أشطر ويدينج بلانر في مصر كلها انت اكيد عارفها و...
_ لا معرفهاش
لقيتني بقوله بغيظ _ طبعا ما انت هتعرف ايه في حياتك غير طبق الملوخية الي قدامك
_ ورك الفرخة دا يلزمك في
حاجة
مكملتش كلامي لقيته مد ايده وخده
عزيز يا ليلى مهندس مدني شاطر جدا وليه اسمه في السوق بردو
_
لقيته بيرد _ ولا انا شخصيا سمعت عني .. ناوليني السلطة ناولي
سارة ناولتني السلطة عشان اديهاله
_ تسلمي يا غالية
_ غالية!
_ اه غالية
رفع عينه ناحيتي ماشي .. هو attractive شوية .. شوية كتير سيكا
ليلى هتقعد عندي يومين تلاتة كدا الي انت هتسافرهم برا
_ ايوا ايوا توقعت
بصلي مرة تانية
_ عاوز اكلم معاكي
_ لا
_ دا مش طلب
نادى على سارة عشان تكويله القميص الي هيروح بيه بكرا فغمزتلي عشان اكويه أنا
وطلعت وراه البلكونة بعدها
_ انا هعمل ال moon في وسط البلد وهخليكي تعملي شوبينج من التوحيد والنور وبالنسبة للعربية .. هبيعها وهنجيب فزبة
_ وانت مين قالك اني هجوزك
_ دا مش طلب .. انا خلاص قررت
_ يا شيخ!
_ امم ايوه
_ وبعدين !
_ وبعدين ايه لون الشنط دا ! .. انتي فلاحة ولا بيئة
_ ولا انت رخم
_ وانتي سمجة .. بس i can fix you على فكرة
_ fix your self يعومري
_ لا انا مهندس .. already fixed
__ اممم ابتدينا
_ انا نوع تالت
_ اممممم
_ دنيا تانية بقولك
_ اممممم
_ ٦٠ من ٦٠ في الفيزيا وحركات
_ اممممممممم
_ كنتي جايبة كام في الفيزيا في ثانوية عامة
_ ستة وتلاتين
_ دي درجة حرارة اليوم يعني ولا ايه
_ لا درجتي
_ من ستين!
_ اممم
_ المطبخ
_ ماله
_ وحياة النبي محمد .. ما تفارقيه
_ هفهمك
_ يعني انا ذكاء ابني هيورثه من بسيط نجم الي قاعد معايا دا!
_ دمك تقيل
_ مش اتقل منك
سكت شوية واتنهد
_ الفرح يوم الخميس الجاي
_ انت عبيط!
_ فعلا .. يبقى الاربع
_ نعم!
_ التلات
_ لا اله الا الله!
_ قومي بينا
ضحكت فابتسم
_ على فكرة انا الي مدبر كل حاجة
_ ازاي مش فاهمة
_ يعني الطيارة بتاعت رجوعك مصر انا الي حاجزها التاكسي الي خديته من المطار حتى لحزة نزولي كانت بالتناوب مع نزولك من التاكسي
_ امممم
_ بس يا سيتي
رجع بضهره لورا وابتسم بغرور
_ وعرفتني منين !
_ كنتي عاملة كومنت عند سارة وانا اصلا عامل لسارة بلوك
_ ايه دا ! اومال شوفته ازاي
_ بقولك ايه! تفاصيل مش عايزين
ابتسمت بكسوف قبل ما المحه وهو بيقرب
_ بالنسبة لكسوف البنات دا
_ امممممم
_ المرة الجاية لو لسانك طول عليا تاني صف سنانك هيسلم عالأرض
_ انت ليه مش رومانسي
_ لا
_ ليه مش طيب زي الاستاذ بهاء سلطان
_ هو كيفي كدا
_ حبني يا عزيز
_ حاضر
_ احترمني
_ حاضر
خرجت سارة وهي بتزعق
_ انتي سيبتي المكوة عالقميص يا ليلى!!!!!!
قام من مكانه وهو بيتنفض
_ قميص!!! قميص مين!!!!! ... القميص بتاعي!!!!!
شهقت وانا ببصلها بزهول
_ هو المفروض
قرب مني وهو بيضغط على اسنانه
_ المطبخ
بلعت ريقي وانا ببصله پخوف
_ ماله
قرب اكتر وهو بيكور قبضته
بالله عليكي ما تفارقيه.
نانسي_أشرف
