بقلم امانى سيد
ارض بور ٣
نظراتها للسما مكنتش نظرات استسلام، كانت نظرات استجماع للقوة. وفجأة، رن جرس الباب رنة قوية، رنة واثقة مش خايفة، قطعت سكون الليل اللي غرقنا فيه. ميرفت اتخضت وبصتلي، وأنا زقيت عجل الكرسي بتاعي بجهد ناحية الصالة وقلبي بيدق.. مين اللي هيجي في وقت زي ده؟
فتحت ميرفت الباب، ووقفت مذهولة. كان "عصام"، ابن عمها اللي كان مسافر بقاله سنين، واللي ميرفت كانت دايمًا بتوصفه إنه "الأخ اللي مخلفتوش أمي". كان واقف بطوله، وشه ميتفسرش، بس عينه كانت بتنطق غضب أول ما شاف حالتها وشعرها اللي لسه مبهدل وآثار الدموع على وشها.
عصام محكاش ولا سأل "إيه اللي حصل"، دخل البيت بوقار وهدوء مرعب، وبص لميرفت وقال كلمة واحدة:
"لبسي طرحتك يا ميرفت.. حقك هيرجعلك
ميرفت ردت بصوت مرعوش:
"راجعين فين يا عصام؟ ده رماني تحت رجل بابا وقالي بنتك أرض بور.. ده هيتجوز نوال أرملة أخوه بكرة يا عصام!"
عصام ضحك ضحكة باردة خلتني أنا نفسي أخاف وأنا قاعد على الكرسي، قرب من ميرفت وحط إيده على كتفها وسندها:
"الأرض البور دي هي اللي طلعت رجالة يا ميرفت.. والستر اللي بيتحاموا فيه ده أنا اللي هكشفه. أنا لسه واصل من المطار وعرفت كل حاجة من الجيران على السلم. مكنتش متخيل إن 'عريس الغبرة' فاكر إن مالكيش ظهر، ولا إن عمي العاجز ده لوحده."
بص لي عصام وباس راسي وقالي بصوت واثق:
"ارتاح يا عمي.. النهاردة الكرسي ده هيبقى العرش اللي هنقعد عليه وإحنا بناخد حق بنتنا. يلا يا ميرفت.. اطلعي
خرجنا من الشقة، عصام كان بيزق الكرسي بتاعي بقوة وثبات، وميرفت ماشية جنبه كأنها استردت روحها بوجوده. وصلنا قدام باب شقتها، الباب اللي اترمت من وراه من ساعات. عصام مخبطش، عصام رزع الباب برجله رزعة زلزلت البيت كله، ودخلنا.
المنظر جوه كان زي ما توقعنا.. نوال قاعدة في النص بتمثل دور العروسة المكسوفة، وأمه بتلبسها عقد دهب كان بتاع ميرفت، وهو قاعد ينفخ صدره. أول ما شافوا عصام، الضحكة اتجمدت على وشوشهم.
عصام مابصش للراجل، بص لنوال وقال بنبرة تقطر سم:
"العقد ده يليق عليكي يا نوال.. بس خسارة، أصله مسروق. والستر اللي إنتي جاية تدوريه هنا، هينقلب عليكي فضيحة بكرة."
جوزها قام وقف وهو بيحاول يبان شجاع:
"إنت إيه اللي دخلك هنا يا عصام؟ دي بيتي ودي مراتي الجديدة، وميرفت ملهاش مكان هنا."
عصام قرب منه لحد ما بقى النفس في النفس، وبصوت واطي زي فحيح الحية قال:
"البيت ده؟ البيت اللي ميرفت ممضياك على وصلات أمانة بتمن كل مسمار فيه؟ ولا البيت اللي إنت واخد قرض بضمان دهبها عشان تجيب عفشه؟ ميرفت النهاردة مش جاية تاخد هدومها يا 'دكر'.. ميرفت جاية تاخد شقاها. والكلمة اللي قولتها لعمي 'بنتك أرض بور'، أنا هخليك تدفع تمنها من شرفك اللي إنت فاكر إنك بتستره بنوال."
عصام طلع من جيبه ورق وقفل الباب وراه بالمفتاح، وبص لميرفت وقال:
"ابداي لمي حاجتك يا ميرفت.. أي حاجة لمستيها، أي حاجة دفعتي فيها مليم، شيليها. وأنا قاعد هنا، والراجل ده لو فكر يرفع
بصيت لميرفت، لقيتها بدأت تتحرك في البيت ببرود وقوة، بتشيل الستاير وتلم الأجهزة، وأنا قاعد على الكرسي المتحرك في نص الصالة، ساند ضهري ورافع راسي، بتفرج على "كسرة العين" وهي بتنتقل ليهم واحد ورا التاني. عصام مكنش مجرد طرف تالت، عصام كان "القدر" اللي نزل عليهم عشان يوريهم إن الحساب مبيتأخرش.
ميرفت كانت بتتحرك في الشقة زي الإعصار، ملامحها اللي كانت مطفية من ساعة، قادت فيها نار الانتقام. بدأت تسحب الهدوم من الدواليب وترميها في الشنط، وعصام واقف في نص الصالة زي السد المنيع، عينه مابتنزلش من على جوزها اللي انكمش وصغر لدرجة إنه بقى مش عارف ينطق بكلمة.
أمه بدأت تولول وتخبط على صدرها:
"يا خرابي! إلحق يا ابني، بيخربوا بيتك وعفشك اللي لسه مالحقتش تتهنى بيه نوال! ده كسر ودهب وخراب مستعجل!"
عصام بص لها ببرود وقال بكلمات زي الرصاص:
"الخراب المستعجل يا حجة هو اللي إنتوا عملتوه في بنت الأصول. الذهب اللي في إيد العروسة ده، والفرش اللي ميرفت دفعته من دم قلبها في الدروس الخصوصية، النهاردة هيمشي معانا. والبيت اللي بنيتوه على وجع عمي العاجز، هيفضل لكم جدران فاضية تسكن فيها لعنتنا."
نوال قامت وقفت وهي بتعدل عبايتها، وبتحاول تستنجد بالراجل اللي ساند ضهره للحيطة بخوف:
"إنت هتسكت لهم يا شاكر؟ هتسيبهم يبهدلونا في ليلة دخلتنا؟ فين رجولتك؟"
شاكر حاول يتقدم خطوة، بس عصام رفع إيده في وشه وبنبرة خلت المكان
"الرجولة اللي بتسأل عنها دي دبحها لما جر ميرفت من شعرها ورماها تحت رجلي. إياك تقرب خطوة يا شاكر.. الوصلات اللي ميرفت شايلاها ليك في الحفظ والصون، لو عصبتني، هخليك تقضي شهر العسل بتاعك في الزنزانة."
ميرفت خرجت من الأوضة، شايلة آخر شنطة، ووقفت قدام نوال.. بصت لها من فوق لتحت، ومدت إيدها بكل برود وشدت العقد اللي كان في رقبة نوال بقطعة واحدة:
"ده بتاعي.. ودهب أمي. اللي زيك ماتلبسش غير الصدا اللي في قلبها. مبروك عليكي يا نوال.. مبروك عليكي راجل رمى عشرة سنين عشان كلمة 'أرض بور' وهو عارف إن العيب منه هو مش مني، بس كان بيستقوى عليا عشان ماليش أخ.. النهاردة أخويا وصل."
شاكر وشه جاب ألوان، وبص للأرض بخزي لما ميرفت كشفت الحقيقة اللي كان مخبيها عن أهله ونوال بالكدب والافتراء عليها.
عصام لف الكرسي بتاعي وبدأ يزقني لبره الشقة، وميرفت وراه شايلة شنطها وراسها في السما. وقبل ما نخرج، ميرفت لفت ليهم بابتسابمة وجع ونصر في نفس الوقت وقالت:
"البيت ده يا شاكر، بكرة الصبح المحامي بتاعي هيكون عندك.. عشان الستر اللي إنت فرحان بيه، هيكلفك تمن الشقة دي كلها كتعويض عن كل قلم نزل على وشي. اشبع بنوال.. واشبعوا ببعض."
خرجنا، وصوت عجل الكرسي بتاعي على البلاط كان المرة دي ليه رنة مختلفة.. رنة فخر. عصام قفل الباب وراه برزعة قوية سكتت كل الأصوات اللي جوه.
وإحنا في الأسانسير، ميرفت مسكت إيد عصام وبكت.. بس المرة دي مكنتش دموع كسرة، كانت دموع "حمل
